Livalidza 14:22 - KITABU KITAKATIFU

²² siaveeyeho mundu kali mulala ku vandu yava uliduuka mu kivala yiki mba. Vamali kolola uvukumi vwange kandi vilolekizu viange via ndaakola mu Egebeti kandi mu changalangwi, navuzwa vamali kogeliza liekuzira liange haali kanyingi kandi vasuyi kumbulira.

Livalidza 14:22 ပူးပေါင်းရင်းမြစ်များ

Litanga 31:41

Ku mihiga 20 ja ndaamenya na ivi, ndaakutumikira mihiga 14 konyoora vakana vovo vaviri; na mihiga 6 ndalinda viayo vivio. Kali ndio Ivi wagirung'anyia mitungu jange haali likomi.

Litanga 31:7

Navuzwa baba winyu uali kungada kandi uali kugirung'anyia mitungu jange haali likomi. Navuzwa Nyasaye siyaamuvugilira kusalirizwa mba.

Ayubu 19:3

Mumali konyega haali kanyingi. Simuveeye soni kongolera vudamanu?

Zaburi 106:14

Navuzwa vizura likayirwa linene lie chukulia mu changalangwe, ma nivageriza Nyasaye.

Zaburi 106:26

Kunangwa Yahova yavaha lieganihiza liukwisuhiza ndi, alavakola vakuziri mu changalangwe,

Zaburi 78:41

Vageriza Nyasaye kase na kase, Nivaleeta vuzunu vululu ku Nyasaye Mutakatifu wa Isiraeli.

Kutwula 14:11

Vavoolera Musa, “Gaveeye kigira vilindwa sivialiho mu Egebeti? Wakoleta hano kukuziri mwigendanyama? Nikindiki cha ive umali kokokolera yiki mulikutuliza mu Egebeti!

Kutwula 15:24

Avandu vililira ku Musa nivateeva, “Kulanwa ki?”

Kutwula 16:2

Mu changalangwi mwene yimwo, vosi vililira ku Musa na Haruni

Kutwula 17:2

Kunangwa avandu vililira ku Musa ni vavoola, “Okohe amazi kunwi.” Musa yavativulira, “Kigira ki munyi mudulaa? Kigira ki mugerizaa Yahova?”

Kutwula 17:3

Navuzwa avandu vaali nuvuluhu vwa mazi ligali kandi vazizagilira kwililira ku Musa nivamudula. Vavoola, “Kigira ki ivi nukutuliza Egebeti, kukwita harara, na vana viitu kandi ni mitugu jietu nuvuluhu?”

Kutwula 17:7

Havundu hazana halangwa Maasa na Meriba, kigira avandu va Isiraeli vililira kandi vageriza Yahova lwa vateva, “Yahova aveeye nikunyi anoho mba?”

Kutwula 32:1

Lwa avandu valora ndi Musa ulindagiyi kwika kutura mukigulu, vivungikiza himbi na Haruni, nivamuvoolera, “Sikumanyi ikimali kwekoleka ku mundu uyu Musa uwakwimilira kutura Egebeti mba; kunangwa okolombere umunyasaye unyala kukwimilira.”

Kutwula 5:21

Kandi vaavoolera Musa na Haruni ndi, “Yahova alole munyi ma amukalagiri! Munyi mumali kokora kunyi kufunyi vugundu imbiri wu Mwami na vatumikiri veve vosi kandi vagumiyi vivavi mu makono gaavo kukwita.”

Isaya 42:20

O, munyi avandu va Isiraeli, muveeye ni zimoni kolola, navuzwa simulolaa mba. Muveeye na amatu kuhulira, navuzwa simuhuliraa mba.”

Danyeli 1:20

Ku makuva goosi gu mwami yateeva, anoho vudinyu vwosi vwu mwami yaleeta, avayaayi vane yava vamanya haali 10 kuvita muvuuli anoho mukumu wundi woosi munyumba yeeye yu vwami vwosi.

Malaki 3:15

Kuli kololaa, vandu vaveeye ni lielola nivo vaveeye nu vugasu. Avandu vadamanu sivanyoola vuzwa vutugi mba, navuzwa vageriza liekuzira lia Nyasaye mu vikolwa viavo vidamanu ma vahononoka.’ ”

Livalidza 11:1

Avandu va Isiraeli vatanga kwililira ku Yahova kigira uvudinyu vwavo. Lwa Yahova yahulira lielilira liavo, yaali nu vutima, maku Yahova yatuma muliru hagati ha vandu. Muliru gwasamba kandi nigudiviza luvega lulala kundulu hokososa haavo.

Livalidza 11:4

Vaaliho avageni vandi kologendo harara na vandu va Isiraeli. Vaali ni liegomba linene kulia inyama; kali avandu va Isiraeli vene vatanga kwililira nivavoora: “O, kwakaveeye ninyama kwalia!

Livalidza 12:1

Miriamu na Haruni vatanga komonya Musa kigira yaali naleti mukali Mukushi.

Livalidza 14:11

Yahova yavolera Musa, “Avandu yava valasura kuduuka ing'inga ki? Valavula kusuvira kuduuka ing'inga ki, kali niiva mali kokora vilolekizu vinyingi hagati haavo?

Livalidza 14:2

Vililira ku Musa na Haruni nivavoora, “Vwali vove vulahi kunyi kukuzira mu Egebeti noho kukuzira hano mwigendinyama!

Livalidza 32:12

Yaga gaali ku vandu vosi, nitali Kalebu muyaayi wa Jefune mundu wa Kenizi, na Joshua muyaayi wa Nuni; avaloonda malago ga Yahova no mwoyo gwosi.

Matayo 4:7

Yeso yamuvolera, “Kandi gang'odwa, ‘Utageriza Mwami, Nyasaye woovo mba.’ ”

1 Vakorintho 10:5

Kali ndio avanyingi kuvo sivayaanziza Nyasaye, na miviri jaavo mikuzu jasalanywa mwigendanyama.

1 Vakorintho 10:9

Kutageriza Mwami kuli valala kuvo vamugeliza ma niviitwa ni zinzoka mba.

Kwidzulitsa 9:7

“Mwizurizi yaga kandi mutivilira kuli mwavihiliriza Yahova Nyasaye winyu muchangalangwe mba. Kutura ku lidiku liamwatula mu kivala cha Egebeti kuduuka lidiku lia mwaduuki hano, mwayibaala ku Yahova ligali.

Vahebraina 3:9

Nyasaye avoora, vababa vinyu vambiika ku kegero kandi nivangeriza, kali niiva valora miyinzi jange ku mihiga arubaini.