Livalidza 15:30 - KITABU KITAKATIFU

³⁰ Navuzwa mundu woosi naava nasaavira kokora uvwoni, ave mundu wa Isiraeli noho mundu mugeni omenyi hagati haavo, alaloleka kuva onyegi Yahova, kandi aliitwa,

Livalidza 15:30 ပူးပေါင်းရင်းမြစ်များ

Litanga 17:14

Vuli musaza utakevwa sialava mulala ku vandu vange mba, kigira siyalindi lilagana liange mba.”

Ayubu 38:15

Uvulavu vwi lidiku voveeye uvulavu vonenene ku vadamanu, kandi vuvigaliraa kokora kirage.

Zaburi 19:13

Osoore kutura ku vwoni vwukuhindagiriza, utavoleka vunzamihi mba. Hene yaho inzi ndava muduukiru, kandi ndava muvoholore kutura ku vudamanu vwu vwoni.

Zaburi 69:9

Uvuha vwange vwu kuyaanza Litembeli liilio vwaduuka mu mwoyo gwange kuli umuliru; amanyego ga yavo avanyegaa ivi, gamali kuduuka kali ku inzi.

Zaburi 74:18

Navuzwa, O, Yahova, wizulizi ndi avasigu vovo vakosekerizaa, avandu vasiru vaanyegi lieta liilio.

Zaburi 74:22

Singira, O, Nyasaye, na wesoole ivi mwene. Wizulizi ndi avandu avatamanyi ivi Nyasaye vakokolera kehenyahenye, muvasu gwosi.

Zaburi 79:12

O, Yahova, utungi zihiiri zindi haali saba, kigira amanyego goosi gavamali kokonyega.

Zaburi 89:51

O, Yahova, avasigu vovo vanyega mwami woovo mutovole! Vamunyega nu kumusekeriza havundu hoosi aha azizaa.

Kutwula 21:14

Navuzwa lwu mundu avihirirwa nukusaavira kwita wundi; gaduukanaa yiitwi, kali niiva wirukiyi kuvwaali vwange aduuki kwesoora.

Kutwula 30:33

Mundu woosi olomba maguta kuli yaga, anoho utumikira maguta yaga ku mundu woosi utaveeye musaalisi, sialavalizwa kuva mulala ku avandu vange mba.’ ”

Tsing'ano 14:31

Mundu udambiza vadaka alegeliza Nyasaye wavalomba, navuzwa oyo oveeye ni zimbavasi ku vadaka ahaanaa luyali ku Yahova.

Ezekieli 20:27

“Maku kalunu, Mwana wu Mundu, ovoolere avandu va Isiraeli aga Inzi Yahova Wuvunyali mboraa. Yili ni liiva lindi lia vaguuga vaavo vaanyegera mu likora uvugadi.

Kyavalevi 20:10

Niiva umundu aheyaa nu mukali wu mutende weve, avaheyi vombi, musaza nu mukali, kuduuka viitwi.

Kyavalevi 20:3

Niiva mundu woosi ahaanaa mulala ku avana veve ku Moleki no kolomba Lihema liange litakatifu kuva lidamanu no kuhaana zisoni ku lieta liange Litakatifu, ndamuleka kandi sindamuvaliza kuva mulala ku avandu vange mba.

Kyavalevi 20:6

“Niiva mundu agirung'ana nu kuzia kwenya zing'anagani kutura ku avakumu, Inzi ndagirung'ana kuva musigu weve, na sindamuvaliza kuva mulala ku avandu vange kandi mba.

Livalidza 15:29

Malago yaga galatumika ku vuli mundu okola uvwoni vugira kumanya; ave mundu wa Isiraeli noho mundu mugeni amenyi hagati haavo.

Livalidza 9:13

Navuzwa mundu woosi oveeye mulahi kandi utaveeye ihale mu logendo, kandi uvula kusangalira Lipasaka, sialava mulala ku vandu vange mba, kigira si yahaana vihaanwa ku inzi ku ing'inga yalagwa mba. Mundu uyu alagiinga uvwoni vwivwe umwene.

Matayo 12:32

Ku vosi ovola ilikuva lio konyega Umwana wa Adamu alasaamiifa, navuzwa oyo ovola ilikuva lio konyega Roho Mutakatifu, sialisaamiifwa kali mu likula lia kalunu yili, anoho mu likula iliiza mba.

Kwidzulitsa 1:43

Inzi ndaamuvolera aga Yahova yaali navooye; navuzwa munyi simwagahulira mba. Mwibaara ku Yahova, kandi mu lielora lienyu mwazia mu kivala chi vigulu.

Kwidzulitsa 32:27

Navuzwa sindakaleke avasigu vaavo vigingiri, ndi vamali kuguuta avandu vange, lwa yaali ninzi Yahova mwene umali kuvasionolanyia.’

Vahebraina 10:26

Niiva kotovola kokora uvwoni inyima wi limanya agiligali, sihaveeyeho ni kisiuviriru chatigara kutuliza vwoni mba.

Vahebraina 10:29

Kunangwa galava ki ku mundu uchayaa Mwana wa Nyasaye? Galava ki ku okolaa amasahi gi lilagana lia Nyasaye ga mutakasaa kutura muvwoni kuva gaveeye kindu vuzwa? Galava ki ku oyo onyegaa Roho wi zimbavasi? Gamudukira ahevwe amageri malulu ligali kuvita agadukanaa naye.

2 Petro 2:10

kandi kuvita ligali, yavo avalondaa likayirwa lio muviri, nukuchaya uvunyali vwa Nyasaye. Avigizi vuvugadi yava vaveeye nu vuluviliri kandi vikirage, na sivamanyia uluyali kuyavo avuvukumi mwigulu mba; navuzwa vavanyegaa.

1 Yohana 5:16

Niiva mundu alolaa amwavo weve naakoraa uvwoni vutaveeye vumudukiza ku likuza, gamudukira amusaaliri ku Nyasaye, na Nyasaye alamuha livamwoyo litahera mba. Likuva yili mbolera yavo avakolaa uvwoni uvutavimiliraa kuduuka ku likuza. Navuzwa voveeye ho nu uvwoni vuhilaa vandu mu likuza. Simbolaa musaale Nyasaye ku vwene yivwo mba.

1 Samweli 2:25

Niiva mundu yonera mundu wundi, Nyasaye anyala kumukinga navuzwa nivwaha unyala kukinga mundu wonera Yahova.” Navuzwa sivahulira livoora lia baba wavo mba, kigira Yahova yaali nasaviiyi kuvita.

1 Samweli 3:14

Kunangwa ndisuuhira avinyumba ya Eli ndi, ‘Uvwoni vwa vinyumba ya Eli sivunyala kwogizwa na masahi gi visiuviliru anaho vihaanwa mihiga ni mihiga kali hakuzu mba.’ ”