Livalidza 11:17 - KITABU KITAKATIFU

¹⁷ Inzi ndaza kumoloma nivi hene yaho, kandi ndavugura ku Roho oveeye ku ivi nu kuvaha. Maku valakokonya kulinda vandu yava, kunangwa uvuli kuginga vuliduhu yivu weng'ine.

Livalidza 11:17 ပူးပေါင်းရင်းမြစ်များ

Litanga 11:5

Maku Yahova yaza kutura mu ligulu kolola lidaala linene harara nu munara gwa vandu vaali ni vumbaki.

Litanga 17:22

Lwa Nyasaye yamala komoloma na Aburahamu, yamanya nazia.

Litanga 17:3

Aburamu yinama hasi mamumama kandi Nyasaye yavoola,

Litanga 18:33

Inyima wa Yahova yaali ni yakamala komoloma na Aburahamu, yamuleka na Aburahamu yirana yengo.

2 Avami 2:15

Vaporofeti amusini avaari ha Jeriko valora Elisha, vavoola, “Roho wa Elija aveeye ku Elisha.” Vazia kumwaganira, ni vinama haasi imbiri weve,

2 Avami 2:9

Wene yeyo Elija yavolera Elisha, “Mbolera cha wenya ngokolere ni ngikiri kutulizwa ku ivi.” Elisha yavoola, “Leka nyoore kidieli chi zinguru zizio kinyala kongola mbuguli vogono vuvwo.”

Nehemia 9:20

Muvuyaanzi vwuvwo vulahi wavavolera agadukanaa vakole; Ivi wavaha imaana valie kandi wavaha amazi vanwi.

Kutwula 18:18

Ivi harara na vandu mulaluha ligali, kigira yaga gaveeye makuva amaliduhu ligali ku ivi kokora weng'ine.

Kutwula 18:22

Leka vatumiki kuli avakalagi va avandu zing'inga ziosi. Na valaleta amakuva gaveeye amadinyu ku ivi, navuzwa yavo aveene valakalaga yago gaveeye amangu. Na ivi ulanyora uvwangu, ulwavagavulana uvulitu vuvwo.

Kutwula 19:11

kandi vetegekere lidiku likora kavaga. Ku lidiku liene yilio, Inzi ndiika kukiguru cha Sinai, aha avandu vosi vanyara kondola.

Kutwula 19:20

Yahova yasulunguta kutura kondongozi kwi kiguru cha Sinai, naalanga Musa kuzia kondongozi kwi kiguru. Musa yanigira mu kiguru

Kutwula 34:5

Yahova yiikira mu lilesi, nasingira harara weve, nukutivula lieta lilie litakatifu Yahova.

Isaya 44:3

“Ndahaana mazi ku yavo avaveeye nuvuluhu. Kandi ndakora migera ja mazi kogenda ku kivala chumu. Ndahaana Roho wange ku vana vovo, kandi ndahaana uvugasu vwange ku visukululwi vivio.

Isaya 63:11

Maku avandu veve vizuliza madiku ga kale, madiku ga musa mutumikiri weve. Vateva, “Yahova aveeye haliha kalunu, aviimiliri va vandu veve kutura mu inyanza nzakanyu? Aveeye haliha uyu uwavika Roho weve Mutakatifu hagati haavo,

Joeli 2:28

“Lwinyima ndaleta Roho wange ku avandu vosi: avana vinyu vayaayi na vakana valaporofeta avakulundu vinyu valalota amalooto, kandi vasoleri vinyu valalola malola.

Livalidza 11:25

Maku Yahova yaza ku Musa mu lifana lia Malesi, kandi yamoloma naye. Yavugula zinguru zia Roho zindala ku zia yaali nahaani ku Musa, nahaana ku vimiliri 70. Lwa vanyoola zinguru yizi, vatanga liporofeta, navuzwa si vamanya nivazizagilira mba.

Livalidza 12:5

Maku Yahova yaloleka kuvo mu lifwana liu munara gwi lilesi, ma nasingira ha vwingiliru vwi Lihema. Yalanga, “Haruni! Miriamu!” Vombi vazia imbiri wa Yahova.

Livalidza 12:8

Kunangwa inzi molomaa naye moni na moni, kandi vulahi ligali, na sigaveeye mu zing'ano mba; kali amali kolola liiva liange! Gaveeye ki munyi komonya mutumikiri wange Musa?”

Livalidza 27:18

Yahova yavolera Musa, “Vugula Joshua mwana wa Nuni, umundu winyaliza ma uviiki ku mutwi gwigwe makono googo.

Livalidza 7:89

Lwa Musa yingira mu Lihema liukuvuganira kumoloma na yahova, yahulira umwoyo gumolomaa kuye kutura igulu we endeve yi zimbavasi, iyaali igulu wi Lisandugu lia Malago; iliali hagati ha Vakerubi vaviri, nu mwoyo gwa Yahova gwamoloma kuye.

Yohana 3:13

Siaveeyeho nu mundu uwaazia kuduuka mwigulu, natali Mwana wa Adamu uwiika kutura mwigulu.”

Yohana 7:39

Yeso yavoola yaga ku Roho wa yavo avamusuuvira valinyoola. Ing'inga yeyo Roho yaali nakikiri kuhaanwa, kigira Yeso yaali nakikiri kohevwa uvukumi.

Varumi 8:9

Navuzwa munyi si mumenyi kuli liiva lienyu liu muviri limuvoolera mba; navuzwa mumenyaa kuli Roho amuvoleraa mumenye, niiva Roho wa Nyasaye amenyaa mu munyi. Ku vosi utaveeye na Roho wa Kristo, mwene oyo siaveeye weve mba.

1 Vakorintho 2:12

Kunyi sikwanyoola roho wi lirova yili, navuzwa kwanyoora Roho watumwa kutura ku Nyasaye, kuduuki kumanyiriza vihaanwa viosi via Nyasaye amali kuhaana ku kunyi.

1 Vatesalonike 4:8

Kunangwa, uyu usuulanga amigizu yaga siasuraa mundu, navuzwa asuraa Nyasaye, uhaanaa kumunyi Roho weve Mutakatifu.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

Yudasi 1:19

Yava nivo avandu, valeta iliavukana, avamifwa niliiva liavo liu muviri, avataveeye na Roho.

1 Samweli 10:6

Nonoho Roho wa Yahova alaza ku ivi ni zinguru, na ivi ulaporofeta harara navo, kandi ulagirung'anywa kugwa umundu wu lugano lundi.