Livalidza 10:10 - KITABU KITAKATIFU

¹⁰ Kandi ku lidiku liu vusangali vwinyu, ing'inga yi lilia mu litanga lie mieli mihia, mulakuba visiliva lwa muhaana vihaanwa viu kusambwa kandi vihaanwa vie mirembe. Yivi vilava kuli lizuliza imbiri wa Nyasaye. Inzi mbeeye Yahova Nyasaye winyu.”

Livalidza 10:10 ပူးပေါင်းရင်းမြစ်များ

2 Avami 4:23

Musaza weve yateeva “Kigira ki uzie kalunu? Siliveeye lisabato kinga lisavo liu Mweli Muhia.” Yativura, “Utahenda mwoyo mba.”

1 Kyetsinyinga 15:24

Vasaalisi Shebania na Joshafati, Nezaneli, Amasai Zakaria, Benaya kandi Elieza, vatovolwa vaduuki kukuba visiliva imbiri wi Lisandugu Lie lilagana lia Nyasaye. Obedi Edomu na Jehia navo kandi vaali avalindi vi kirivwa vi Lisandugu.

1 Kyetsinyinga 15:28

Kunangwa vandu va Isiraeli vosi vazia harara ni Lisandugu lie Lilagana kuduuka Jerusalemi ni lihanzuka liu vusangali, ni vakuba visiliva, ling'alala kandi vikuli, kandi zinyimbu ziuvukana vwi migoye.

1 Kyetsinyinga 16:42

Hemani na Jeduzuni vasingilira likuba visiliva ni vikuli, kandi ni viju vindi viosi viakubwa lwa viimba zinyimbu ziu kwizominya Yahova. Avandu vi kiliango cha Jeduzuni valinda virivwa.

2 Kyetsinyinga 29:26

Vandu vasingira ni vikuli harara nu vukana vwa Daudi, na vasaalisi vasingira ni visiriva.

2 Kyetsinyinga 29:28

Livugana liosi liasigamira Yahova, avimbi vimba zinyimbu, kandi visiriva nivikubwa. Yaga goosi gazizagilira kuduuka ku keheri chi kihanwa chu kusambwa.

2 Kyetsinyinga 7:6

Vasaalisi vasingira mu vogono vwavo; kuli vandu va Levi vaakora ni viju via Yahova viukwimbira, viu mwami Daudi yaali ni yalomba kulwu kwizominya Yahova kandi iviatumikirangwa lwa yaahaanaa lisandiza, navoora, “Vuyanzi vwivwe vuhindiraa mihiga ni mihiga.” Avasaalisi vaakuba visiriva nivahenzi vandu va Levi, na vandu vosi va Isiraeli vasingira.

Ezara 3:10

Lwa avandu vatanga kuviika muse gwi Litembeli, avasaalisi niviviiki zinguvu ziavo vaali muvogono vwavo nikisiriva mumakono gaavo. Avandu vinyumba ya Levi avihiiri ya Asafu vasingira ho nivikuli. Vizominya Yahova kolondekana amalago gavaahevwa kutura ing'inga yu Mwami Daudi wa Isiraeli.

Nehemia 12:35

kandi na avalala ku avana va avasaalisi ni visiliva; Zakaria mwana wa Jonazani, mwisukulu wa Shemaya. Kandi vaali harara na vaguuga vaavo: Matania, Mikaya, na Zakuri wi inyumba ya Asafu.

Zaburi 150:3

Mumwizominye ni visiliva. Mumwizominye nuvukana kandi nilidienyi.

Zaburi 81:3

Mukubi kisiriva kigira lilia, lwu mweli gulavaa kandi lwu mweli guchelaa.

Zaburi 81:4

Yili ni lilago mu kivala cha Isiraeli, lilaga kutura ku Nyasaye wa Yakobo.

Zaburi 89:15

O, Yahova, vaveeye nuvugasu yavo avasigamiraa ivi ku liemba zinyimbu ziu kukwizominya, kandi avamenyaa mu vulavu vwu vulahi vuvwo;

Kutwula 28:29

“Lwa Haruni yingira Havundu Hatakatifu, aliviika isalamba yiyi iyavazirwa mu amita gi zihiiri zia Isiraeli; kunangwa inzi, Yahova, ndizuliza kazozo avandu vange.

Kutwula 30:16

Muvungizi mabese yaga kutura ku avandu va Isiraeli na mugatumikiri ku vutumiki vwi Lihema liu kuvuganira mu. Vusuuru yivu vulava mitungu kigira livamwoyo liavo; kandi ndizuliza kuvakinga.”

Isaya 27:13

Lwilidiku yilio liliduuka, kisiriva kilakakubwi ukulanga avandu vosi va Isiraeli avaari nivahaminyirwa mu vivala via Asiria na Egebeti, viirane. Valakaze kusigamira Yahova mu Jerusalemi, ku kiguru chiche kitakatifu yiki.

Kyavalevi 23:24

avolere avandu va Isiraeli ndi: “Ku lidiku liukutanga liu mweli gwa saba mulava ni lidiku liokososa, lie livugana litakatifu, ilizuliza mu likuba ivisiliva.

Livalidza 10:9

Lwamuzia kulwaana avasigu vamudambiza mu kivala chiinyu, maku mulakuba visiliva; ninzi Yahova Nyasaye winyu ndamukonya kandi ndamuhonyia kutura ku vasigu vinyu.

Livalidza 28:11

Valeete ku Yahova kihanwa chu kusambwa vuli lidiku liu kutanga ku vuli mweli: Vimoli vigiriki viviri, limigu lilala, vimeme vimigu saba vio muhiga mulala, viosi vitaveeye nimbara

Livalidza 29:1

Ku lidiku liu kutanga lwu mweli gwa saba mulavugana nukusigamira Yahova, mutakola miyinzi josi mba. Lidiku yilio mulakuba visiriva.

Matayo 11:28

“Hambi ku inzi munyi vosi avanyang'anaa na avaminikaa ni misigo militu, nainzi ndamusosiza.

Vikolwa 10:4

Korinelio yumika engelosi nu vuti, namuvolera “Ni kindu ki, mwami?” Engelosi yamuvolera, “Nyasaye uvugiliyi lisaala liilio ni zisadaka zizio ku vadaka.

1 Vakorintho 15:52

Lwi kisiriva kilikubwa, avakuzu valakasimugukizwi, kandi sivalikuza kandi mba, na kunyi vosi kulakagilung'anywi.

1 Vatesalonike 4:16

Gulakave ho nu mwoyo munene gwu kulanga, kandi nu mwoyo gwe engelosi Munene, kandi nugwi kisiriva cha Nyasaye, maku Mwami mwene aliika kutura mwigulu. Yavo vaakuza nivasuuvira mu Kristo valakasimuguki kutanga.

1 Vatesalonike 4:18

Kunangwa mu leminyane mioyo munyi aveene naveene namakuva yaga.

Joshua 4:7

mulakavavoolere ndi amazi ga Jorodani gavula kuvita lwa Lisandugu lie Lilagana lia Yahova liambuka mugera gwa Jorodani. Amagina yaga galagizulizi avandu va Isiraeli kazozo ichekolekaa hano.”

Joshua 6:4

Avasaalisi saba, vuli mulala nagiingi kisiriva che zinziga zie ugoondi limigu, valimilira imbiri wi Lisandugu lie Lilagana. Ku lidiku lia saba, ivi harara na vasikari vi liihe vovo, mulagenda kovodong'ana lidaala yilio haali saba, avasaalisi navo nivakubaa visiliva.

Likunula 22:17

Kandi Roho harara nu umwiha vavoola, “Hamba!” Kandi uyu uhuliraa avoora “Hamba.” Kandi uyu oveeye nu uvuluhu yaaze, avugiliri amazi gi livamwoyo kuva ikihaanwa, uyu uwegombaa yaaze.

1 Samweli 20:5

Kunangwa Daudi yativura, “Mugamba ni Lisavo liu Mweli Muhia, na gandukira kulia harara nu mwami. Navuzwa niiva voveeye vulahi ku ivi, ndazia kwivisa mu mulimi kuduuka hamugorova gwi lidiku liakavaga.