Livalidza 12:6 - KITABU KITAKATIFU

⁶ Maku Yahova yavoola, “Muhuliri kalunu makuva gange! Lwu muporofeti aveeye hagati hinyu, inzi Yahova ndolekaa kuye mu malola, kandi moloma kuye mu maloto.

Livalidza 12:6 ပူးပေါင်းရင်းမြစ်များ

Litanga 15:1

Inyima wi vindu yivi viosi, Yahova yaloleka ku Aburamu mu malola namuvolera, “Aburamu, utatia mba. Inzi ndakukinga kutura ku vuhimwa vwosi kandi ndakuha madanyi manene ligali.”

Litanga 20:7

Navuzwa kalunu, oleke mukali uyu yirani ku musaza weve. Musaza weve aveeye muporofeti, kandi alakusaalira kunangwa uvuli kukuza. Navuzwa niiva si ulamuleka yirani ku musaza weve, inzi gwiganihizaa ndi ivi harara na vandu vovo vosi mulakuza.”

Litanga 28:12

Yalota ndi, ololi ingasi kutura mwigulu na idiiri ku lirova. Zingelosi va Nyasaye vanina kuzia igulu kandi viika hasi.

Litanga 28:16

Maku Yakobo yavuka kutura mu zindolo, navoora, “Gaveeye agiligali Yahova aveeye havundu hano navuzwa si ndamanya mba!”

Litanga 37:5

Lidiku lilala Josefu yalota, na lwa yavolera avamwavo veve, vaamudunyira ligali.

Litanga 37:9

Maku Josefu yaali na maloto gandi kandi navolera avamwavo veve, “Inzi ndaali na maloto gandi, na ndaalora liuva, mweli kandi zing'ereng'ani 11 niziisigamira.”

Litanga 46:2

Nyasaye yamoloma kuye mu malola vudiku kandi naalanga, “Yakobo, Yakobo!” “Yavoola yee inzi mbeeye hano.”

2 Samweli 7:4

Navuzwa uvudiku yivwo, Yahova yavolera Nazani,

1 Avami 3:15

Solomoni yavuka ma namanyiriza ndi Nyasaye yaali komoloma naye mu maloto. Maku yirana Jerusalemi, nasingira imbiri wi Lisandugu lie Lilagana lia Yahova kandi nahaana vihaanwa viukusambwa kandi vie mirembe ku Yahova. Inyima wa yago, yalombera vatumikiri veve lilia.

1 Avami 3:5

Vudiku yivwo, Yahova yaloleka kuye mu maloto kandi namuteeva, “Wakayaanzi ngohe kindiki?”

Ayubu 33:15

Lwa vandu vagona havudiku, Nyasaye amolomaa kuvo kuvitira mu maloto kandi mu malola.

Ayubu 4:13

Hagati hi zing'anagani ziatula mu malola guvudiku, lwi zindoolo zinene zigumiraa avandu.

Zaburi 105:15

Vavoola, “Mutasaliriza avatumikiri, vatovole vange mba; mutadiiri ku avaporofeti vange mba.”

Zaburi 89:19

Ivi wavoolera mu malola mutumikiri woovo musuuvirifu, mu madiku ga kale, “Inzi mali kuhaana ovokonyi ku musikari muguuti; mali kuhaana uvwami ku mulala wa inzi mali kotovola kutura mu avandu.

Kutwula 7:1

Yahova yavolera Musa, “Henza, nziza kokokola ove kuli Nyasaye ku mwami, na amwavo woovo Haruni alakomolomera kuye kuli muporofeti woovo.

Jeremia 23:25

Ndaamanya vaporofeti yavo kovora avavoora ovovehi mu lieta liange kandi vekola ndi inzi mali kuvaha amakuva gange mu maloto gaavo.

Jeremia 23:28

Muporofeti oveeye namaloto avoole yaga namaloto vuzwa, navuzwa muporofeti uhuliyi likuva liange gamuduukira alandizi likuva yilio muvusuuvirifu. Nivulahiki ovoveeye mu mukuuzi nogeranyia niingano?

Ezekieli 1:1

Ku lidiku lia katano ku mweli gwa kane mu muhiga gwa salasini, Inzi Zacheli musaalisi, mwana wa Buzi, ndaamenya harara na Vayuda vahaminywa ahimbi nu mugera gwa Kebari mu kivala cha Babiloni. Ligulu liakunuluka, na ndaalora malola ga Nyasaye.

Danyeli 10:8

Vandeka inzi wengine nindoraa amalola gokogenyia yaga. Si ndaali ni zinguru mba, kandi mumoni mwange mwagilungana kali si haali ho numundu mulala waali unyala kumanyiriza mba.

Danyeli 2:19

Maku vudiku yivwo agimbisu gokogenyia gavuulikira Danieli mu malola, na Danieli yizominya Nyasaye wu mwigulu.

Danyeli 7:1

Mu muhiga gwu kutanga lwa Belishaza yaali mwami wa Babiloni, ndaali na maloto kandi malola vudiku ning'onaa mu kidali change. Maku ndang'oda hasi maloto yaga kuli ndi:

Danyeli 8:2

Mu malola yaga, ndalora ndi ndanyora nimbeeye mu lidaala lia Susa lia kumbelizwa ni lidigi, mu kivala cha Elamu. Ndaali nisingiyi ahimbi nu mugera gwa Ulai.

Hosea 12:11

Navuzwa vifananyi visigamirwa mu Gileadi, kandi yavo avavisigamira valakakuzi. Zigiriki zihaanangwa kuli kisiuviriru mu Giligali, kandi uvwali uwene yeyo navugwi vitumi via magina mu mulimi gwaalimwa.”

Joeli 3:1

Yahova avoora, “Mu ing'inga yeyo ndiranyia vutugi vwi Ivuyuda na Jerusalemi.

Zekaria 1:8

Ndaalora mundu kubarasi inzakanyu. Yaali nasingiyi hagati hi misaala imimbi mu livona, kandi haali ho ni zibarasi zindi inyima weve zinzakanyu, zio vodondonye, kandi zindavu.

Livalidza 24:4

uyu unyala kuhulira ga Nyasaye avoora, ni zimoni ziumika ndolaa mumalola, amalola kutura ku Nyasaye Wuvunyali.

Matayo 1:20

Navuzwa lwa yaali nakiganagana ku likuva yili, henza, engelosi wu Mwami Nyasaye yaloleka kuye mu maloto, namuvolera, “Josefu, ikisukululwi cha Daudi, utatia kuvugura Maria ave mukali woovo mba, kigira ichaaverekwa muye keveeye cha Roho Mutakatifu.

Matayo 2:19

Inyima wi likuza lia Herodi, henza engelosi wu Mwami yaloleka ku Josefu mu maloto mu Egebeti,

Matayo 23:31

Ku yaga mwiyamaa aveene ndi muveeye ivisukulurwi via yavo aviita avaporofeti.

Matayo 23:34

Kigira yaga, inzi nziza kuvatumira avaporofeti, avageri na avigizi; munyi muliita valala, muvambe avandi, kandi avandi mulavakubagira mu masinagogi ginyu nu kuvadambiza mu madaala goosi.

Matayo 23:37

“Jerusalemi, O, Jerusalemi! Ivi uwiita avaporofeti, nukulasa amagina va Nyasaye atumaa ku ivi. Ni haali kanga niingerizaa kuvuungiza avana vovo harara, kuli engoko inyavuli ivungizaa ivimiinyu viayo mu zimbaha ziayo, navuzwa siwenya mba?

Matayo 27:19

Lwa Pilato yaali niyikaye kondeve yi Likalaga, umukali weve yamuletera amakuva namuvolera “Utakola ikindu ku mundu mulungi uyu mba, kigira lero nyooye ilisalirizwa ilinyingi mu maloto kigira ye.”

Luka 1:11

Engelosi wu Mwami yaloleka kuye nasingiyi ku mukono mulungi gwu vwali, olovega lwi kimuli chasambirwa.

Luka 1:22

Lwa yatura ichova, siyaali anyala komoloma navo mba. Vamanya ndi aloli malola mu Litembeli. Navuzwa yagelagela vuzwa makono ma namenya naveeye idimbidi.

Luka 20:6

Navuzwa nikovoola, ‘Liatura ku avandu,’ avandu vosi valakulasa magina; kigira vosi vasuuvira ndi Yohana yaali muporofeti.”

Vikolwa 10:11

Yalora ligulu ni likunulukaa, nikindu kuli isuuka enene yikizwa hasi nigumiliywi zikona ziayo zine.

Vikolwa 10:17

Lwa Petero yaali nakegenya ku livoora lia amalola ga yaali nalori, avandu yavo avatumwa na Korinelio, vaduuka ha kirivwa nivakanyoola inyumba ya Simoni.

Vafeso 4:11

Yaali niyie uwahaana ivihaanwa kuvandu kuli ndi: yatovola valala vave avatumwa na avandi vave avaporofeti, avandi vave avilwaazi vakulandiza Ivangeri, avandi avayi kandi avigizi.

Kwidzulitsa 18:15

Muvogono yivwo Yahova Nyasaye winyu alamutumira muporofeti kuli inzi kutura mu vandu vinyu, na munyi kuduuka mumuhuliri.

Kwidzulitsa 18:18

Ndavatumira muporofeti kuli ivi kutura hagati ha avandu vaavo. Ndamuvolera icha avoora naye alavolera avandu vindu viosi via inzi mulaga.

Vahebraina 1:1

Mu zing'inga zia kale, Nyasaye yavolerana na vaguuga viitu haali kanyingi muliiva lugano lugano kuvitira mu vaporofeti.

Likunula 11:10

Avandu vamenya mu lirova, valayanzizwa nu kusangara ku likuza liavo kandi valahaanilana vihaanwa kigira avaporofeti vaviri yavo avaleeta uvusaliri ovonene ligali ku avandu vamenya ku lirova.

Likunula 11:3

Ndakatumi avalolekizi vange vaviri ni viviiki amagunia navo valilwaaze likuva liu mwami ku amadiku 1,260.”

1 Samweli 28:6

Yateeva Yahova cha anyala kokora. Navuzwa Yahova siyaamutivulira kali hakuzu, ku maloto kinga ku litumikira Urimu na Zumimu anoho ku avaporofeti mba.

1 Samweli 3:15

Samweli yaagunza mu vogono kuduuka mugamba; ma navuuka, niyiguula viliango vie inyumba ya Yahova. Yaali nuvuti kovoolera Eli makuva ga malola.

1 Samweli 3:21

Yahova yaazizagilira kwivuula ha Shilo, aha yaali naloreki ku Samweli kandi naamolomi kuye.