Litanga 21:17 - KITABU KITAKATIFU

¹⁷ Lwa Nyasaye yahulira muyaayi nalira, engelosi wa Nyasaye yalanga Hagari kutura mu ligulu kandi navoora, “Hagari kigira ki ohenda mwoyo? Utatia mba. Inzi mali kuhulira muyaayi woovo nalira.

Litanga 21:17 ပူးပေါင်းရင်းမြစ်များ

Litanga 15:1

Inyima wi vindu yivi viosi, Yahova yaloleka ku Aburamu mu malola namuvolera, “Aburamu, utatia mba. Inzi ndakukinga kutura ku vuhimwa vwosi kandi ndakuha madanyi manene ligali.”

Litanga 16:11

Ivi ulivula mwana muyaayi, na ulamugulika lieta lilie Ishimaeli, kigira Yahova amali kuhulira lianira liilio liu kudambizwa.

Litanga 16:7

Engelosi wa Yahova yanyoora Hagari ha kisinukiru cha mazi mwigendanyama kunzira izizaa Shuri

Litanga 16:8

ma namuteeva, “Hagari mutugwa wa Sarai, ivi utura haliha kandi uzizaa haliha?” Hagari yativura inzi nziruka kutura ku munene wange Sarai.

Litanga 16:9

Engelosi yamuvolera, “Wirane ku munene woovo ma wegehizi kuye.”

Litanga 22:11

Navuzwa engelosi wa Yahova yamoloma nu mwoyo munene kutura mu ligulu, “Aburahamu, Aburahamu!” Yativura, “Yee, inzi mbeeye hano.”

Litanga 24:7

Yahova, Nyasaye wu Mwigulu yaanduliza hango ha baba wange kandi mukivala cha viko vange, ma niyisuha kovora ndi, alamba kivala yiki kali kuduuka ku visukululwi viange. Alatuma engelosi yeeye imbiri woovo, kunangwa uduuki konyoore lamuyaayi wange mukali.

Litanga 26:24

Ku vudiku yivwo Yahova yaloleka kuye kandi navoora, “Inzi mbeeye Nyasaye wa baba woovo Aburahamu. Utatia mba. Mbeeye harara nivi. Ndakugasiza kandi ndakuha visukululwi vinyingi kigira lilagana liange kumutumikiri wange Aburahamu.”

Litanga 46:3

Yavoola, “Inzi mbeeye Nyasaye, Nyasaye wa baba woovo. Utatia kuzia Egebeti mba. Inzi ndakalombe kisukururwi chicho kuva ihiiri enene wene yeyo.

2 Avami 13:23

Navuzwa Yahova yaali mulahi kuvo kandi navavererera. Siyavaleka vadivizwi mba, navuzwa yavakonya kigira lisuuviriza lilie ku Aburahamu, Isaka na Yakobo. Akiri kwivilira avandu veve kali hakuzu.

2 Avami 13:4

Maku Jehoahazi yasaala ku Yahova, na kigira Yahova yalora kuli mwami wa Siria yadambizaa Avaisiraeli nu vululu, yamutivulira lisaala lilie.

Zaburi 10:14

Navuzwa ivi, O, Nyasaye, ololaa yavo avaveeye mu kivi nuvudinyu; na ivi ovezaa mwetegeku kuvakonya kazozo. Mundu mudedekere yiihanaa umwene ku Ivi, O, Nyasaye Wuvunyali, ivi okonyaa avavisandu kazozo.

Zaburi 50:15

Mwaniri ku inzi mu ing'inga yu vudinyu, na inzi ndamuhonyia, na munyi mulanzizominya.”

Zaburi 6:8

Tuli ku inze, munyi avandu vadamanu! Yahova ahuliraa lisioma liange kigira ovokonyi.

Zaburi 65:2

kigira ivi ukutivuliranga amasaala giitu. Avandu kutura havundu hoosi valaza ku ivi

Zaburi 91:15

Lwa vanira ku inzi, ndavativulira; ndava harara navo lwa vaveeye mu vudinyu. Ndavasoola nukuvaha luyali.

Kutwula 14:13

Musa yavativulira navoora, “Mutatia mba! Musingiri vudinyu, na mulalora icha Yahova akolaa kumuhonyia: lidiku linu simulalola vandu va Egebeti yava kandi mba.

Kutwula 22:23

Niiva mulakola ndio, inzi, Yahova, ndavativulira lwa vanira ku inzi mbakonye,

Kutwula 22:27

kigira liveeye lieng'ine vuzwa liayifuumaa ku anyoore uluuya. Kindiki kindi icha anyala kwifuma? Lwa yaniraa ku Inzi mukoonye, ndamutivulira kigira mbeeye wi zimbavasi.

Kutwula 3:2

Uwene yeyo, engelosi wa Yahova yaloleka ku Musa kuli lomemo lwu muliru nilutulaa hagati hi kisaka. Musa yahenza naalora kisaka yikio chaduuka umuliru, navuzwa sichahiizaa mba.

Kutwula 3:7

Maku Yahova yavoola, “Ligali mali kolola uvusaaliri vwa vandu vange vaveeye navwo mu kivala cha Egebeti, kandi mali kuhulira lilira liavo liukwenya kosolwa kutura ku vadambizi vaavo.

Isaya 22:1

Yili ni Likuva lia Yahova kigira Livona lia Malola. Ni kindiki chekoleka? Kigira ki avandu vosi vi lidaala linene lia Jerusalemi valomba lilia nu kusangalira igulu kwi visegese vie zinyumba ziavo?

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Matayo 15:32

Yeso yalanga aviigi veve vaze kuye navoora, “Mbererera avandu yava kigira vakava ninzi ku madiku gavaga na kalunu sivaveeye ni chavalia mba. Sinyenyaa vazie nivataalia mba, gase ihuyuki ilavatuula kunzira.”

Marko 5:36

Yeso siyavugula ikindu mu gavavoola mba, navuzwa yavolera munene wi lisinagogi, “Utatia mba, suuvira vuzwa.”

Kwidzulitsa 26:7

Maku mwanira munyore ovokonyi kutura ku Yahova, Nyasaye wa avaguuga vinyu. Yahulira kandi nalora uvusaliri vwitu, uvudinyu kandi vovereri vwitu.

Vakalagi 18:23

Avandu kutura Dani vagirung'ana nokoteeva Mika, “Ni mang'ana ki? Kigira ki okolondeleraa ni numuganda munene kuli yigu?”

1 Samweli 11:5

Saolo yaali niyazaa kutura mu mulimi ni zing'ombe ziukulima. Yateeva, “Ni ki chekoleki? Kigira ki mundu woosi aliraa?” Vamuvolera makuva ga vatumwa kutura Yabeshi vaali nivavooye.