Litanga 35:5 - KITABU KITAKATIFU

⁵ Lwa Yakobo yaatanga logendo harara na vayaayi veve, avandu va madaala gaali ahimbi, vaali nuvuti ovonene ligali, na si vavalondelera mba.

Litanga 35:5 ပူးပေါင်းရင်းမြစ်များ

Litanga 34:30

Yakobo yavolera Simioni na Levi, “Munyi mumali kumbika mukivi. Kalunu avandu va Kanaani, avandu va Peri kandi vuli mundu mu lidaala linene alanduunyira. Inzi si mbeeye na vasaza vanyingi mba. Niiva vanyara kuuza harara nukunyingilira, inyumba yitu yoosi ilakadivizwi.”

Litanga 35:4

Kunangwa vahaana ku Yakobo vanyasaye avageni vaavo vosi va vaali navo, kandi zimingiri zia vaali nazio mu matu gaavo. Yaaviyavira isi wu musaala munene ha Shekemu.

2 Kyetsinyinga 14:13

Ma Asa harara ni liihi lilie vavakunga ni vavalondelera kali kuduuka Gerari. Liihi lia Zera vaaguutwa, na Yahova yavadiviza ligali na sihali ho nu mulala watigala mba. Avasaza vi liihi lia Asa vaginga vilaanye vinyingi ligali kutura ku vandu va Ezopia.

2 Kyetsinyinga 14:14

Maku, vadiviza amadara manene gakumberiza Gerari, kigira avandu havundu hene yaho vatihizwa na Yahova ligali. Liihi lia Asa lialanga amadara goosi ma ni vavugura vilaanye vinene ligali.

2 Kyetsinyinga 17:10

Yahova yalomba uvwami vwakumbiriza Ivuyuda vwosi ukutia kulwaana nu mwami Jehoshafati.

Zaburi 105:14

Navuzwa Nyasaye siyaaleka ihiiri kali indala kuvadambiza mba. Yiganihiza avami yavo ukuvakinga.

Zaburi 14:5

Navuzwa valatiihizwa; kigira Nyasaye aveeye harara na yavo avamutizaa.

Kutwula 23:27

“Ndakora avandu vahing'ana ni munyi vatie Inzi; ndaleta ligoyana hagati ha avandu valeta uvulwani ku munyi na ndakora avasigu vinyu vosi vagirung'ane nukwiruka kutura ku munyi.

Kutwula 34:24

Kigira ndakunga zihiiri imbiri woovo kandi ndavambalariza zinzako zie kivala chienyu kandi sihalavaho nu mundu ogeriza kuguuta kivala chienyu mba, lwa muloleka imbiri wa Yahova Nyasaye winyu haali kavaga ku muhiga.

Kwidzulitsa 11:25

Sihaveeyeho numundu usingira kuhing'ana nimunyi mba. Yahova Nyasaye winyu, kuli yamusuuviriza, alaviika lidegela nilitihiza lienyu ku kivala choosi, hoosi aha muzia.

Kwidzulitsa 2:25

Kutura kalunu kuzizagilira imbiri, ndakora avandu vosi havundu hoosi vamutie. Vuli mundu aladegera nu vuti ku litala lieta lienyu.’

Joshua 5:1

Avami vanene va vandu va Amori vosi kolovega lwi imadioli wu mugera gwa Jorodani kandi avami vanene va vandu va Kanaani avivivala viavo viveeye himbi ninyaanza ya Meditareniani vahulira ndi Yahova ukaminyi Jorodani kuduuka lwa vandu va Isiraeli vaali nivakambuka. Vaatia ligali kandi nivagotiza uvuluviliri vwavo kigira avandu va Isiraeli.

1 Samweli 11:7

Yavugula zing'ombe ziukulima ziviri, naazitemanyia mu vidonye kandi natuma vatumwa mu kivala choosi cha Isiraeli ni lieganihiza yili, “Ku vosi utalonda Saolo na Samweli mu vulwani zing'ombe ziukulima zizie zilakolerwa yaga.” Avandu va Isiraeli vaatia icha Yahova anyala kokora, kandi vosi, vugira mulala kutigala, vazaa harara.

1 Samweli 14:15

Avandu va Filisitia vosi avaari mu kiguti vaali ni vadegera lidegera linene ligali. Avalanyi na vasikari vi liihi avaari mu hokososa vaatenga novodegeri vonene kigira uvuti. Lirova liatenga ligali, kandi haali nilidundana linene ligali.