Livalidza 1:53 - KITABU KITAKATIFU

⁵³ Avandu vi ihiiri ya Levi valumbaka havundu hokososera haavo kukumberiza lihema nukulilinda, kunangwa uvutima vwange vuvuli kuduuka ku livugana lia vandu va Isiraeli.”

Livalidza 1:53 ပူးပေါင်းရင်းမြစ်များ

1 Kyetsinyinga 23:32

Vahevwa miyinzi ju kusingilira nu kulinda Lihema liu kuvuganira mu na Yahova kandi Litembeli, kandi ji likonyelera aviiko vaavo, avasaalisi, avaveeye visukululwi via Haruni, mu lisigamira liu mu Litembeli.

2 Kyetsinyinga 13:10

“Navuzwa kunyi kukitumikira Yahova Nyasaye wiitu na kukiri kumuleka kali hakuzu. Avasaalisi avaveeye kisukururwi cha Haruni vakora miyinzi jaavo, kandi vandu va Levi vavakonyeleraa.

2 Kyetsinyinga 13:11

Vuli mugambazuri na mugolova vamuhaaniraa visiuviliru viukusambwa vigima kandi vamuvuuyizira vimuli vifunya mwayu. Vamuhaaniraa vihaanwa viu mugadi mutakatifu komesa yi zahabu iyatakaswa ku miruka, na vuli mugolova vahambizaa zitaya ku vinara vie izahabu. Kunyi kokoraa aga Yahova Nyasaye wiitu amali kulaga, navuzwa munyi mwamuleka.

Jeremia 23:15

“Kunangwa, yaga nigo aga inzi, Yahova Wuvunyali, mboraa kigira vaporofeti va Jerusalemi: inzi ndavaha vitagwa vilulu valie kandi isumu vanwi, kigira vamali kulandiza agataveeye guvulungi mukivala choosi.”

Jeremia 5:31

Avaporofeti vavoola makuva guvugadi vuzwa; avasaalisi vamiiha kolondekana nilienya lia avaporofeti, na avandu vange si vagaya ivindu yivi mba. Navuzwa munyi, mulakola ki lwa vindu yivi viosi viduuka ku keheri?”

Kyavalevi 10:6

Maku Musa yavolera Haruni na vayaayi veve vandi Elieza na Izamara, “Mutaleki liisu lienyu livuli kusanulwa mba, kandi mutatanduli zinguvu zienyu kumanyia ndi musiomaa mba. Nimukora ndio, mulakuza, na Yahova alava nu vutima na avandu va Isiraeli vosi. Navutswa avache vinyu avandu va Isiraeli vosi, vanyara kusiomera yavo vosi va Yahova yasamba nu muliru gwa yatuma.

Livalidza 1:50

Havogono hene yaho, otovole ihiiri ya vandu va Levi vasingiliri Lihema liange harara ni viju vialio. Valaginga lihema yili harara ni viju vialio, vatumiki mulio, kandi vumbake havundu hokososera kundulu kwa lio.

Livalidza 1:54

Kunangwa, avandu va Isiraeli vaakora vindu viosi kuli Yahova yaali nalagi Musa.

Livalidza 16:46

Musa yavolera Haruni, “Vugula zinju zizio ma uviiki ku manda mahiu kutura ku vwali kandi uviiki kimuli ku manda maku uzie vwangu nago mu vandu va Isiraeli ma uvakolere mwima gwu kwitakasa. Zia vwangu! Vutima vwa Yahova vumali koleta lidivizwa nu vulwaye vudamanu vumali kutanga.”

Livalidza 16:9

Muganaganaa ni kindu kekekeeke ku munyi Nyasaye wa Isiraeli Umali kumutovola kutura mu vandu vosi va Isiraeli, nu kumuleeta himbi kuye mwene kunangwa muduuki kokora miyinzi mu Lihema lilie, kandi kusingila imbiri wa vandu nu kuvatumikira?

Livalidza 17:7

Maku Musa yavika zimbimbu ziosi mu Lihema imbiri wi Lisandugu lia Malago ga Yahova.

Livalidza 2:17

Lihema liukuvuganiramu lilumbakwa harara nohokososela hi ihiiri ya Levi hagati hi miganda jokososa. Valatura kuzia kolondekana kuli vumbaka havundu haavo hokososa, vuli muganda nigwimiriywi ne bendera yagwo.

Livalidza 3:23

Ihiiri yiyi yumbaka havundu hokososa kolovega lwi Imadioli, inyima wi Lihema.

Livalidza 3:29

Ihiiri yiyi yumbaka ahokososa haavo kolovega lwi isavaalu wi Lihema.

Livalidza 3:35

Ihiiri yiyi yumbaka ahokososa haavo kolovega lwi Ivaale wi Lihema. Mwimiliri wavo yaali Zurieli muyaayi wa Abihaili.

Livalidza 3:38

Musa na Haruni harara na vana veve, vumbaka hokososa haavo kolovega lwi Ivugwi, imbiri wi Lihema. Vasingilira miyinzi jakolelwa Havundu Hatakatifu kulwa vandu va Isiraeli. Mundu woosi waza ahimbi na Havundu Hatakatifu yitwa.

Livalidza 31:30

Kutura ku kedonye kihanwa ku muganda gutigaye, muvuguli muhambe mulala kutura ku vahambe amusini, kandi muvuguli kutura ku zing'ombe, zibunda, magondi kandi zimburi. Muvihaane ku vandu vihiiri ya Levi avalindaa Lihema lia Yahova.”

Livalidza 31:47

Kutura ku vugavuli yivu, Musa yavugula muhambe mulala kutura ku vahambe amusini kandi mitugu kuli Yahova yalaga, nahaana ku vandu va Levi, avalindaa Lihema lia Yahova, kuli Yahova yaali nalagi Musa.

Livalidza 8:19

Mali kuhaana ihiiri ya vandu va Levi vave kuli kihanwa ku Haruni harara na vayaayi veve hagati ha vandu va Isiraeli. Valakola miyinzi mu Lihema havogono vwa vandu va Isiraeli, valakinga vandu va Isiraeli kutura ku kivi choosi chu vulwaye vudamanu ligali, niiva valisunda himbi na havundu Hatakatifu.”

1 Samweli 6:19

Yahova yita avasaza sabwini ku vandu va Bezi-shemeshi, kigira vahenza mu Lisandugu lie Lilagana lia Yahova. Kandi avandu vasioma kigira Yahova yaali naleti likuza linene hagati haavo.