Livalidza 11:20 - KITABU KITAKATIFU

²⁰ navuzwa mulagilia ku mweli gwosi, kuduuka, lwimusinya. Yaga galekoleka kigira mumali kusura Yahova oveeye harara ni munyi, kandi mumali kwililira ndi vwakaveeye vulahi mulavula kutura Egebeti.’ ”

Livalidza 11:20 ပူးပေါင်းရင်းမြစ်များ

2 Samweli 12:10

Kalunu, muvuli likula valala ku visukululwi vovo valakuza likuza liekisaahi kigira ivi uvuli kuhulira inzi na uvuguyi mukali wa Uria.

Zaburi 106:15

Kunangwa Yahova yavaha cha vamuteeva, kandi yatuma uvulwaye vudamanu hagati haavo.

Kutwula 16:13

Kunangwa ing'inga ya hamugorova zisindu zinyingi ziaza nizigwa kali zikunika ahokososa haavo hoosi, na mugambazuri lime liali linyingi nilikumberiza hokososa haavo.

Kutwula 16:3

ni vavavolera, “Vwali vove vulahi Yahova alakwitira mu Egebeti. Uwene yeyo kwaali kwakikaaye hasi nukulia zinyama ni viukulia vindi vinyingi. Navuzwa munyi mukoleti mu changalangwi yiki kwosi kukuziri mu ninzara?”

Kutwula 16:8

Maku Musa yavoola, “Ni Yahova ulimuha inyama ya mulia hamugorova kandi migadi josi kuli mwenya lidiku lia mugamba, kigira umali kuhulira lielilira lienyu. Lwa mwiliriraa ku kunyi, mwiliriraa ku Yahova.”

Tsing'ano 27:7

Numali kwiguta ulasuula kulia vwuki, navuzwa noveeye ninzara kali chukulia kilulu keveeye kenoru.

Malaki 1:6

Yahova Wuvunyali avooreraa avasaalisi, “Muyaayi ahaanaa luyali ku baba weve, kandi mutumikiri ahaanaa luyali ku munene veve. Inzi mbeeye baba winyu, kigira ki muvura kuhaana luyali ku inzi? Munyi munjayaa, navuzwa muteeva, ‘Kunyi kukuchayaa ndi?’

Livalidza 11:13

Inzi nyara konyoora hayi inyama iduuka avandu yava vosi? Vanira ku inzi nivateeva mbahe inyama.

Livalidza 11:19

Simulagilia ku lidiku lilala, noho madiku gaviri, noho madiku gatano, noho madiku 20,

Livalidza 11:21

Musa yavolera Yahova, “Avandu vaveeye kologendo mu vwimiliri vwange ni 600,000, na ivi ovola ulavaha inyama valie ku mweli gwosi?

Livalidza 14:3

Kigira ki Yahova akuhilaa mu kivala yiki? Kunyi kulitilwa mu vulwani, avakali viitu na vana viitu valagumirwa. Si vwakaveeye vulahi kunyi kwirana Egebeti?”

Livalidza 14:4

Kunangwa vavolerana aveene na vene, “Gendi kotovole mwimiliri ma kwirane Egebeti!”

Livalidza 16:13

Yivi wakutuliza mukivala cha malova magunamu mu Egebeti kukwitira hano mwigendanyama! Kalunu yivi wenya kukwamiha!

Livalidza 20:4

Kigira ki umali kukuleta mwigendanyama yimu? Kuduuki kukuzira hano harara ni mitugu jitu?

Livalidza 21:5

Vahing'ana na Nyasaye harara na Musa nivatanga kwigana, “Kigira ki mwakutuliza mu Egebeti kukuziri mwigendanyama, mutaveeye ni chukulia na mazi? Sikuyaanzi viukulia vidamanu yivi mba!”

Vikolwa 13:41

‘Huliri, munyi avachayi, mugenye ma mudivi! Kigira icha ngolaa kalunu mu madiku ginyu, ni cha munyi mutanyala ligali kusuuvira, kali lwu mundu ava namuvolera.’ ”

1 Vatesalonike 4:8

Kunangwa, uyu usuulanga amigizu yaga siasuraa mundu, navuzwa asuraa Nyasaye, uhaanaa kumunyi Roho weve Mutakatifu.

Joshua 24:27

Yavolera avandu vosi, “Ligina yili lilava mulolekizi wiitu. Limali kuhulira amakuva goosi ga Yahova amali komoloma. Kunangwa lilava mulolekizi ku munyi kumwizuliza kwibaala ku Nyasaye winyu.”

1 Samweli 10:19

Inzi mbeeye Nyasaye winyu, umuhonyiaa kutura mu kivi chienyu kandi mu vudinyu vwinyu vwosi, navuzwa kalunu, mumali kunyambakana kandi muteevi inzi muhe mwami. Vulahi ligali; kunangwa, mwivungize imbiri wa Yahova kolondekana ku zihiiri zienyu kandi ku miliango jinyu.’ ”

1 Samweli 2:30

Inzi Yahova Nyasaye wa Isiraeli, ndasuuviriza ku maziambiri ndi avinyumba yooyo na vikiliango chicho valatumikira inzi kuli avasaalisi zing'inga ziosi. Navuzwa kalunu mboraa ndi sindava nago kuli ndio kandi mba! Muvogono yivwo, ndahaana uluyali ku yavo avambeezaa uluyali. Ndachaya yavo avanjayaa.