Livalidza 15:5 - KITABU KITAKATIFU

⁵ harara na vuli ligondi limigu lie kihanwa chu kusambwa alahaana kandi iwaini ilita indala eve kuli kihanwa chu kunwa.

Livalidza 15:5 ပူးပေါင်းရင်းမြစ်များ

2 Kyetsinyinga 29:35

Komeeda ku vihaanwa vinyingi ligali viu kusambwa, vialiho zitinya zie vihaanwa vie mirembe, kandi ni vihaanwa vie iwaini viazia harara ni vihaanwa viu kusambwa. Na ndio lisigamira lie Litembeli lia Yahova liatangizwa kandi.

Ezara 7:17

“Munyi mutumikiraa mabese yaga vulahi ma muguli zigiriki, magondi makore, vimeme via magondi, vuswage niwaini kandi muvihaane ku vwali vwi Litembeli mu Jerusalemi.

Zaburi 116:13

Ndahaana kihanwa chi iwaini ku Yahova, kumusandiza kigira yambonyia.

Kutwula 29:40

Uhaane ikilo ndala yu vusie uvunyuki vwi ingano ni vuzugani ilita ndala ya maguta malahi ga muzeituni lwa uhaana kememe chukutanga. Uzuki ilita ndala yi waini eve kuli ikihaanwa chukunwa.

Lwimbu lwa Solomoni 1:4

Umbuguli nzie nivi, kandi kwiluki mwami wange nivi, kandi kwiluki ove mwami wange na imbiri winyumba yooyo. Kulayaanza nukusangara harara, kulanwa iwaini, kandi kulayaanzana. Nicho kigira avakali vosi nivakuyaanza!

Kyavalevi 1:10

Niiva mundu zana ahaanaa ligondi lilala ku chayo chiche cha magondi anoho chi zimburi, kuduuka keve kekore kitaveeye nimbala.

Kyavalevi 23:13

Harara nacho, mulaleeta zikilo ziviri ziu vusie vuzuganyiywi mu maguta ga muzeituni kuli kihanwa chichukulia kifunyaa mwayu. Mulaleeta kandi harara navwo, iliita indala yi waini.

Kyavalevi 3:6

Niiva ligondi anoho imburi itumikiywi kuli kihanwa chi mirembe ku Yahova, kinyala kuva kekole anoho kisuveni, navuzwa kuduuka keve vugira imbara.

Kyavalevi 3:7

Niiva mundu alahaana kememe chi ligondi ku Yahova kuli kihanwa,

Zekaria 9:17

Kivala kilakave kilahi kandi chu kuyaanziza ligali kuli ndi vayaayi vasoleri valakaviluki ni zinguru kigira vuswage, vakana valakaviluki kigira iwaini imbia.

Livalidza 15:11

Yivi nivio via muhaana harara na vuli igiriki, ligondi limigu, ligondi noho imburi ekole.

Livalidza 15:6

Lwa muhaana ligondi limigu, mulahaana harara nu vusie vwu vuswage zikiloguramu 2 vuzuganyiywi mu na maguta ilita indala ni inusu,

Livalidza 28:14

Kihanwa chiwaini kidukanaa ni zilita ziviri ziewaini harara na vuli igiriki harara na vuli limigu vahane ilita ndala ninusu kandi vahane ilita indala harara na vuli kememe kimigu. Yaga ni malago gi kihanwa chu kusambwa ku lidiku liukutanga vuli mweli ku muhiga gwosi.

Livalidza 28:7

Kuli kihanwa chiwaini harara ne kememe kimigu chu kutanga, usunduli ku vwali ilita indala yiwaini.

Vafilipi 2:17

Hawundi amasahi gi livamwoyo liange gaduukanaa gasundulwi kuli kihanwa ku kisiuviriru chi lisuuvira lienyu lihaana ku Nyasaye. Niiva gaveeye ndio, inzi nyanza, kandi sangala harara ni munyi mwosi.

Vakalagi 9:13

Muzabibu gwavoolera imisaala, ‘Inzi ninyenya kwamiiha imisaala, kuduuka ndeke lituliza iwaini yange iyaanzizaa vanyasaye kandi avandu.’