Litanga 29:32 - KITABU KITAKATIFU

³² Lea yavereka kandi niyiivura mwana muyaayi. Yavoola, “Yahova ololi vudinyu vwange kandi kalunu musaza wange alanyaanza.” Kunangwa yamugulika Rubeni.

Litanga 29:32 ပူးပေါင်းရင်းမြစ်များ

Litanga 16:11

Ivi ulivula mwana muyaayi, na ulamugulika lieta lilie Ishimaeli, kigira Yahova amali kuhulira lianira liilio liu kudambizwa.

Litanga 29:31

Lwa Yahova yalora ndi Yakobo yayanza Raheli kuvita Lea, yakola Lea konyoora avana, na Raheli naava mugumba.

Litanga 31:42

Nyasaye wa baba wange, Nyasaye wa Aburahamu kandi Nyasaye wa Isaka alavula kuva harara ninzi, ngano wangunga vugira kindu choosi. Navuzwa Nyasaye umali kolola uvudinyu vwange kandi linyang'ana lie miyinzi jange. Uvudiku vwa mugolova, uhaani likalaga lilie lirungi.”

Litanga 35:22

Lwa Yakobo yaali na menyi mukivala yiki, Rubeni yaali harara na Biliha, mulala ku vakali vatumikiri vababa weve. Lwa Yakobo yahulira makuva yaga, yavihilirwa ligali. Yakobo yaali na vayaayi 12:

Litanga 35:23

Avayaayi va Lea vaali; Rubeni, muyaayi wa Yakobo wu kutanga, Simioni, Levi, Yuda, Isakari, na Zabuloni.

Litanga 37:29

Lwa Rubeni yirana halilina ma nanyoora ndi Josefu si yaliho mba, yatandura zinguvu zizie muvovereri.

Litanga 42:22

Rubeni yavoola, “Inzi ndamuvolera mutasaliriza mwana wiitu mba, navuzwa munyi si mwambulira mba. Na kalunu kutungwa kisaalia kigira likuza lilie.”

Litanga 42:27

Havundu havagona mu vudiku, mulala yigula mu musigo gwigwe atulizimu chukulia ahe ibunda, na yalora mabese geege ha munwa gwu musigo.

2 Samweli 16:12

Hawundi Yahova alalola liverera liange ma yambe uvugasu kuvugura ovogono vwi kilaamo chiche.”

1 Kyetsinyinga 5:1

Yivi nivio visukululwi via Rubeni, muyaayi munene wa Yakobo. Rubeni yagotiza vonene vwivwe vwi livulwa, kuli muyaayi wu kutanga na vonene yivwo vwaheevwa Josefu. Kigira yaheya na mulala ku vakali vaviikwa vababa weve.

Zaburi 106:44

Navuzwa Yahova yahulira lwa vanira kuye, kandi yalora lidambizwa liavo.

Zaburi 25:18

Henza ku lidambizwa kandi lisalirizwa liange, na usamihi vwoni vwange vwosi.

Kutwula 3:7

Maku Yahova yavoola, “Ligali mali kolola uvusaaliri vwa vandu vange vaveeye navwo mu kivala cha Egebeti, kandi mali kuhulira lilira liavo liukwenya kosolwa kutura ku vadambizi vaavo.

Kutwula 4:31

Vasuuvira, kandi lwa vahulira ndi Yahova umali kuuza kuvo kandi ololi kuli vadambizwa kivi kenene, vinama hasi nivasigamira Yahova.

Ezekieli 48:6

Kidieli kikagata ni kidieli cha Efuraimu kutura Ivugwi kuduuka Imadioli kilava cha Rubeni.

Livalidza 1:5

Yaga na mita ga vimiliri vatovolwa kutura mu zihiiri kokora miyinzi yiji. Kutura mu ihiiri ya Rubeni yaali Elizuri muyaayi wa Shedeuri.

Luka 1:25

“Kalunu Mwami amali kumanyia zimbavasi zizie ku inzi. Anduliziyi zisoni ziambezaa nazio imbiri wa vandu.”

Kwidzulitsa 26:7

Maku mwanira munyore ovokonyi kutura ku Yahova, Nyasaye wa avaguuga vinyu. Yahulira kandi nalora uvusaliri vwitu, uvudinyu kandi vovereri vwitu.

Kwidzulitsa 27:13

Zihiiri yizi zilasingila ku Kiguru cha Ebali kulaama avandu: Rubeni, Gadi, Asheri, Zabuloni, Dani na Nafutali.

1 Samweli 1:11

Hana yalagana na Nyasaye navoora, “O, YAHOVA WANYALA VIOSI, henza ku inzi mutumikiri woovo! Lola vudinyu vwange na unzizulizi! Utanzivilira mba! Numba mwana muyaayi, inzi suuvirizaa ndi ndamuhaana ku ivi, Yahova, mu livamwoyo lilie liosi na sialivega liisu lilie.”

1 Samweli 1:20

Na gaali ndio, yavereka kandi yivula mwana muyaayi. Yamugulika Samweli, kandi niyiivaala, “Ndateeva Yahova yambe mwana uyu.”