Litanga 48:14 - KITABU KITAKATIFU

¹⁴ Navuzwa Yakobo yanyira mukono gwigwe mulungi naviika ku mutwi gwa Efuraimu uwaali ku mukono mumosi, kali niiva yaali muyaayi mukekeeke. Kandi yanyira mukono gwigwe mumosi naviika ku mutwi gwa Manase uwaali ku mukono mulungi, uwaali muyaayi muhindira.

Litanga 48:14 ပူးပေါင်းရင်းမြစ်များ

Litanga 41:51

Josefu yagulika muyaayi weve wukutanga lieta Manase. Yavoola, “Nyasaye umali kongola inzi kwivilira uvudinyu vwange vwosi kandi avandu vi inyumba ya baba wange.”

Litanga 41:52

Yavoola, “Nyasaye umali kumba vana mukivala chu vudinyu maku yagulika muyaayi weve wa kaviri lieta, Efuraimu.” Kandi yavoola, nikigira Nyasaye ombeye ulwivulu mukibala chu vundinyu vwange.

Litanga 46:20

Josefu na Asenazi mukaana wa Potifera waali musaalisi mu Heliopolisi vanyoola vayaayi vaviri mu Egebeti, Manase na Efuraimu.

Litanga 48:13

Josefu yasunda vayaayi veve ahimbi na baba weve, Efuraimu ku mukono mumosi, na Manase ku mukono mulungi.

Litanga 48:17

Lwa Josefu yalora ndi baba weve aviiki mukono gwigwe mulungi ku mutwi gwa Efuraimu, yavihilirwa. Yaatuliza mukono gwa baba weve kutura ku mutwi gwa Efuraimu, ma naguviika ku mutwi gwa Manase.

Litanga 48:18

Josefu yavolera baba weve, “Si gaveeye ndio mba baba, Manase aveeye muyaayi muhindira, uviiki mukono gwugwo mulungi ku mutwi gwigwe.”

Zaburi 110:1

Yahova yavolera mwami wange “Yikala ha mukono gwange mulungi kuduuka lwa mbikaa avasigu vovo isi wi virenge vivio.”

Zaburi 118:16

Zinguru zizie zileeti liguuta ku kunyi! Kandi zikoli gokogenyia mu vulwani!”

Kutwula 15:6

“Mukono gugwo mulungi, O, Yahova, goveeye nizinguru. Guvunaganyia avasigu mu vidonye.

Livalidza 2:18

Zihiiri ziumbaka kolovega lwi madioli zilava vandu ve bendera yu muganda gwa Efuraimu nivimiliywi ne bendera yaavo. Mwimiliri wavo alava Elishama muyaayi wa Amihudi.

Livalidza 8:10

Avandu va Isiraeli valaviika makono gaavo ku mitwi jihiiri ya vandu va Levi.

Livalidza 8:18

Mali kuvugura ihiiri ya vandu va Levi havogono vwa yavo vosi aviivulwa kutanga mu vandu va Isiraeli.

Matayo 16:18

Nainzi ngovolera Petero; ivi oveeye ulwanda, na ku lwanda yilu ndumbaka ku ilikanisa linage, nizinguru zie likuza sizinyala kuliguuta.

Matayo 19:13

Hene yaho, avandu valala valeta avana vakekeeke ku Yeso aviiki makono geege kuvo. Navuzwa aviigi vavagondokera.

Matayo 19:15

Yavika makono geege kuvo navagasiza, ma natura ho.

Matayo 6:5

“Lwa musaala, mutava kuli avagaadi, kigira yavo vayaanza kusaala nivasingiyi mu masinagogi kandi muvwavukaniru vwi zinzira kunangwa, avandu vavalore. Ligali muvooleraa, vamali konyoora amadanyi gaavo.

Luka 13:13

Yavika makono geege kuye, nonoho muviri gwigwe gwadiguluka kandi yizominya Nyasaye.

Luka 4:40

Lwa liuvaliali niliyeraa, vosi avaari nivalwaye vaavo lugano nalugano vavaleeta kuye, yavika makono geege kuvo vosi navahonyia.

Vikolwa 13:3

Lwa vamala kusaala, nivahonga lilia, vaviika amakono gaavo kuvo, nivavatuma vazie.

Vikolwa 6:6

Muganda gwa vasuuviri yavo, vavaviika imbiri wa avatumwa navo ni vavasaalira ni vaviika makono gaavo kuvo.

Kwidzulitsa 34:9

Joshua, muyaayi wa Nuni yaali niyizuuyi ovogeri kigira Musa yaali namutovoye avuguli vogono vwivwe. Avandu va Isiraeli vahulira Joshua kandi nivalinda malago ga Yahova yaali navaheeye kuvitira ku Musa.