Livalidza 12:3 - KITABU KITAKATIFU

³ Musa yaali mundu muhooma ligali kuvita vandu vandi vosi mu lirova.

Livalidza 12:3 ပူးပေါင်းရင်းမြစ်များ

Zaburi 147:6

Yahova anenehiza avahocha, navuzwa aduvulanyiraa avadamanu hasi.

Zaburi 149:4

Yahova ayaanzizwa na vandu veve. Ahaanaa uluyali ku vahocha kigira liguuta liavo.

Livalidza 12:4

Nonoho Yahova yavolera Musa, Haruni na Miriamu, “Nyenya munyi vavaga muturi mu Lihema liange liu kuvuganiramu.” Navo vatura ichova.

Matayo 11:29

Mugiingi iniira yange, mwikutula ku inzi, kigira inzi mbeeye muhooma nu muhocha mu mwoyo; na munyi mulanyola ovososi mu mioyo jinyu.

Matayo 21:5

“Muvoolere lidaala lia Jerusalemi, Henza, mwami woovo yazaa ku ivi! Aveeye muhooma kandi aniini ku isukiri, kemoli chibunda.”

Matayo 5:5

“Vaveeye nuvugasu avaveeye avahooma, kigira valanyora imiandu ji lirova.

2 Vakorintho 10:1

Inzi, Paolo, ovolwa kuva muhocha kandi umwegehizu nimbeeye harara ni munyi moni na moni, navuzwa mululu papapa lwa mbeeye ihale kutura ku munyi, ng'oonya munyi ligali nu mwoyo gwosi, ku vohocha novohooma vwa Kristo!

2 Vakorintho 11:5

Sing'anagana mbeeye mukekeeke kandi wa haasi kuvita yava ava munyi mulangaa, “Avatumwa vinyu vaduukiru” mba.

2 Vakorintho 12:11

Mbeeye kuli musiru! Navuzwa munyi nivo avanigaa kuva kuli ndio. Munyi nivo avaadukana munzizominyi kigira, kali niiva simbeeye kindu, simbeeye mukekeeke ligali kuvita “avatumwa vaduukiru” vinyu yavo mba.

1 Vatesalonike 2:7

navuzwa kwamuyaanza, nikumukolera amalahi kuli mama adendaa avana veve umwene.

Yakobo 3:13

Nivwaha oveeye umugeri nuwilimanya hagati hinyu? Gamudukira avumanyie havulavu mu liiva lilie lilahi, kandi ivikolwa vivie ivilahi ivikolwa mu liegehiza no vogeri.

1 Petro 3:4

Navuzwa liesiaha lienyu live liu mu mwoyo; liesiaha litanyala kwoneka imihiga josi; iliveeye lia roho wo vohocha no vohoma, kandi oveeye nu vuguli ovonene imbiri wa Nyasaye.