Livalidza 10:12 - KITABU KITAKATIFU

¹² na vandu va Isiraeli vatanga logendo kutura mwigendanyama lia Sinai. Amalesi yaga gaazia nigasingila mwigendanyama lia Parani.

Livalidza 10:12 ပူးပေါင်းရင်းမြစ်များ

Litanga 14:6

na vandu va Hori mu kiguru cha Edomu, nivavalondelera kali kuduuka Eliparaim ku keheri chi changalangwi.

Litanga 21:21

Mama weve yaamunyoolera mukali kutura Egebeti.

1 Avami 11:18

Vaatura Midiani ni vazia Parani wa vasaza vandi viiyunga navo. Maku vaatura kuzia ku mwami wa Egebeti waha Hadadi inyumba, numulimi kandi naamuha viukulia.

Kutwula 13:20

Avandu va Isiraeli vaatura Sukozi ni vazia kososera ha Ezamu kundulu kwi ligendanyama.

Habakuk 3:3

Nyasaye yaazaa kutura Edomu kandi; Nyasaye mutakatifu yaazaa kutura mu vigulu via Parani. Vukumi vwivwe voveeye mwigulu; kandi kivala keveeye ni lizominya lilie linyingi.

Livalidza 1:1

Ku lidiku liu kutanga liu mweli gwa kaviri, mu muhiga gwa kaviri, lwa vandu va Isiraeli vaali nivakatula Egebeti, Yahova yamoloma na Musa imbiri wi lihema lilie Liukuvuganira mu muchangalangwe cha Sinai. Yavoola,

Livalidza 10:33

Kunangwa vandu va Isiraeli vatanga ologendo lwavo kutura ha kiguru kitakatifu cha Sinai vagenda ku madiku gavaga. Vasaalisi avagingaa Lisandugu lie Lilagana lia Yahova vazia imbiri wavo kwenyeleriza havundu ha vandu va Isiraeli vasosera.

Livalidza 12:16

Maku avandu vataanga logendo kutura Hazerozi ma nivalomba havundu hokososa mu changalangwi cha Parani.

Livalidza 13:26

ku Musa, Haruni harara na vandu vosi va Isiraeli ha Kadeshi mwigendanyama lia Parani. Vahaana makuva ga vanyoola wene yeyo, kandi vavamanyia makuyu gavaleeta kutura mu kivala yicho.

Livalidza 13:3

Kunangwa Musa yavatuma kutura mu changalangwi cha Parani kolondekana kuli Yahova yalaga Musa. Vosi vaali aviimiliri va vandu va Isiraeli.

Livalidza 2:34

Kunangwa, Avandu va Isiraeli vaakora vuli kindu choosi cha Yahova yaali nalagi Musa. Vumbaka hokososa haavo mu miganda, vuli muganda gwimiliywi nebendera yagwo; kandi vagenda ni vazia kolondekana na vandu vinyumba yeeye.

Livalidza 9:1

Yahova yamoloma ku Musa mu changalangwi cha Sinai, mu mweli gwu kutanga, muhiga gwa kaviri. Avandu va Isiraeli vaali ni vakatula mu kivala cha Egebeti. Yavoola,

Livalidza 9:17

Lwa malesi gaturaa ku Lihema, avandu va Isiraeli vaturaa havundu havaali ni vivungikizi. Havundu ha malesi gaaza hasi avandu va Isiraeli viivungikiza ahene yaho.

Livalidza 9:5

Ku lidiku lia 14 liu mweli gwukutanga mu zing'inga zia mugolova, avandu va Isiraeli valomba lilia liu kwizuliza Lipasaka mu changalangwi cha Sinai. Vaakora vuli kindu choosi kuli Yahova yaali nalagi Musa.

Kwidzulitsa 1:1

Kitabu yiki keveeye mu na makuva ga Musa yavolera avandu va Isiraeli lwa vaali mwigendanyama ivugwi wu mugera gwa Jorodani. Vaali mu kereremo cha Jorodani ahimbi ni lidaala lia sufi, hagati hi lidaala lia Parani, kolovega lulala kandi madaala ga Tofeli, Labani, Hazerozi na Dizahabu kolovega lundi.

Kwidzulitsa 1:19

“Kwakora aga Yahova Nyasaye wiitu yakulaga kokole. Kwatula ku kiguru cha Sinai nikuzia kuvitira mu changalangwe kenene chukutiihiza nokolonda kunzira izizaa mu kivala chi vigulu cha vandu va Amori. Lwa kwaduka Kadeshi Barinea,

Kwidzulitsa 1:7

Kalunu musambuli hokososa hinyu kandi muzizagiliri nologendo lwinyu. Muzie mu kivala chi vigulu cha vandu va Amori kandi hoosi muvivala vio votende vwacho mu Arebia, mu kereremo cha Jorodani, mu kivala chi vigulu namavoona, mu kivala chisavaalu wa Kanaani kandi kuduuka ku lujinga lwinyanza enene ya Meditareniani. Muzie kali kuduuka mu kivala cha Kanaani kandi kuduuka engereka wi vigulu via Lebanoni, kandi kali kuduuka ku Mugera munene gwa Efurate.

Kwidzulitsa 33:2

Yavoola: “Yahova yaza kutura mu kiguru cha Sinai; yatonga kuli liuva kutura Edomu, kandi yang'ereng'ana ku avandu veve kutura ku kiguru cha Parani. Zingelosi zielefu kumi ziali harara naye, na umuliru gwaadukaa gwaali ha mukono gwigwe mulungi.

1 Samweli 25:1

Samweli yakuza, kandi avandu va Isiraeli vosi vavugana harara nivamusiomera. Maku vaamuta hango hehe ha Rama. Inyima wa yaga, Daudi yazia mwigendanyama lia Parani.