Livalidza 15:29 - KITABU KITAKATIFU

²⁹ Malago yaga galatumika ku vuli mundu okola uvwoni vugira kumanya; ave mundu wa Isiraeli noho mundu mugeni amenyi hagati haavo.

Livalidza 15:29 ပူးပေါင်းရင်းမြစ်များ

1 Avami 8:41

“Kandi ndio, lwu mugeni utaveeye mulala ku vandu vovo Isiraeli, navuzwa umali kuuza kutura mu kivala chi hale kigira uhuliyi lusuma lwi lieta liilio,

Kutwula 12:49

Malago malala mere yago galava kandi ku vandu va Isiraeli kandi kuvamenya aviivulwa mu kivala cha Isiraeli.”

Kyavalevi 16:29

Yili lilava lilago lie mihiga ni mihiga ku munyi. Ku lidiku lie likomi liu mweli gwa Saba, avandu va Isiraeli vosi navageni vosi avamenyaa hagati haavo, kuduuka vahonge lilia kandi vatakola miyinzi josi mba.

Kyavalevi 17:15

Mundu woosi ulia inyama imali kukuza yene anoho yi inyama yindi yu muvulimu yiiti, kuduuka afuuyi zinguvu zizie kandi yisingi na alava mudamanu kuduuka hamugorova.

Kyavalevi 4:2

avolere vandu va Isiraeli ndi niiva mundu woosi alakola vwoni nukuvunanyia lilala ku malago ga Yahova vugira kusaavira kukola ndio, gamuduukira alonde malago yaga.

Livalidza 15:15

Avandu vosi harara na vageni vamenyi hagati hinyu, valava na malago malala mere. Munyi vosi harara na vageni vamenyi hagati hinyu mulava kindu kilala imbiri wa Yahova.

Livalidza 15:28

Musaalisi alakola muluka gwu kutakasa uvwoni vwu mundu uyu ku vwali, naye alasaamifwa.

Livalidza 15:30

Navuzwa mundu woosi naava nasaavira kokora uvwoni, ave mundu wa Isiraeli noho mundu mugeni omenyi hagati haavo, alaloleka kuva onyegi Yahova, kandi aliitwa,

Livalidza 9:14

“Niiva mugeni woosi omenyi harara ni munyi aleenya kusangalira Lipasaka, gamudukira akole ndio kolondekana na malago gi Lipasaka. Galavaho malago malala ku vombi avageni kandi avandu vene kivala.”

Luka 12:48

Navuzwa uyu uwavula kumanya aga yenyeka akole, ma akola agadukanaa lihevwa amageri, alakuywa hakekeke. Ku vosi uwahevwa vinyingi, alateevwa kuhaana vinyingi ligali. Na ku vosi uwa avandu vaheza kulinda vinyingi, kandi ndio alateevwa kuhaana vinyingi.

Joshua 8:33

Avandu va Isiraeli vosi, harara na viimiliri vaavo na vanene vaavo, na vakalagi vaavo, harara na vageni vaali hagati haavo, vasingira ku zimbega ziviri zie Lisandugu lie Lilagana nivahenzi avasaalisi, avandu vihiiri ya Levi avaaligiingaa. Inusu ya vandu zana vasingira nivahenzizi migongo ku Kiguru cha Gerizimu, na inusu yindi nehenzizi migongo jaavo ku Kiguru cha Ebali. Mutumikiri wa Yahova Musa, yaali yavalaga vakole ndio lwa ing'inga iduuka yavo vanyoore uvugasu.