Litanga 49:18 - KITABU KITAKATIFU

¹⁸ “Inzi nindiliraa ovohonyi vuvwo O, Yahova.

Litanga 49:18 ပူးပေါင်းရင်းမြစ်များ

Litanga 49:17

Alava enzoka kunzira, kihirigoma keveeye nu vusungu; ikilumaa ibarasi ku virenge, kunangwa mundu nanini kuyo aduuki kusuuvwa no kugwa hasi inyima wayo.

Zaburi 119:166

O, Yahova, nindiliraa ivi ombonyie, kandi ngolaa aga ivi ulaga ngole.

Zaburi 119:174

O, Yahova, nzegomba ovohonyi vuvwo. Amalago googo gaveeye uvusangari vwange.

Zaburi 119:41

O, Yahova, umanyie vuyanzi vuvwo uvutaveeye nekeheri, kandi ombonyie kolondekana ni lisuuvirizwa liilio.

Zaburi 123:2

Kuli mutumikiri yeeledaa ku munene weve kandi kuli mukaana mutugwa yeeledaa ku munene weve, O, Yahova, Nyasaye kunyi kulazizagilira kohenza ku ivi, kuduuka lwa okoveera zimbavasi.

Zaburi 130:5

Nindiliraa nu mwoyo gwange gwosi nyoore ovokonyi kutura ku Yahova, kandi suuviraa mu likuva lilie.

Zaburi 14:7

Inzi ndakayanzi ndi uvuguuti kutura Ziyoni kuuza ku vandu va Isiraeli! Vulakave vusangali ki, ku vandu va Isiraeli, lwa Yahova alivalomba kuva nu vutugi kandi!

Zaburi 40:1

Ndaalindilira Yahova nuvwikuziri aduuki kongonya; maku yambuliriza kandi naahulira lianira liange.

Zaburi 62:1

Nindiliraa Nyasaye nuvwikuziri ligali, yambonyie; ovohonyi vwange vutulaa kuye yeng'ine.

Zaburi 62:5

Nindiliraa Nyasaye nuvwikuziri ligali; kigira lisuuvirizwa liange litulaa kuye.

Zaburi 85:7

O, Yahova, ukumanyie uvuyanzi vuvwo vutaveeye ne keheri, kandi okohe ovokonyi vuvwo vwo kohonyia.

Kutwula 15:2

Yahova aveeye mukingi wange wi zinguru; niyie yenyine umali kombonyia. Aveeye Nyasaye wange, nainzi ndamwizominya, aveeye Nyasaye wa vaguuga vange, kandi ndimba kigira ovonene vwivwe

Tsing'ano 14:32

Vandu vadamanu vaduuka mukivi kigira vikolwa viavo viu vuchamu vwavwo, navuzwa valungi vanyoola likingwa mu lisuuvirizwa lie likuza liavo.

Isaya 25:9

Lwi lidiku yilio liduka, avandu vosi valakavoole, “Uyu niyie Nyasaye wiitu! Kumali kuviika lisuuvira lietu muye, kandi umali kokosola. Aveeye Yahova, kandi kwamala kuviika lisuuvira lietu muye, kandi kalunu koveeye nuvuyanzi kandi nuvusangali ligali kigira umali kukohonyia.”

Isaya 30:18

Navuzwa Yahova alindiliraa kumuvererera zimbavasi. Aveeye mwetegeke kumanyia zimbavasi ku mwinye kigira akolaa agaveeye malungi kazozo. Vaveeye nu vugasu yavo avasuuviraa mu Yahova.

Isaya 33:2

Yahova, okovererere. Kunyi kumali kuviika lisuuvirizwa lietu mu ivi. Ukukingi vuli lidiku na okohonyie ing'inga yuvudinyu.

Isaya 36:8

Kunangwa kalunu, mulombe livugilirizana munene wange, mwami wa Asiria. Ndamuha zibarasi zielefu ziviri niiva mulanyola avasaza vaduuka livaliza yilio vanini kuzio nukuzihira.

Isaya 8:17

Yahova yiivisi kutura ku vandu veve, navuzwa inzi musuuviraa kandi mbikaa lisuuvirizwa liange muye.

Lisyoma lya Jeremia 3:25

Yahova aveeye mulahi ku yavo vosi avaviika lisuuvirizwa liavo muye, ku oyo umwenyelerizaa.

Hosea 12:7

Yahova avoora, “Avandu va Isiraeli si vaveeye avasuuvirifu mba; vayaanza kugaada avakiranyi niligera liuvugadi.

Mika 7:7

Navuzwa kulwa inzi, ndahenza ku Yahova yeng'ine. Ndalindilira Nyasaye wange mulisuuvira ligali, ulimbonyia. Nyasaye wange alambulira.

Matayo 1:21

Aliivula umwana muyaayi, na ulamugulika lieta lilie Yeso, kigira uyu nivie ulihonvia avandu veve kutura muuvwoni vwavo.”

Marko 15:43

Josefu wa Arimazia, mukulundu wu luyali, mulala ku vakalagi, uwalindiliraa liza liu Uvwami vwa Nyasaye, yaluvirira nazia ku Pilato nateeva umuviri gwa Yeso.

Luka 1:30

Engelosi yamuvolera, “Utatia mba, Maria, kigira Nyasaye akovereye zimbavasi.

Luka 2:25

Kunangwa yaali ho mundu mu Jerusalemi walangwa Simioni; yaali mundu mulungi kandi uwatia Nyasaye niliehozeliza. Mundu uyu yalindilira vohonyi vwa Isiraeli kandi Roho Mutakatifu yaali kuye.

Luka 2:30

Kigira zimoni ziange zimali kolola vohonyi vuvwo,

Luka 23:51

Siyavugilira amakuva gaavo ni minyinzi jaavo mba, kandi yalindiliraa Uvwami vwa Nyasaye.

Varumi 8:19

Vindu viosi via Nyasaye yalomba vilindilira nuvuha vonene ndi, Nyasaye avuri avana veve.

Varumi 8:25

Navuzwa niiva kohenzerera kindu cha kutalolaa, ahene yaho kukilindilira nu vwikuziri vwosi.

Vagalatia 5:5

Navuzwa, ku lisuuvira, kulindilira nu vuha kuvitira mu roho, vulungi vwi lisuuvirizwa.

1 Vatesalonike 1:10

kandi kulindilira Mwana weve kutura mwigulu naye ni Yeso, wa yasimugukiza kutura mu vakuzu, ohonyia kunyi kutura mu vutima vwa Nyasaye vuzaa.