Livalidza 1:50 - KITABU KITAKATIFU

⁵⁰ Havogono hene yaho, otovole ihiiri ya vandu va Levi vasingiliri Lihema liange harara ni viju vialio. Valaginga lihema yili harara ni viju vialio, vatumiki mulio, kandi vumbake havundu hokososera kundulu kwa lio.

Livalidza 1:50 ပူးပေါင်းရင်းမြစ်များ

2 Kyetsinyinga 24:6

Kunangwa, mwami Joashi yalanga Jehoyada mwimiliri wavo namuteeva, “Kigira ki siwenya vandu va Levi vasolole uvusutu vwa Musa mutumikiri wa Yahova yalaga kutura ku vandu vi Ivuyuda na Jerusalemi kokonyelera uvulindi vwi lihema lia Yahova?”

Nehemia 12:22

Amita ga Aviimiliri vizinyumba zia vandu va Levi na Avasaalisi gang'odwa mu vitabu mu ing'inga ya Avasaalisi avanene yava; Eliashibu, Jehoyada, Jonazani, na Jodua. Amita yaga galekela kong'odwa lwa Dariasi yaali mwami wa Pasia.

Nehemia 12:47

Mu ing'inga ya Zerubabeli, kandi mu ing'inga ya Nehemia, avandu vosi va Isiraeli vaahana vihaanwa vuli lidiku kigira likonyelera lia avimbi vu Mulitembeli, kandi na avasikari vukulinda Litembeli. Avandu vaahana kihanwa kitakatifu ku avandu va Levi, na vandu va Levi navo vahaana kedonye chenyekaa ku Avasaalisi.

Nehemia 12:8

Avandu va Levi vaali: Jeshua, Binui, Kadimieli, Sherebia, Yuda, na Matania. Yava harara na vamwavo vaavo, vasingira liimba zinyimbu zio kuhaana lisandiza ku Nyasaye.

Nehemia 13:22

Maku ndalaga vandu va Levi vitakase na vazie kuliinda virivwa ku vaduuki kolola ndi Lisabato likoleywe kuva litakatifu. Unzizulizi, O, Nyasaye wange, kigira yaga kandi, na omberere kigira ovonene vwi zimbavasi zizio.

Nehemia 13:5

Yavugilira Tobia atumikiri keng'oze kenene ichatumikiraa maziambiri ku livikwa mu vihaanwa viu vuswage kandi kimuli, iviju viatumikaa mu Litembeli, vihaanwa via avasaalisi, izaka yuvuswage, iwaini kandi maguta ga muzeituni agahevwa vandu va Levi, avimbi vu mu Litembeli, kandi avalindi vi virivwa vie Litembeli.

Zaburi 122:4

Yimu nimwo mwi zihiiri zia Isiraeli ziza, ukuhaana lisandiza ku Yahova kolondekana na malago geege.

Kutwula 31:18

Lwa Nyasaye yamala komoloma ku Musa mu kiguru cha Sinai, yamuha vibaho viviri ukwa Nyasaye mwene yaali nang'odi amalago.

Kutwula 38:21

Yili nilivaliza lie vivia viosi iviatumika mu Lihema lia Yahova umwi vibaho viviri via magina viavikwa, ukwa malago likomi gang'odwa. Lilohiza zana lialagwa na Musa nililombwa nihiiri ya vandu va Levi avayinziraa hasi hu vusingiliri va Izamara, muyaayi wu musaalisi Haruni.

Livalidza 1:53

Avandu vi ihiiri ya Levi valumbaka havundu hokososera haavo kukumberiza lihema nukulilinda, kunangwa uvutima vwange vuvuli kuduuka ku livugana lia vandu va Isiraeli.”

Livalidza 10:21

Maku avandu vi ihiiri ya Kohazi vaatura nivatanga logendo nivagingi viju vitakatifu; lihema liali ni liumbakwa imbiri wa vaali nivakikiri kuduuka hokososa handi.

Livalidza 17:7

Maku Musa yavika zimbimbu ziosi mu Lihema imbiri wi Lisandugu lia Malago ga Yahova.

Livalidza 18:5

Ivi na vayaayi vovo venyine gamuduukira mutwekizi uvutumiki vwa havundu Hatakatifu kandi ku vwali kunangwa vutima vwange vuvuli kwirana ku vandu va Isiraeli.

Livalidza 2:17

Lihema liukuvuganiramu lilumbakwa harara nohokososela hi ihiiri ya Levi hagati hi miganda jokososa. Valatura kuzia kolondekana kuli vumbaka havundu haavo hokososa, vuli muganda nigwimiriywi ne bendera yagwo.

Livalidza 20:11

Kunangwa Musa yaginga imbimbu nakuya ku lwanda haali kaviri, nu mugela munene gwa mazi gwasinuka, kunangwa vandu vosi ni mitugu vanwa mazi.

Livalidza 4:15

Lwa Haruni harara na vayi vinyumba yeeye vamala kukunika Havundu Hatakatifu harara ni viju viosi vitakatifu, kandi lwa vava nivetegeki kuzia kutura a hokososera, avandu vi inyumba ya Kohazi valaza kuginga Lihema. Navuzwa gavadukiraa vavuli kugumira ku viju vitakatifu, gase valakuza. Kuginga lihema havundu hoosi halizia ni miyinzi ja vandu vi inyumba ya Kohazi.

Livalidza 4:3

kandi vang'ode amita ga vasaza vosi avaveeye hagati hi mihiga 30 na 50, avaveeye avadukiru kutumika mu Lihema liu kuvuganiramu.

Livalidza 8:19

Mali kuhaana ihiiri ya vandu va Levi vave kuli kihanwa ku Haruni harara na vayaayi veve hagati ha vandu va Isiraeli. Valakola miyinzi mu Lihema havogono vwa vandu va Isiraeli, valakinga vandu va Isiraeli kutura ku kivi choosi chu vulwaye vudamanu ligali, niiva valisunda himbi na havundu Hatakatifu.”

Livalidza 8:20

Kunangwa Musa, Haruni harara na vandu vosi va Isiraeli, vatakasa ihiiri ya vandu va Levi kuli Yahova yalaga Musa.

Livalidza 8:22

Avandu va isiraeli vaakora vuli kindu choosi ku vandu vihiiri ya Levi kuli Yahova yalaga Musa. Kunangwa avandu va Levi vaduukira kokora miyinzi mu Lihema lia Yahova mu vwimiliri vwa Haruni na vayaayi veve.

Likunula 15:5

Inyima wi vindu yivi, ndaalora Litembeli liu mwigulu ni liguliywi, Lihema litakatifu liali mu.