Livalidza 11:25 - KITABU KITAKATIFU

²⁵ Maku Yahova yaza ku Musa mu lifana lia Malesi, kandi yamoloma naye. Yavugula zinguru zia Roho zindala ku zia yaali nahaani ku Musa, nahaana ku vimiliri 70. Lwa vanyoola zinguru yizi, vatanga liporofeta, navuzwa si vamanya nivazizagilira mba.

Livalidza 11:25 ပူးပေါင်းရင်းမြစ်များ

2 Avami 2:15

Vaporofeti amusini avaari ha Jeriko valora Elisha, vavoola, “Roho wa Elija aveeye ku Elisha.” Vazia kumwaganira, ni vinama haasi imbiri weve,

Nehemia 9:20

Muvuyaanzi vwuvwo vulahi wavavolera agadukanaa vakole; Ivi wavaha imaana valie kandi wavaha amazi vanwi.

Zaburi 99:7

Yamoloma kuvo kutura mu munara gwi lilesi; vahulira lienya lilie na malago ga yavaha.

Kutwula 32:32

Navuzwa kalunu nuuva nuyanza kuvasamiiha uvwoni vwavo, nigataveeye ndio, ngusaala, mwaza, utulizi lieta liange mu kitabu chicho cha waang'oda mu mita ga vandu vovo.”

Kutwula 34:5

Yahova yiikira mu lilesi, nasingira harara weve, nukutivula lieta lilie litakatifu Yahova.

Kutwula 40:38

Avandu va Isiraeli vosi valora lilesi lia Yahova igulu wi Lihema ing'inga yu mbasu kandi muliru ni gwadukaa igulu walio ing'inga yu vudiku lwa vaali muligendagenda liavo liosi.

Isaya 63:11

Maku avandu veve vizuliza madiku ga kale, madiku ga musa mutumikiri weve. Vateva, “Yahova aveeye haliha kalunu, aviimiliri va vandu veve kutura mu inyanza nzakanyu? Aveeye haliha uyu uwavika Roho weve Mutakatifu hagati haavo,

Ezekieli 8:11

Aviimiliri 70 va Isiraeli harara na Jaazania mwana wa Shafani vaali nivasingiyi imbiri wi vifananyi yivi. Vuli mulala kuvo yaali nagumiyi ikiju cha vasambiraku ivifunyaa umwayu, kandi umwochi gwatura ku vifunya umwayu, niguvuya kuzia mwigulu.

Livalidza 11:17

Inzi ndaza kumoloma nivi hene yaho, kandi ndavugura ku Roho oveeye ku ivi nu kuvaha. Maku valakokonya kulinda vandu yava, kunangwa uvuli kuginga vuliduhu yivu weng'ine.

Livalidza 12:5

Maku Yahova yaloleka kuvo mu lifwana liu munara gwi lilesi, ma nasingira ha vwingiliru vwi Lihema. Yalanga, “Haruni! Miriamu!” Vombi vazia imbiri wa Yahova.

Livalidza 16:25

Maku Musa harara na vimiliri va Isiraeli vazia ku Dazani na Abiramu.

Livalidza 24:2

ma nalora vandu va Isiraeli ni vasoosa mu viduma kolondekana ni zihiiri ziavo. Mwoyo gwa Nyasaye gwaza kuye,

Livalidza 27:18

Yahova yavolera Musa, “Vugula Joshua mwana wa Nuni, umundu winyaliza ma uviiki ku mutwi gwigwe makono googo.

Vikolwa 11:28

Kunangwa mulala kuvo walangwa Agabo yasingira; na ku zinguru zia Roho, yalolekiza ndi inzara enene ilaaza mu lirova liosi. Inzara yeyo yaza maku ing'inga ya Kilaudia yaali niyamiha.

1 Vakorintho 14:32

Kihanwa cho koporofeta kidukanaa chamiifi nu muporofeti mwene omoloma,

Yakobo 1:17

Vuli kihanwa kilahi kandi vuli kihanwa kidukiru kitulaa mwigulu; chikaa hasi kutura ku Nyasaye, umulombi wu vulavu vwu mwigulu, utagirung'anywa anoho koleta ikisundi ligirung'ana.

2 Petro 1:21

Voporofeti si vwaza ku vulaliri vwu mundu, navuzwa avandu vanyoola Roho Mutakatifu lwa vamoloma amakuva gaturaa ku Nyasaye.

Vakalagi 3:10

Roho wa Yahova yaza kuye, ma naagwa umwimiliri wa vandu va Isiraeli. Ozinieli yazia mu vulwani na Yahova yamuha uvuguuti ku umwami wa Mesopotamia.

1 Samweli 10:10

Lwa Saolo nu mutumikiri weve vaduuka ha Gibea, muganda gwa avaporofeti gwagaana naye. Nonoho Roho wa Nyasaye yaza kuye nizinguru, kandi yahambana navo mu liporofeta liavo.