Livalidza 13:29 - KITABU KITAKATIFU

²⁹ Avandu vihiiri ya Maleki vamenyi kolovega lwi isavaalu. Avandu vizihiiri zia Hiti, Jebusi na Amori vamenyi mu kivala chi kiguru. Ihiiri ya vandu va Kanaani vamenyi himbi ninyanza ya Meditareniani, kandi himbi nu mugera gwa Jorodani.”

Livalidza 13:29 ပူးပေါင်းရင်းမြစ်များ

Litanga 14:7

Maku vaagirung'ana nivirana Kadeshi liamanyikana kuli Enimishipati. Vaguuta avandu vosi va Amaleki kandi nivaguuta vandu vosi va Amori avamenya mu Hazazoni Tamara.

Nehemia 9:8

Ivi wanyoola mwoyo gwigwe gwaali musuuvirifu ku ivi, na ivi walomba lilagana naye. Ivi wamusuuviriza kumuha kivala cha Avakanaani; ikivala cha Avahiti na Avaamori, ikivala cha Avaperezi, Avajebusi na Avagirigashi, kuva ikivala ichi visukululwi vivie vilakamenye mu. Ivi walinda lilagana liilio, kigira oveeye musuuvirifu.

Zaburi 83:7

avandu vi kivala cha Gebali ekeveeye Isavaalu wi inyanza yijumbi, avandu vi kivala cha Amoni ekeveeye Ivugwi wu mugera gwa Jorodani, Ivaale wi kivala cha Moabu na avandu vi ihiiri ya Amaleki avamenyaa isavaalu wi lidaala linene lia Yuda. Kandi avandu vi kivala cha Filisitia, ahimbi ni inyanza enene ya Meditareniani kandi na vandu vi lidaala lia Tiro.

Kutwula 3:17

Mali kotovola ndi ndamuleeta kutura mu kivala cha Egebeti wavadambizirwa, nukuvahila mu kivala keveeye kitugi kandi kenoru, kivala cha vandu va Kanaani, Hiti, Hivi, Vajebusi, Amori, na Perizi.

Kutwula 3:8

Kunangwa Inzi mali kuuza kuvasoora kutura ku vandu va Egebeti, nukuvaleeta mu kivala chu vwiyangu, kitugi kandi kenoru cha vandu va Kanaani, Hiti, Amori, Perizi, Hivi, na Jebusi.

Livalidza 13:17

Lwa Musa yavatuma, yavavolera, “Muzie ivaale kali kuduuka Isavaalu wi kivala cha Kanaani, kandi kuduuka mu vigulu.

Livalidza 13:30

Kalebu yakiring'anyia vandu vaali ni vililira imbiri wa Musa, yavoola, “Gendi kuzie kuvingilira kalunu na kuvuguli kivala yiki. Kunyi koveeye ni zinguru kandi kulakiguuta.”

Livalidza 14:25

Kigira Avamaleki na Vakanani avamenyi mu mavoona gi kivala yiki, mugirung'ane mugamba na muzie mu changalangwi kuvitira kunzira izizaa ku inyanza Inzakanyu.”

Livalidza 14:43

Lwa mutanga vulwani na vandu va Amaleki na Kanaani, munyi mulakuzira mu vulwani, kigira mwasuura kolonda lilaga lia Yahova. Yahova sialava harara ni munyi mba.”

Livalidza 14:45

Maku avandu va Amaleki na vandu va Kanaani avamenyaa ku kiguru yiki vaza ni vavalwaana kandi nivavaguuta. Vavalondelera kali kuduuka Horima.

Livalidza 24:20

Maku mumalolo, Baalamu yalora Avandu va Maliki, na vola ovoporofeti yivu: “Ava Maliki yaali ihiiri yi zinguru ligali kuvita zihiiri zindi, navuzwa mu limalirika iladivizwa mihiga ni mihiga.”

Kwidzulitsa 20:17

Mudivizi avandu vosi ligali: Avahiti, Avaamori, Avakanaani, Avaperezi, Avahivi, kandi Avajebusi, kuli Yahova Nyasaye winyu yamulaga mukore.

Kwidzulitsa 7:1

“Yahova, Nyasaye winyu alamuleta mu kivala cha muzizaa kuvugura, kandi alakunga zihiiri zinyingi kutura mucho. Alakunga ligali zihiiri saba vatuli mukivala yicho, iziveeye zinene ligali kandi zie zinguru ligali kuvita munyi, nazio ni yizi; avandu vi zihiiri zia Hiti, Girigashi, Amori, Kanaani, Perizi, na Jebusi.

Joshua 10:5

Avami vatano va vandu va Amori yavo, avami va Jerusalemi, Heburoni, Yaramuzi, Lakishi na Egiloni vahambanyia amahi gaavo, nivakumberiza Gibeoni kandi nivingilira kulilwana.

Joshua 10:6

Avasaza va Gibeoni vatuma amakuva ku Joshua ahokososa ha Giligali: “Utakoleka kunyi, avatumikiri vovo mba, mwami! Hamba vwangu okokonye! Okohonyie Avami va Amori vosi avamenyaa mu kivala chi vigulu vamali kuhambanyia amahi gaavo, ma vazi kukulwaana!”

Joshua 3:10

Lwa muva nimuzia imbiri kuvatulira, alakunga vandu va Kanaani, vandu va Hiti, vandu va Hivi, vandu va Perezi, vandu va Girigashi, vandu va Amori na vandu va Jebusi. Munyi mulamanya ligali ndi Nyasaye oveeye mwoyo aveeye hagati hinyu,

Joshua 5:1

Avami vanene va vandu va Amori vosi kolovega lwi imadioli wu mugera gwa Jorodani kandi avami vanene va vandu va Kanaani avivivala viavo viveeye himbi ninyaanza ya Meditareniani vahulira ndi Yahova ukaminyi Jorodani kuduuka lwa vandu va Isiraeli vaali nivakambuka. Vaatia ligali kandi nivagotiza uvuluviliri vwavo kigira avandu va Isiraeli.

Joshua 9:1

Uvuguuti vwa vandu va Isiraeli vwamanyikana ku vami vosi avaari imadioli wa Jorodani, muvivala vie vigulu, vie vireremo kandi viu kulujinga lwi inyanza ya Meditareniani kuduuka ivaale mu kivala cha Lebanoni. Yava vaali avami va vandu va Hiti, Amori, Kanaani, Perezi, Hivi kandi Jebusi.

Vakalagi 3:5

Maku vandu va Isiraeli vamenya hagati ha vandu va kanani, Hiti, Amori, Ferizi, Hivi na Jebusi.

Vakalagi 6:3

Lwa vandu va Isiraeli vataga ivitagwa mu milimi jaavo, vandu va Midiani na vandu va Maleki, harara na vandu vu muchangalangwe vaza ku vingilira.

1 Samweli 14:48

Yalwana nuvuluviliri ligali kandi naguuta vandu va Maleki. Yahonyia vandu va Isiraeli kutura ku makono ga yavo avaari nivingilira nukuvanuula miandu jaavo.

1 Samweli 27:8

Ku ing'inga yeyo yoosi, Daudi na vandu vasaza veve avingiliraa vandu va Geshuru, Girizi, kandi Amaleki, avamenyaa mu kivala yicho kale ku ing'inga indambi. Yaali anyala kwingilira kivala chavo kali kuduuka Shuri, kandi kuduuka Egebeti,

1 Samweli 30:1

Inyima wa madiku gaviri Daudi na vandu veve vaduuka ha Zikilaga. Avandu va Maleki vaali nivingiliyi lidaala lia Zikilaga kandi Isavaalu wi Ivuyuda. Vaali nivasaambi lidaala yilio

1 Samweli 7:14

Amadara manene goosi aga vandu va Filisitia vaali nivavugura kandi vanuraa Avandu va Isiraeli hagati ha Ekironi na Gazu gilanyirwa vandu va Isiraeli, nandio avandu va Isiraeli virana kuvugura kivala chavo choosi na haali ni mirembe hagati ha Isiraeli na vandu va Kanaani.