Livalidza 12:8 - KITABU KITAKATIFU

⁸ Kunangwa inzi molomaa naye moni na moni, kandi vulahi ligali, na sigaveeye mu zing'ano mba; kali amali kolola liiva liange! Gaveeye ki munyi komonya mutumikiri wange Musa?”

Livalidza 12:8 ပူးပေါင်းရင်းမြစ်များ

Litanga 32:30

Yakobo yavoola, “Inzi mali kolola Nyasaye moni na moni, na kalunu ngikiri mwoyo.” Kunangwa yalanga havundu yaaha “Penieli.”

Zaburi 17:15

Navuzwa inzi ndakalole ivi kigira mbeeye mu vulungi. Lwa mbuukaa, ndiizura uvusangari kigira mali kolola ivi.

Zaburi 49:4

Ndategiza ugutu gwange ukuhuliriza zing'ano, kandi ndivaala vivuni viazio lwa ngubaa uvukana.

Kutwula 19:19

Umwoyo gwikisiliva gwamedeka ligali. Musa yaazizagilira komoloma, na Nyasaye yamutivulira nu mwoyo gwe munene kuli gwinguba.

Kutwula 20:4

“Mutelomberi vifananyi vie kindu choosi mwiligulu anoho chuku lirova, anoho chu mumazi musi mwi lirova mba.

Kutwula 33:11

Yahova yamoloma na Musa moni na moni, kuli mundu amolomaa nu mulina weve ma Musa yirana hokososa. Navuzwa musoleri Joshua, uwaali Mukonyeleri weve, mwana wa Nuni, yaatigara mu Lihema liukuvuganira mu.

Kutwula 33:19

Yahova yamutivulira, “Ndavitiza uvulahi nuvukumi vwange imbiri woovo, ndalandiza lieta liange litakatifu. Inzi mbeeye Yahova. Ndava ni zimbavasi na uyu wanyenyaa koveera zimbavasi. Kandi ndava ni livererera ku uyu owanyenya koverererwa.

Kutwula 33:23

Maku ndatuliza ho mukono gwange, na ulalola mugongo mwange, navuzwa siulalola mumoni mwange mba.”

Kutwula 34:30

Haruni na vandi vosi vahenza Musa nivalora mumoni mwimwe nimung'ereng'anaa, na vaatia kwisuunda ahimbi kuye.

Tsing'ano 1:6

kunangwa aduuki kumanyiriza vivuni viaviswa viu musi vie zing'ano kandi gaturaa ku vandu vovogeri vatangia.

Isaya 40:18

Nyasaye anyala koleng'anywa na vwaha? Anoho anyala kufananywa na kindiki?

Isaya 46:5

Yahova avoora, “Nivwaha wamunyala koneng'anyia kuye? Aveeye ho nu mundu wundi woosi kuli inzi?

Ezekieli 17:2

“Mwana wu Mundu, ovoolere avandu va Isiraeli lugano

Ezekieli 20:49

Maku ndaavoora, “O, Yahova Wuvunyali! Avandu vavoola ndi, uyu aveeye mundu omoloma mu zing'ano?”

Hosea 12:13

Yahova yatuma muporofeti kuzia kosoola avandu va Isiraeli kutura muvutumwa mu kivala cha Egebeti kandi nukuvalinda.

Livalidza 14:14

valavoolera vandu vamenyi mu kivala yiki. Avandu yava vamali kuhulira ndi ivi, Yahova, oveeye harara ni kunyi; kandi ololekaa moni na moni lwa malesi googo gaveeye ku kunyi, kandi wimiraa imbiri wiitu mu munara gwi lilesi mung'inga yu muvasu kandi mu munara gwu muliru mu ing'inga yu vudiku.

Livalidza 7:89

Lwa Musa yingira mu Lihema liukuvuganira kumoloma na yahova, yahulira umwoyo gumolomaa kuye kutura igulu we endeve yi zimbavasi, iyaali igulu wi Lisandugu lia Malago; iliali hagati ha Vakerubi vaviri, nu mwoyo gwa Yahova gwamoloma kuye.

Matayo 13:35

Yakola yaga aduuki kutwekiza agu muporofeti yavoola, “Ndatumikira zing'ano ulwa inzi moloma kuvo; Ndavavolera ivindu vitamanyikani kutura lwi lirova lialombwa.”

Luka 10:16

“Oyo uhulira munyi, ahuliraa inzi; kandi oyo usulaa munyi asuraa inzi, kandi oyo usulaa inzi asuraa uwanduma.”

Yohana 1:18

Siaveeyeho nu mundu kali mulala uwalola Nyasaye mba. Mwana muderwa wa Nyasaye yeng'ine, oveeye ku kiritu cha Baba, umali kumuvuura.

Yohana 15:15

Kutura kalunu sinyala kumulanga avatumwa kandi mba, kigira mutumwa siamanyi ichu mwami weve akolaa mba. Navuzwa inzi mali kumulanga avalina, kigira mali kumuvolera goosi aga ndahulira kutura ku Baba wange.

Yohana 15:24

Niiva sindaakola vindu viu mundu wundi akikiri kokora ku hagati haavo, ngano sivakakoli vwoni mba; navuzwa kalunu vamali kolola kandi kunduyira harara na Baba wange.

1 Vakorintho 13:12

Icha kololaa kalunu keveeye kuli kololera mu chelolero iligondo litalolekaa vulahi, navuzwa inyima wayaga kulakalole moni namoni. Icha inzi manyi kalunu sikeveeye kidukiru mba, navuzwa inyima kilakave kiduukilu kuli limanya lia Nyasaye, liveeye liduukilu ku inzi

2 Vakorintho 3:18

Kunyi vosi avakwavula kufuumwa mu moni mwitu, kumanyia uvukumi vwu Mwami. Uvukumi zana yivwo vuturaa ku Mwami oveeye Roho akugiruganyia kuva mu liiva lia higulu ligali mu vukumi.

Kwidzulitsa 18:15

Muvogono yivwo Yahova Nyasaye winyu alamutumira muporofeti kuli inzi kutura mu vandu vinyu, na munyi kuduuka mumuhuliri.

Kwidzulitsa 34:10

Siaveeye ho nu muporofeti wundi mu Isiraeli kuli Musa mba; Yahova yamoloma naye moni namoni.

Kwidzulitsa 4:15

“Lwa Yahova yamoloma ku munyi kutura mu muliru ku kiguru cha Sinai, simwalola lifaana liosi mba. Ku vulahi vwinyu, mulole ndi

Kwidzulitsa 5:8

“ Mutelomberi vifananyi viavazwa vie lifaana lie vindu viosi mu ligulu anoho ku lirova, anoho mazi anoho musi mu lirova.

Vakolosai 1:15

Kristo aveeye ligondo lia Nyasaye utalolekaa; utanga kwivulwa, na kandi aveeye umunene ku vilombe viosi;

1 Vatesalonike 4:8

Kunangwa, uyu usuulanga amigizu yaga siasuraa mundu, navuzwa asuraa Nyasaye, uhaanaa kumunyi Roho weve Mutakatifu.

Vahebraina 1:1

Mu zing'inga zia kale, Nyasaye yavolerana na vaguuga viitu haali kanyingi muliiva lugano lugano kuvitira mu vaporofeti.

Vahebraina 1:3

Amanyia ovong'ereng'anu vwu vukumi vwa Nyasaye kandi liiva lieligali lia Nyasaye mwene, kulinda ligulu ni zinguru zie likuva lilie. Niyakamara konyoora uvusamiihi vwu vwoni vwa vandu, yikala mwigulu ha mukono mulungi gwa Nyasaye, oveeye Zinguru Zinene.

2 Petro 2:10

kandi kuvita ligali, yavo avalondaa likayirwa lio muviri, nukuchaya uvunyali vwa Nyasaye. Avigizi vuvugadi yava vaveeye nu vuluviliri kandi vikirage, na sivamanyia uluyali kuyavo avuvukumi mwigulu mba; navuzwa vavanyegaa.

Yudasi 1:8

Munzira ndala nzere, avandu vaazana yava valora amalola agavakolaa vone ku imiviri jaavo aveene, vambakana uvunyali vwa Nyasaye, kandi vanyega ivilombe viu mwigulu.