Livalidza 14:35 - KITABU KITAKATIFU

³⁵ Inzi mali kwisuuha ndi, ndakora yaga ku munyi avandu vaveeye avachamu, avamali kuvunga harara kovora makuva madamanu ku inzi. Munyi vosi mulakuzira hano mwigendanyama. Inzi Yahova mali kovora.’ ”

Livalidza 14:35 ပူးပေါင်းရင်းမြစ်များ

Zaburi 78:33

Kunangwa yaaheriza madiku gaavo kuli mwika, kandi livamwoyo liavo liahera nonoho kuturana nikivi.

Kutwula 23:21

Mumuhuliri gavoora kandi mumutie. Mutibaala kuye mba, kigira inzi mali kumutuma, kandi sialasamiiha liebaala kuli yilio mba.

Ezekieli 20:36

Kalunu ndamukalagira kuli ndakalagira avaguuga vinyu muchangalangwe cha Sinai,” Yahova Wuvunyali avoora.

Livalidza 23:19

Nyasaye siaveeye kuli avandu, unyala koveha mba; siaveeye ho nu mundu unyala kugirung'anyia zing'anagani zizie mba. Choosi chalagaa, akolaa; amolomaa, ma gekoleka.

Livalidza 26:65

Yahova yaali navooye ndi vosi valakakuzili mwigendanyama, nitali Kalebu muyaayi wa Jefune harara na Joshua muyaayi wa Nuni.

1 Vakorintho 10:11

Kunangwa vindu yivi viosi viekoleka kuvo niviva kuli chukwiganihiza ku kunyi. Kunyi komenyi mu ing'inga lwi keheri keveeye ahimbi kuduuka.

1 Vakorintho 10:5

Kali ndio avanyingi kuvo sivayaanziza Nyasaye, na miviri jaavo mikuzu jasalanywa mwigendanyama.

Vahebraina 3:19

Kunangwa kolola ndi, sivali vanyara kwingira mu kivala cha valagwa mba, kigira livula kusuuvira.

Joshua 5:6

Avandu va Isiraeli vagendagenda mu changalangwe ku mihiga arubaini, kuduuka lwa vasaza vosi, avilikula liu kuzia muvulwani lwa vaatura Egebeti, vaali nivakakuza, kigira vavura kuhulira Yahova. Kuli Yahova yaali niyisuuhi, sivavugilirwa kolola kivala cha malova magunamu icha yaali niyamala kusuuviriza ndi alahaana kuvaguuga vaavo mba.