Livalidza 15:20 - KITABU KITAKATIFU

²⁰ Lwa mulomba migadi, mugadi gwu kutanga gwa mulomba kutura ku viukulia vienyu ivihia, muhaane ku Yahova gove kuli kihanwa kuye. Mulahaana kuli uvuswage vwa muhulaa koloze.

Livalidza 15:20 ပူးပေါင်းရင်းမြစ်များ

Nehemia 10:37

Kulahilira Avasaalisi mu Litembeli viukulia viuvusi vialombwa kutura ku vuswage vwageswa kutanga vuli muhiga, kandi nivihaanwa vietu vindi vie iwaini, maguta ga muzeituni, kandi ni zing'ano ziosi zia makuyu. Kulahilira avandi va Levi, avavungizaa izaka mu tudaala twiitu twu vulimi, izaka kutura ku viukulia vietu ivimelaa mu kivala chietu.

Kutwula 23:19

“Vuli muhiga mulaleeta munyumba ya Yahova Nyasaye winyu vuswage vwukutanga kogesa. “Utasinzi kememe chi ligondi anoho imburi nikinuuna maveere ginyia mba.

Kutwula 34:26

“Muleete munyumba ya Yahova iligesa liukutanga lievitagwa vienyu vuli muhiga. “Mutadekeri kememe nikikinuuna maveere ganyia mba.”

Ezekieli 44:30

Avasaalisi valanyora kidieli choosi kilahi chukutanga kogeswa. Valanyora kandi vihaanwa viosi vilahi via vandu va Isiraeli vahane ku Inzi. Vuli ing'inga lwa vandu valomba umugadi, kuduuka vahane ku vasaalisi mugadi gwukutanga kuli isadaka kunangwa nduuki kugasiza lwivulu lwavo.

Kyavalevi 2:12

Kihanwa chukutanga chi ligesa kilaleetwa ku Yahova vuli muhiga, navuzwa kitasaambwa ku uvwali mba.

Kyavalevi 2:14

Lwa uleeta ku Yahova kihanwa chu vuswage vwi ligesa liukutanga, haana vuswage vukalangiywi anoho vusie vusieyeywi.

Kyavalevi 23:10

avooreraa avandu va Isiraeli ndi, “Lwa mwingira mu kivala cha muheezaa muve ni ligesa liacho, muleete ku musaalisi ligesa lia makuyu gukutanga guvuswage vwa ogesaa.

Kyavalevi 23:20

Musaalisi alahaana migadi harara ni vimeme via magondi viviri kuli kihanwa kidukiru ku Yahova kigira avasaalisi. Vihaanwa yivi viveeye vitakatifu.

Livalidza 15:21

Ku viukulia vienyu viosi viu kutanga, mulahaana kidieli kilala ku Yahova keve kuli kihanwa kuye. Mulakola ndio kali kuduuka ku visukululwi vienyu viosi.

Livalidza 18:12

“Mbana kuivi vindu viosi vilahi viukutanga muligesa lia avandu va Isiraeli vahaana ku inzi vuli muhiga: amaguta ga muzeituni, iwaini kandi vuswage.

Matayo 6:33

Kunangwa mwenye kutanga uvwami vwa Nyasaye, nu vulungi vwivwe; na ivindu yivi viosi muladasirwa.

Varumi 11:16

Niiva kedonye chu kutanga chu mugadi kihanwa ku Nyasaye, kunangwa mugadi gwosi goveeye gwa Nyasaye, kandi niiva imiliju musaala jihaanwa ku Nyasaye, iziisia nazio ni zia Nyasaye.

1 Vakorintho 15:20

Navuzwa agiligali gaveeye ndi Kristo umali kusimugukizwa kutura mu likuza, kandi aveeye kimanyiru ndi, yavo avagonaa mu likuza, kandi navo valakasimukizwi.

Kwidzulitsa 14:22

“Mulaviika halovega izaka kidieli chi likomi ku limeedeka lie ligesa lie milimi jinyu vuli muhiga.

Kwidzulitsa 14:23

Maku muzie havundu harara, aha Yahova Nyasaye winyu amali kotovola asigamirwi ho; kandi uwene yeyo imbiri weve, mulie izizaka ziu vuswage vwinyu, iwaini yinyu, na maguta ga muzeituni kandi iviukutanga kwivulwa vie zing'ombe na magondi. Mukore ndio kunangwa muduuki kwiga kuli munyala kuhaana luyali ku Yahova Nyasaye winyu kazozo.

Kwidzulitsa 16:13

“Inyima wa muva nimwakamala kuhuura nokoteera uvuswage vwinyu vwosi, nukukamulira amazabibu ginyu goosi, mulombe lisavo lia madiri ku madiku saba.

Yakobo 1:18

Ku vulaliri vwivwe umwene, yakoleta mu livamwoyo kuvitira mu likuva lie ligali, kunangwa kuduuki kuva kuli amakuyu gu kutanga hagati hi ivilombe vivie.

Likunula 14:4

Yava nivo avasaza avilindaa na vavula kokora ovoheyi na vakali; aveene vayilinda kandi vaveeye avagima. Yava nivo avalondanga Mwana wi Ligondi hoosi na hoosi aha azizaa. Yava vahonywa kutura mu avandu vandi vaveeye va Nyasaye amakuyu gukutanga kuhaanwa ku Nyasaye kandi ku Mwana wi Ligondi.