Litanga 19:24 - KITABU KITAKATIFU

²⁴ Nonoho Yahova yatuma muliru kuli imbura kutura mu ligulu nigusamba madaala ga Sodoma na Gomora.

Litanga 19:24 ပူးပေါင်းရင်းမြစ်များ

Litanga 13:10

Loti yahenza muzimbega ziosi kandi nalora livona liosi lia Jorodani kutura Zohari liali na mazi manyingi kuli mulimi gwa Yahova anoho kuli kivala cha Egebeti. Yaga gaali imbiri wa Yahova yaali nakikiri kudiviza madaala manene ga Sodoma na Gomora.

Litanga 13:12

Aburamu yamenya mukivala cha Kanaani, kandi Loti yamenya hagati ha madaala mu livona ma niyumbaka lihema ahimbi Sodoma,

Litanga 18:17

Maku Yahova yavoola, “Inzi sindavula kovoolera Aburahamu agambeeye ahimbi kokora mba.

Litanga 19:23

Lwi liuva liali nilitura, Loti yaduuka Zohari.

Ayubu 1:16

Lwa yaali nakikiri kumala limoloma, mutumikiri wundi yaza navoora, “Nyasaye yatuma inguba kutura mwigulu ukwita magondi na avayi. Inzi nzieng'ine niyie ohoni nzize kukoletera makuva!”

Ayubu 18:15

Kalunu mundu woosi anyala komenya munyumba yeeye, inyima wi zinyasi ziuhiywi mu kugekola eve inahi.

Zaburi 11:6

Yahova atumaa amanda gu muliru, ni kibiriti kisambaa ku vachamu vosi. Ahaanaa amageri kuvo ni kihuzuzi kisambaa.

Kutwula 9:23

Kunangwa Musa yaginga imbimbu yeeye mwigulu, kandi Yahova yatuma inguba kandi imbura yamagina kandi oloheni lwakuya lirova. Yahova yatuma

Isaya 1:9

Yahova Wuvunyali alavula koleka valala ku avandu zana vave mwoyo ngano Jerusalemi liadivizwa ligali kuli madaala ga Sodoma na Gomora gadivizwa.

Isaya 13:19

Lidaala linene lia Babiloni liveeye lilahi ligali kandi liu vukumi vwu uvwami uvulahi kuvita amadara gandi goosi, liveeye lidaala liu kuyaanziza avandu valio. Navuzwa inzi, Yahova ndalidiviza kuli ndakora ku amadara manene ga Sodoma na Gomora.

Isaya 30:33

Mu madiku ga kale, havundu haloombwa hukusambira mwami wa Asiria nu muliru munene. Haveeye havundu havambalaru kandi hazia musi, vaviika mu zingu zinyingi ligali. Mwika gwa yahova gulava kuli lomemo gwu kuhambiza muliru.

Jeremia 20:16

Mundu oyo ave kuli amadara manene aga Yahova yadiviza vugira kugavererera. Mundu oyo ahuliri lilira liu vuzunu mu ing'inga ya mugamba, kandi ahuliri liyoga liu vulwani mu ing'inga yu mbasu hagati,

Jeremia 23:14

Navuzwa inzi mali kolola vaporofeti mu Jerusalemi ni vakora uvudamanu ligali: vakolaa ovoheyi nokovoora ovovehi; vakonya avandu kokora uvudamanu, kunangwa siaveeyeho kali mundu mulala olekeraa kokora agaveeye amadamu mba. Ku inzi vaveeye vosi avuvudamanu kuli avandu va Sodoma na Gomora.

Jeremia 49:18

Kindu kilala chere kilakekoleke ku Edomu kuli chekoleka ku Sodoma na Gomora, lwa ndagadiviza harara namadaala agaali himbi. Mundu kali mulala si namenye mu lidaala yili kandi mba. Inzi, Yahova mali kovora.

Jeremia 50:40

Kindu kilala chere kilakekoleke ku Babiloni kuli chekoleka ku Sodoma na Gomora lwa ndaadiviza harara namadaala ga himbi. Siaveeyeho kali mundu mulala ulimenya mu kandi mba. Inzi, Yahova mali kovora.

Lisyoma lya Jeremia 4:6

Avandu vange vamali konyoora amageri manene kuvita mageri ga vandu va Sodoma vanyoola, lidaala liadivizwa ku ing'inga engekeeke ku vunyali vwa Nyasaye.

Hosea 11:8

“Avandu va Isiraeli, inzi nyara ndi kumuleka? Inzi nyara ndi kusuura munyi? Inzi nyara kumudiviza kuli ndaadiviza Adamali, anoho inzi nyara kumukolera kuli ndaakolera Zeboiimu? Inzi si nyara kokora ndio mba! Vuyanzi vwange ku munyi voveeye vunyingi ligali.

Amosi 4:11

“Ndaadiviza valala ku munye kuli ndaadiviza Sodoma na Gomora. Yavo ku munyi avaahona kuli kegenga chu muliru kituliziywi mu mahiga. Navuzwa simwirana ku inzi mba.

Zefania 2:9

Kuli Inzi mbeeye ligali Yahova omenya, Nyasaye wa vandu va Isiraeli ndaga ndi, kivala cha Moabu kandi Amoni vizizaa kudivizwa kuli kivala cha Sodoma na Gomora. Na vigwi havundu ha marina gi jumbi kandi mang'anye mihiga ni mihiga; indiva ilakizuli mucho. Valala ku vandu vange avalihononoka valakavingiliri nu kuvugura kivala chavo.”

Luka 10:12

Ligali muvooleraa, Nyasaye alamanyia livererera ku Sodoma ku Lidiku lie Likalaga yilio ukuvita ku lidaala yilio.

Kwidzulitsa 28:24

Mu vogono yivwo, alatuma imbura mukivala chienyu imbuza yuluguuki nu muyeke; vilamugwira kutura mwigulu kuduuka lwa mudivizwa ligali.

Kwidzulitsa 29:22

“Mu makura gaaza, visukululwi vienyu kandi avageni kutura muvivala vie ihale valalola maduywa nu vusaliri vwa Yahova amali koleta ku kivala chienyu.

Kwidzulitsa 29:23

Milimi jilava miere jokogotiza, ijafuumwa niligoke kandi jumbi. Kindu sikilatagwa anoho kwama mu mba kandi kali indiva silamera mumba. Kivala chienyu kilava kuli Sodoma na Gomora, cha Adima na Zeboiimu, icha Yahova yadiviza lwa yaali nu vutima vululu.

2 Petro 2:6

Nyasaye yakalagira amadara ga Sodoma na Gomora, kandi yaagadiviza nu muliru naagakora kelolero kiliekoleka ku yavo avatamanyi Nyasaye.

Yudasi 1:7

Mwizurizi Sodoma na Gomora, kandi amadara agaali ahimbi, aga avandu vago vakora kuli zingelosi yava aviiviika mu kifavwi cho vuheyi vwi zing'ano ziosi kandi iligirunganyia uvutumiki vwu mwima gwi liiva lie imiviri jaavo. Vaveeye ekelolero chu kwiganihizira avandu vosi, na vavikiywi havulavu vanyoore amageri gu uvusaliri vwu umuliru imihiga ni imihiga.

Likunula 14:10

Ye umwene kandi alanwa iwaini yu vutima vwa Nyasaye imali kuzukwa mu kekombe vugira kuzuganywa nu uvutima vwa Nyasaye! Kandi alasalirizwa nu muliru gwi kibiriti imbiri wi zingelosi avatakatifu kandi imbiri wu Mwana wi Ligondi.