Livalidza 14:23 - KITABU KITAKATIFU

²³ Si valaduuka mu kivala cha ndisuuhira avaguuga vaavo mba. Siaveeye ho kali mulala ku vandu vamali kusuura yava uliduuka mu kivala yiki mba.

Livalidza 14:23 ပူးပေါင်းရင်းမြစ်များ

Nehemia 9:23

Ivi wavaha avana vanyingi kuli zing'ereng'ani mu vwerefu. Kandi noleka vaguute nokomenya mu kivala icha waali nuwasuuviriza avaguuga vaavo ndi ulavaha.

Zaburi 106:26

Kunangwa Yahova yavaha lieganihiza liukwisuhiza ndi, alavakola vakuziri mu changalangwe,

Zaburi 95:11

Kunangwa ndisuuha mu vutima vwange nimbora, ‘Sivalingira mu kivala cha ndakavaheye vweremerizi mba.’ ”

Jeremia 18:10

navuzwa ihiiri yene yeyo nivula kutia inzi nokokola uvuchamu, inzi sindakola agandavoola ndakora mba.

Ezekieli 20:15

Kandi ndavisuuhira mwigendanyama ndi, sindavahila mu kivala chandaali nindavaha mba, kivala kenoru kandi kigunamu ligali, kivala chaali kilahi ligali kuvita vivala vindi viosi.

Livalidza 26:64

Sihaliho nu mundu kali mulala watigala ku yavo va Musa harara na Haruni vang'odwa mu livaliza liali liu kutanga mu changalangwi cha Sinai mba.

Livalidza 26:65

Yahova yaali navooye ndi vosi valakakuzili mwigendanyama, nitali Kalebu muyaayi wa Jefune harara na Joshua muyaayi wa Nuni.

Livalidza 32:11

‘Nzisuha ndi kigira sivambulila mba, si halava ho na vasaza vi mihiga sirini anaho kuzizagilira avaatura Egebeti kwingira mukivala cha ndalaga Aburahamu, Isaka, na Yakobo mba.’

Kwidzulitsa 1:8

Kivala yiki choosi nicho kivala cha Inzi, Yahova, ndasuuviriza kuhaana ku avaguuga vinyiu, Aburahamu, Isaka na Yakobo, kandi ku visukululwi viavo. Muzie mukivuguli.’ ”

Vahebraina 4:3

Kunyi avakumali kusuuvira, konyoora vosoosi zana yivwo, vwa Nyasaye yasuuviriza. Gaveeye kuli yavoola, “Ndaali nu vutima ma ninomba lisuuviriza lie liesuuha ndi, ‘Sivalakingiri mu kivala cha ndakavaheye vosoosi vwange mba!’ ” Yavoola yaga kali niiva miyinzi jije jaali nijatwekizwa kutura lwa yalomba lirova.