Livalidza 11:23 - KITABU KITAKATIFU

²³ Yahova yativulira Musa, “Zinguru ziange zinyala kogehizwa? Kalunu ulalora aga inzi mali kovora galekoleka anoho galavula kwekoleka!”

Livalidza 11:23 ပူးပေါင်းရင်းမြစ်များ

Litanga 18:14

Inzi mbeeye Yahova! Sihaveeye ho ni kindu keveeye kidinyu ku inzi mba. Ndirana muhiga guuzaa kuli mali kulaga, na Sara alakave naveeye nu mwana muyaayi.”

2 Avami 4:43

Navuzwa mutumikiri zana yativura navoora, “Uganaganaa yiki kiladuuka avasaza imia ndala?” Elisha yativura, “Vahe valie, kigira Yahova avoora ndi valalia kandi kilatigala ku.”

2 Avami 7:2

Munene wu mwami wa himbi ligali yavolera muporofeti Elisha, “Yago siganyala kwekoleka ku mba kali niiva Yahova mwene yakatumi uvuswage kuli imbura ku ing'inga ndala!” Navuzwa Elisha yamuvolera, “Ivi ulagalola nigekolekaa, navuzwa si ulalia ku chukulia yicho kali hakuzu mba.”

Zaburi 78:41

Vageriza Nyasaye kase na kase, Nivaleeta vuzunu vululu ku Nyasaye Mutakatifu wa Isiraeli.

Kutwula 6:1

Maku Yahova yavolera Musa, “Kalunu uzizaa kolola icha nziza kokora ku Mwami wa Egebeti, Ndamuniga aleke avandu vange vazie. Mugiligali, ndamuniga avakungi vatuli mu kivala chiche.”

Isaya 50:2

“Kigira ki nivavula kundivulira lwa ndaazia kuvo kuvahonyia? Ndakaminya amazi mu zinyanza ku lilaga liange, kandi ndakaminya amazi mu migera jiosi nu kujikola jumi kuli changarangwi, kunangwa zisuzi ziduuki kukuza kigira uvuluhu vwa mazi.

Isaya 59:1

Mutaganagana ndi Yahova aveeye mudedekere ligali kali sianyala kumuhonyia mba, anoho sianyala kuhulira lianira lienyu liukwenya ovokonyi mba.

Jeremia 14:9

Kigira ki oveeye kuli mundu oveeye mu ligenya, kuli musikari utaveeye ni zinguru kokonya? O, Yahova, ligali ivi oveeye harara ni kunyi! Kunyi koveeye avandu vovo; utakoleka mba.’ ”

Jeremia 32:17

“Mwami munene Yahova, ivi walomba ligulu ni lirova kuzinguru zizio zinene kandi ku vunyali vuvwo. Si keveeyeho kindu kinyala kutama ivi mba.

Jeremia 32:27

“Inzi mbeeye Yahova, Nyasaye wa avandu vosi. Keveeyeho ni kindu kinyala kutama inzi?

Ezekieli 12:25

Inzi Yahova ndakamolome kuvo, kandi agandivoola galakekoleke. Lilindagilira si lilakaveho kandi mba. Mulimenya lienyu, munyi mwibaara, ndakakole agaamali kumwiganihiza ndi ndakora. Inzi mali kovora,” Yahova Wuvunyali avoora.

Ezekieli 24:14

Inzi Yahova Wuvunyali, mali kovora. Ing'inga imali kuduuka kokora kekolwa, si ndagilung'anyia zing'anagani ziange kigira uvwoni vwinyu mba, anoho si ndamuverera mba. Ndamuha mageri ku aga mumali kokora.” Yahova umali kovora.

Danyeli 6:20

Lwa yaduuka ho, yalanga nu vuti, “Danieli, muyinziri wa Nyasaye oveeye mwoyo! Nyasaye woovo wa usaala mu giligali aveeye nu vunyali kokosola kutura mu zisimba?”

Mika 2:7

Muganaganaa vandu va Isiraeli valamwa? Muganaganaa Yahova umali koleka uvwikuziri vwivwe? Muganaganaa anyala kokora vindu kuli yivi? Omolome novohooma ku yavo avakolaa uvulungi?”

Livalidza 11:22

Unyala kuvasinzila zing'ombe na magondi kunangwa uvigutizi? Noho unyala kuvavungizira zisuzi ziosi ziu munyanza valie viguti?”

Livalidza 23:19

Nyasaye siaveeye kuli avandu, unyala koveha mba; siaveeye ho nu mundu unyala kugirung'anyia zing'anagani zizie mba. Choosi chalagaa, akolaa; amolomaa, ma gekoleka.

Matayo 19:26

Navuzwa Yeso yavahenza navoora, “Ku vandu, likuva yili silinyalika mba, navuzwa ku Nyasaye, ivindu viosi vinyalikaa.”

Matayo 24:35

Ligulu ni lirova vilavita, navuzwa amakuva gange sigalivita mba.”

Luka 1:37

Kigira ku Nyasaye, si keveeye ho kindu ikitanyalikaa mba.”