Litanga 31:42 - KITABU KITAKATIFU

⁴² Nyasaye wa baba wange, Nyasaye wa Aburahamu kandi Nyasaye wa Isaka alavula kuva harara ninzi, ngano wangunga vugira kindu choosi. Navuzwa Nyasaye umali kolola uvudinyu vwange kandi linyang'ana lie miyinzi jange. Uvudiku vwa mugolova, uhaani likalaga lilie lirungi.”

Litanga 31:42 ပူးပေါင်းရင်းမြစ်များ

Litanga 11:5

Maku Yahova yaza kutura mu ligulu kolola lidaala linene harara nu munara gwa vandu vaali ni vumbaki.

Litanga 16:11

Ivi ulivula mwana muyaayi, na ulamugulika lieta lilie Ishimaeli, kigira Yahova amali kuhulira lianira liilio liu kudambizwa.

Litanga 16:13

Hagari yalanga Yahova uwamoloma kuye navoora, “Ivi oveeye Nyasaye ololaa? Gaveeye giligali inzi mali kolola Nyasaye, kandi mbeeye mwoyo inyima wamali kumulora?”

Litanga 27:33

Isaka yaatanga kodegera ligali navoora, “Nivwaha uyu, witi inyama ma nandetera? Inzi mali kulia inyama imbiri wa ivi waali nukikiri kuuza. Inzi mali kumugaasiza ligali, na alava nuvugasu mihiga ni mihiga.”

Litanga 29:32

Lea yavereka kandi niyiivura mwana muyaayi. Yavoola, “Yahova ololi vudinyu vwange kandi kalunu musaza wange alanyaanza.” Kunangwa yamugulika Rubeni.

Litanga 31:12

Yavoola, ‘Henza zimburi zikole ziosi izituuma chayo ziveeye ziu vubalabale kandi zio vong'orang'ore Inzi ngola yaga kokoleka kigira mali kolola goosi aga Labani akokoraa.

Litanga 31:24

Nyasaye yaloleka ku Labani mu maloto vudiku namuvolera, “Uhenze vulahi, utatiihiza Yakobo mba.”

Litanga 31:29

Inzi mbeeye nuvunyari kusaliriza, navuzwa Nyasaye wa baba woovo amolomi na inzi mugolova vudiku, niyanziganihiza ndi mburi kukutihiza mba.

Litanga 31:5

Yavavolera, “Inzi ndolaa ndi baba winyu siaveeye nu vuyanzi ninzi kuli yaali maziambiri mba. Navuzwa Nyasaye wa baba wange aveeye harara ninzi.

Litanga 31:53

Nyasaye wa Aburahamu, kandi Nyasaye wa Nahori alahaana likalaga lirungi hagati hiitu.” Maku Yakobo yisuha kulinda lilagana yili mu lieta lia Nyasaye wa baba weve Isaka yaasigamiraa.

Litanga 32:9

Maku Yakobo yasaala, “Nyasaye wa guuga wange Aburahamu, Nyasaye wa Isaka, hulira lisaala liange! Ivi wambolera, O, Yahova, nzirane mukivala change kandi ku viko vange, na ulangolera vulahi.

Litanga 35:3

Maku kulatula hano na kulazia komenya Bezeli, uwananyumbakiri Nyasaye uvwali; Nyasaye wangonya ing'inga ya ndaali mu vudinyu, kandi havundu hoosi handazizaa yaala harara na inzi.”

Litanga 46:1

Yakobo yavungiza viosi iviayaali navio kandi nazia Beerisheba, uwa yahaana viusiuviliru ku Nyasaye wa baba weve Isaka.

1 Kyetsinyinga 12:17

Daudi yazia ku vaaganira navoora, “Niiva muzaa kuli avalina kongonya, mwingiliziywi hano nu murembe. Navuzwa niiva muzaa kunzaama nu kumbika ku vasigu vange, kali niiva si ndageriza kumusaliriza, Nyasaye wa vaguuga viitu alamanya amakuva yaga na alamuha amageri.”

Zaburi 31:7

Ndayaanza nukusangara kigira uvuyanzi vuvwo vutahera mba, ivi ololaa uvusaaliri vwange ivi umanya vudinyu vwange.

Kutwula 3:7

Maku Yahova yavoola, “Ligali mali kolola uvusaaliri vwa vandu vange vaveeye navwo mu kivala cha Egebeti, kandi mali kuhulira lilira liavo liukwenya kosolwa kutura ku vadambizi vaavo.

Isaya 8:13

Wizulizi ndi, inzi Yahova Wuvunyali, mbeeye mutakatifu; inzi mbeeye wa ivi udukana kutia.

Danyeli 2:23

Ngwizominya nu kuhaana luyali kuivi Nyasaye wa vaguuga vange; umali kumba vogeri kandi zinguru; umali kuhaana mativuli gilisaala liange, kandi umali kukumanyia aga kovoolera mwami.”

Kwidzulitsa 15:13

Lwa mumuvoholola atule ku munyi mutaleka azie makono ameere mba.

Yudasi 1:9

Kali Mikaeli, engelosi munene, siyakola ku yaga mba. Mu lihing'ana lilie na Setani, lwa vaahangalizanira ku muviri gwa Musa ndi nivwaha uguvugulaa, siyaaluvilira kukalagira Setani na amakuva ga amanyego mba; navuzwa yavoola, “Mwami mwene avagondokele!”