Litanga 35:27 - KITABU KITAKATIFU

²⁷ Yakobo yazia ku baba weve Isaka ha Mamure, ahimbi Heburoni, uwa Aburahamu na Isaka vamenya.

Litanga 35:27 ပူးပေါင်းရင်းမြစ်များ

Litanga 13:18

Kunangwa Aburamu yaginga mahima geege kandi nazia komenya ahimbi ni misaala mitakatifu ja Mamure ha Heburoni, uwa yumbakira Yahova uvwali.

Litanga 14:13

Navuzwa mundu yahononoka ma navolera Aburamu Muheburaina uwa menyaa ahimbi ni misaala mitakatifu ja Mamure na avandu va Amori yaga goosi. Mamure harara na vamwavo veve Eshikoli na Aneri vaali avalina va Aburamu.

Litanga 17:8

Inzi ndakakohe harara nivisukululwi vivio kivala yiki cha oveeye mu mugeni. Kivala choosi cha Kanaani kilakave chi visukululwi vivio mihiga ni mihiga, kandi inzi ndakave Nyasaye wavo.”

Litanga 18:1

Yahova yaloleka ku Aburahamu ha misaala mitakatifu ja Mamure. Lwa Aburahamu yaali niyikaye mu vwingiliru vwe lihema lilie mu ing'inga yu muvasu gwaali munyingi mu lidiku,

Litanga 23:19

Inyima wa yaga, Aburahamu yaayavira muviri gwu mukali weve Sara mu luhangaywa lwu mulimi gwa Makipela, ugwali Ivugwi wa Mamure mukivala cha Kanaani.

Litanga 23:2

Yakuzira mu Heburoni mukivala cha Kanaani. Aburahamu yaasioma kigira likuza lia Sara mukali weve.

Litanga 28:5

Isaka yatuma Yakobo kuzia Mesopotamia wa Labani, uwaali muyaayi wa Bezueli kutura mukivala cha Arameyani. Labani yaali mbozo Rabeka, uwaali mama Yakobo na Esau.

Litanga 31:18

Yavika vana veve kandi avakali veve ku zing'amia, kandi navugura mitugu jije josi harara ni vindu viosi via yanyoora Mesopotamia, ma nazia mukivala cha Kanaani ku baba weve Isaka.

Litanga 37:14

Baba weve yamuvolera, “Zia olore niiva avamwavo vovo vaveeye mu mirembe kandi niiva mitugu jiveeye vulahi; maku wirane ombolere.” Kunangwa yaamutuma kutura mu livona lia Heburoni. Josefu yaduuka ha Shekemu

Litanga 49:29

Maku Yakobo yalaga vayaayi veve ndi, “Kalunu mbeeye ahimbi kukuza. Na muvuguli muviri gwange na munzaviri harara na vaguuga vange mu kirindwa keveeye mu mulimi gwa Efuroni umuhiti,

2 Samweli 2:1

Inyima wa yaga, Daudi yateeva Yahova, “Nyara kwirana kuzia mu lilala ku madaala gi Ivuyuda?” Yahova yativura, “Yee.” Daudi yateeva, “Ni liliha?” Yahova yativura, “Heburoni.”

2 Samweli 2:11

Kandi yamiha mu Heburoni ku Ivuyuda ku mihiga saba ni mieli sita.

2 Samweli 2:3

Yavugula kandi avasaza vi liihi veve harara na avizinyumba ziavo, na vamenya mu madaala agakumbiriza Heburoni.

2 Samweli 5:1

Ahene yaho, zihiiri ziosi zia Isiraeli ziazia ku Daudi ha Heburoni nivamuvoolera, “Kunyi koveeye va masahi googo.

2 Samweli 5:3

Kunangwa aviimiliri vosi va Isiraeli vaza ku mwami Daudi ha Heburoni. Yalomba lilagana litakatifu navo imbiri wa Yahova, kandi vaamuvaka amaguta, nivamukora Mwami wa Isiraeli.

2 Samweli 5:5

Yamiha mu Heburoni, ku ihiiri ya Yuda ku mihiga saba ni inusu mu Jerusalemi, ku Isiraeli na Yuda, yamiha ku mihiga 33.

Joshua 15:13

Kuli Yahova yaali nalagi Joshua, kedonye chi kivala chi Ivuyuda chahaanwa ku Kalebu, muyaayi wa Jefune, kutura mu ihiiri ya Yuda. Yanyoora lidaala linene lia Heburoni, lidaala liali lia Ariba, baba Anaki.

Joshua 21:11

Vahevwa lidaala linene lia Ariba, Ariba yaali baba wa Anaki, na kalunu lilangangwa Heburoni, mu kivala chi vigulu chi Ivuyuda, harara nikivala chuvwayiru ichalikumbiriza.