Livalidza 16:46 - KITABU KITAKATIFU

⁴⁶ Musa yavolera Haruni, “Vugula zinju zizio ma uviiki ku manda mahiu kutura ku vwali kandi uviiki kimuli ku manda maku uzie vwangu nago mu vandu va Isiraeli ma uvakolere mwima gwu kwitakasa. Zia vwangu! Vutima vwa Yahova vumali koleta lidivizwa nu vulwaye vudamanu vumali kutanga.”

Livalidza 16:46 ပူးပေါင်းရင်းမြစ်များ

1 Kyetsinyinga 27:24

Joabu muyaayi wa Zeruya yaatanga kuvaliza, navuzwa si yamala kokora ndio mba, nitali uvutima vonene vwa Nyasaye vwaduuka ku Isiraeli kigira agene yaga. Livaliza yili si liang'odwa mu vitabu viu mwami Daudi viu vwami.

Zaburi 106:29

Vavuukiza uvutima vwa Yahova ni vikolwa viavo, na uvulwaye vudamanu vwaduuka hagati haavo.

Zaburi 141:2

Vugilira lisaala liange kuli kimuli kifunyaa mwayu imbiri woovo, kandi umbugiliri lwang'ingaa amakono gange ku ivi kuli kisiuviriru cha ha mugolova.

Kyavalevi 10:6

Maku Musa yavolera Haruni na vayaayi veve vandi Elieza na Izamara, “Mutaleki liisu lienyu livuli kusanulwa mba, kandi mutatanduli zinguvu zienyu kumanyia ndi musiomaa mba. Nimukora ndio, mulakuza, na Yahova alava nu vutima na avandu va Isiraeli vosi. Navutswa avache vinyu avandu va Isiraeli vosi, vanyara kusiomera yavo vosi va Yahova yasamba nu muliru gwa yatuma.

Kyavalevi 9:24

Nonoho Yahova yatuma muliru kandi gwasamba kihanwa chukusambwa, ni zitinya ziali ku uvwali. Lwa vandu vosi vagolola, vahanzuka lwanga nivagwa hasi mamumama.

Habakuk 3:5

Atumaa vulwaye imbiri weve, kandi alaangaa likuza limulonde.

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Livalidza 1:53

Avandu vi ihiiri ya Levi valumbaka havundu hokososera haavo kukumberiza lihema nukulilinda, kunangwa uvutima vwange vuvuli kuduuka ku livugana lia vandu va Isiraeli.”

Livalidza 11:33

Lwa vaali nivakikiri ninyama inyingi yu kulia, Yahova yaali nu vutima navandu. Yatuma vulwaye vudamanu kuvo.

Livalidza 18:5

Ivi na vayaayi vovo venyine gamuduukira mutwekizi uvutumiki vwa havundu Hatakatifu kandi ku vwali kunangwa vutima vwange vuvuli kwirana ku vandu va Isiraeli.

Livalidza 25:13

Oyo harara ni visukululwe vivie valava ni lilagana liu vusaalisi mihiga ni mihiga, kigira yaali nuvuha mulihaana luyali ku Nyasaye weve kandi yaleeta vusamiihi vwu vwoni ku vandu va Isiraeli.”

Livalidza 25:8

na londa musaza nu mukali mu lihema, ma navatumita ni litimu. Muinzira yiyi, uvulwaye vuhambizana vwadivizaa vandu va Isiraeli vwa herizwa,

Livalidza 8:19

Mali kuhaana ihiiri ya vandu va Levi vave kuli kihanwa ku Haruni harara na vayaayi veve hagati ha vandu va Isiraeli. Valakola miyinzi mu Lihema havogono vwa vandu va Isiraeli, valakinga vandu va Isiraeli kutura ku kivi choosi chu vulwaye vudamanu ligali, niiva valisunda himbi na havundu Hatakatifu.”

Kwidzulitsa 9:22

“Munyi kandi mwavihiliriza Yahova Nyasaye winyu lwa mwaali ha Tabera kandi ha Maasa kandi ha Kibirozi Hatava.