Livalidza 15:39 - KITABU KITAKATIFU

³⁹ Uvuyusi yivu vulava kuli chukwizuliziraku, vuli ing'inga yoosi lwa muheezaa kuvwo, mulizuliza kandi nukutia malago gange. Maku munyi si mulagirung'ana kutura ku inzi nokolonda zinzira zienyu kandi zing'anagani zienyu aveene mba.

Livalidza 15:39 ပူးပေါင်းရင်းမြစ်များ

1 Avami 12:33

Ku lidiku lia 15 liumweli gwa munane, lidiku liu mwene yaali natovoli, yazia Bezeli kandi nahaana kisiuviriru ku vwali mu lisangalira Lisavo lia yatangizira vandu va Isiraeli.

Ayubu 31:7

Niiva ndagirung'ana kutura kunzira inungi, na umwoyo gwange niguva nigolonda liegomba lie zimoni ziange, kandi niiva ngoleywi mumwamu ku likora uvwoni,

Zaburi 106:39

Vekola aveene avadamanu ku vikolwa viavo, kandi vasigamira vifananyi viavo.

Zaburi 73:27

Henza, yavo avalekaa ivi valadiva ligali. Ivi uladiviza ligali yavo avataveeye avasuuvirifu ku ivi.

Kutwula 13:9

Yiki kilava kuli kelolero ku makono ginyu, kandi kuli lizuliza mu zimoni zienyu. Muzizagiliri kovora lilago lia Yahova, nukulisoma kigira umali kumutuliza mu Egebeti ni zinguru zizie zinene.

Tsing'ano 28:26

Mundu wisuuvirizaa aveeye musiru, navuzwa oyo ogendaa muvogeri alahona.

Tsing'ano 3:1

Mwana wange, utivilira miigizu gange mba. Ing'inga yoosi wizulizi agangovoolera okole.

Kohelethu 11:9

Umuyaayi usangale lwa ukikiri muyaayi, uyaanze lwa ukikiri muyaayi. Okole vuli kindu choosi cha wenyaa kokora, kandi olonde limenya liu mwoyo gugwo. Navuzwa wizulizi ndi, Nyasaye azizaa kukukalagira ku vindu viosi via okolaa.

Jeremia 9:14

Muvogono yivwo vamali kuva avahindagirizi nukusigamira ivifananyi via Baali kuli avaguuga vaavo vavigiza vakole.

Ezekieli 6:9

uwa valimenya mu lihaminywa. Wene yeyo vaala kanzizulizi nukumanya ndi inzi mali kuvaha mageri nukuvaviika muzisoni, kigira mioyo jaavo jitasuuvila, valeka inzi kandi vayanzilira vifananyi. Valakavihilizane aveene ku aveene kigira zimbi ni ivindu viezisoni via vamali kokora.

Hosea 2:2

Avana vange, mugoonye mama winyu, kali niiva si aveeye mukali wange, kandi inzi si mbeeye musaza weve mba. Mumugonye aleke kokora ovoheyi kandi uvulaya.

Kwidzulitsa 29:19

“Lwu mundu kuli uyu ahuliraa makuva gi liesuuha yaga, yigaasizaa mumwoyo gwigwe, ma aganagana, ‘Ndava ni mirembe, kali niimba ninzizagilira kogenda mu zinzira ziange mwene.’ Yago galadiviza munyi mwosi, avalahi na vadamanu.

Kwidzulitsa 4:23

Mwilindi munyi aveene, kandi mutivilira lilagana lia Yahova Nyasaye winyu yalomba ni munyi mba. Muhuliri lilaga lilie kandi mutelombera kifananyi ku choosi chavazwa cha Yahova Nyasaye winyu yagaya mba;

Kwidzulitsa 6:12

Mukore ndio kunangwa muvuli kwivilira Yahova uwamuhonyia kutura mu kivala cha Egebeti, wa mwaali avatugwa.

Kwidzulitsa 8:11

“Muhenze vulahi kase mulivilira Yahova Nyasaye winyu; mutivilira kuhulira malago geege, agamuheezaa kalunu mba.

Kwidzulitsa 8:14

maku mulole ndi muvuli kwigingira, ma mwiviliri Yahova Nyasaye winyu uwamuleta kutura Egebeti uwamwaali avatugwa.

Yakobo 4:4

Munyi avandu avataveeye vasuuvirifu! Simumanyi ndi kuva umulina wi lirova, gaveeye kovora kuva musigu wa Nyasaye? Woosi owenyaa kuva umulina wi lirova yekolaa umusigu wa Nyasaye.