Livalidza 14:12 - KITABU KITAKATIFU

¹² Ndaleta uvulwaye vudamanu kuvo na ndavadiviza ligali. Navuzwa ndakora ivi kuva baba wihiiri enene ligali kandi yi zinguru kuvavita.”

Livalidza 14:12 ပူးပေါင်းရင်းမြစ်များ

2 Samweli 24:1

Yahova yaali nu vutima na vandu va Isiraeli ligali, kandi yakola Daudi aleete uvudinyu kuvo. Yahova yamuvolera, “Zia uvalizi avandu va Isiraeli ni Ivuyuda.”

Kutwula 32:10

Kalunu, utageriza kungaya mba. Mbeeye nu vutima navo ligali kandi nziza kuvadiviza. Maku ndaakola ivi harara ni visukululwi vivio kuva ihiiri enene.”

Kutwula 5:3

Musa na Haruni vaamutivulira, “Nyasaye wa Vaheburaina umali kwivuula mwene ku kunyi. Mwaza yaanza ukuvugiliri kuzie ologendo lwa amadiku gavaga kuhaanira Yahova, Nyasaye wiitu visiuviliru mwigendanyama. Nikutakola ndio, alakakwita nuvulwaye anoho mu vulwani.”

Ezekieli 20:13

Navuzwa avandu va Isiraeli vibaara ku Inzi mwigendanyama. Sivagumira lilago liange mba, kandi vasuura malago gange agaleetaa livamwoyo ku mundu woosi wegehiza kugo. Vamali kwononyia lidiku liange lie Lisabato. Ndavika kuva nu vutima vwange vululu mwigendanyama kandi ndavadiviza ligali.

Kyavalevi 26:25

Ndaleta vulwani kumuha mageri kuvanza kisaalia kigira livunaganyia lilagana lietu, kandi kali nimuvunga mu madaala manene ginyu kwirukira mirembe, ndatuma zinguzu hagati hinyu zitahonaa mba na galamuniga mwihaane munyi aveene ku avasigu vinyu.

Livalidza 25:9

navuzwa vwali nivumali kudiviza vandu 24,000.

Kwidzulitsa 28:21

Yahova alamutumira zinguzu zindamanu kuduuka mudivizwi mwosi, mukiva cha wingira mu.