Litanga 15:1 - KITABU KITAKATIFU

¹ Inyima wi vindu yivi viosi, Yahova yaloleka ku Aburamu mu malola namuvolera, “Aburamu, utatia mba. Inzi ndakukinga kutura ku vuhimwa vwosi kandi ndakuha madanyi manene ligali.”

Litanga 15:1 ပူးပေါင်းရင်းမြစ်များ

Litanga 15:2

Navuzwa Aburamu yativura, “O, Mwami Munene Yahova, madanyi yaga nagangonye naki? Kigira inzi si mbeeye nu mwana mba. Umundu wa inzi mbeeye naye weng'ine ni Elieza wa Damasiko. Uyu niyie ulivugula miandu jange.

Litanga 15:4

Maku Yahova yavolera Aburamu, “Mutugwa Elieza uyu si alavugula miandu jijo mba, navuzwa mwana woovo mwene niyie ulivugula miandu jijo.”

Litanga 21:17

Lwa Nyasaye yahulira muyaayi nalira, engelosi wa Nyasaye yalanga Hagari kutura mu ligulu kandi navoora, “Hagari kigira ki ohenda mwoyo? Utatia mba. Inzi mali kuhulira muyaayi woovo nalira.

Litanga 22:1

Inyima wa yaga Nyasaye yageliza Aburahamu; yamulanga, “Aburahamu!” Kandi Aburahamu yativura, “Yee, inzi mbeeye hano!”

Litanga 22:20

Lwinyima Aburahamu yavolerwa ndi Milika yanyoora avana 8 ku amwavo woovo Nahoro:

Litanga 26:24

Ku vudiku yivwo Yahova yaloleka kuye kandi navoora, “Inzi mbeeye Nyasaye wa baba woovo Aburahamu. Utatia mba. Mbeeye harara nivi. Ndakugasiza kandi ndakuha visukululwi vinyingi kigira lilagana liange kumutumikiri wange Aburahamu.”

Litanga 31:7

Navuzwa baba winyu uali kungada kandi uali kugirung'anyia mitungu jange haali likomi. Navuzwa Nyasaye siyaamuvugilira kusalirizwa mba.

2 Samweli 22:3

Nyasaye wange aveeye chukwivisa mu change, aveeye inguva yange kandi zinguru zio vohonyi vwange. Aveeye imbinga yange, chu kwivisa mu change kandi muhonyi wange; ivi ombonyia kutura ku vasigu vange.

2 Avami 1:15

Maku Engelosi wa Yahova yavolera Elija, “Yika haasi uzie naye, na utatia mba.” Kunangwa Elija yazia nu munene oyo ku mwami

1 Kyetsinyinga 28:20

Mwami Daudi yavolera muyaayi weve Solomoni, “Uve mugulu kandi muluviliri. Tanga likora miyinzi na utaleka kindu kali kilala kukusingiriza mba. Yahova Nyasaye wange, alava harara nivi. Yahova si alakoleka mba. Alava nivi kuduuka lwi miyinzi yigi josi jiu vwumbaki vwi Litembeli lilie gitweeka.

Zaburi 115:10

O, munyi vasaalisi va Nyasaye, musuuviri mu Yahova. Amukonyaa kandi amukingaa.

Zaburi 119:114

Ivi oveeye mukingi wange kandi musooli wange. Mbikaa lisuuviriza liange mu lilagana liilio.

Zaburi 142:5

O, Yahova, inzi nzanira ku ivi ongonye, ivi oveeye mukingi wange, ivi niyie weng'ine wanyenyaa mu limenya liange.

Zaburi 18:2

Yahova aveeye mukingi wange, aveeye imbinga yange yizingulu. Nyasaye wange aveeye chu kwivisamu change; aveeye inguva yange, kandi aveeye zinguru zio vohonyi vwange nu munara gwange.

Zaburi 27:1

Yahova aveeye uvulavu vwange kandi ovohonyi vwange. Na sinyala kutia mundu woosi mba. Yahova aveeye imbinga yange, sinyala kutia mba.

Zaburi 3:3

Navuzwa ivi O, Yahova Nyasaye, oveeye mukingi wange kutura mu vuhimwa. Nyora luyali kandi uvuguuti kutura ku ive.

Zaburi 3:4

Nzanira ku Yahova kigira ovokonyi kandi yandivuliraa kutura ku kiguru chiche kitakatifu.

Zaburi 5:12

Ivi ugasizaa avalungi imbiri woovo, O, Yahova, vuyanzi vuvwo ulavakinga kuli inguva.

Zaburi 58:11

Avandu valavoora, “Ligali avalungi valaheevwa madanyi; ligali aveeye ho Nyasaye ukalagiraa lirova.”

Zaburi 84:11

Yahova Nyasaye aveeye mukingi wiitu kandi mwami wu vukumi, akugaasizaa nuvulahi kandi nu luyali. Ahaanaa choosi ekeveeye kilahi ku yavo avakolaa uvulungi.

Zaburi 84:9

O, Nyasaye, gasiza mukingi wiitu; mwami wa umali kotovola.

Zaburi 91:4

Alakukunika ni zimbaha zizie; ulanyora mirembe mu vulindi vwivwe, uvusuuvirifu vwivwe vulakukinga kandi vulakosoola.

Kutwula 14:13

Musa yavativulira navoora, “Mutatia mba! Musingiri vudinyu, na mulalora icha Yahova akolaa kumuhonyia: lidiku linu simulalola vandu va Egebeti yava kandi mba.

Tsing'ano 11:18

Avandu vachamu sivanyoola kindu mba navuzwa nokora agaveeye amalungi, ulanyora madanyi.

Tsing'ano 30:5

“Nyasaye adukizaa goosi ga alaangaa. Aveeye kuli ikuuti ku vosi avenyaa likingwa lilie.

Isaya 35:4

Muvoolere vuli mundu woosi utaveeye ni lilema mwoyo ndi, “Muve nizinguru kandi mutava avati mba! Nyasaye alaza kumusoola, kandi alahaana amageri ku vasigu vinyu.”

Isaya 40:10

Yahova Wuvunyali yaazaa kwamiiha ni zinguru, kandi alaza kuhaana amadanyi ku yavo avayahonyia.

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Isaya 41:14

Yahova avoora, “Munyi muveeye avakeekeke kandi avadedekere avandu va, Isiraeli mutatia mba, inzi ndamukonya Inzi, Nyasaye Mutakatifu wa Isiraeli. Inzi mbeeye muhonyi winyu.

Isaya 43:1

Yahova uwalomba munyi avoora, “Mutatia mba; kigira inzi ndamuhonyia. Inzi mali kumulanga ni lieta, na munyi muveeye avandu vange Isiraeli.

Isaya 43:5

Mutatia mba kigira inzi mbeeye harara nimunyi! “Ndaleta kisukururwi chienyu kutura Ivugwi kandi ndamuvungiza harara kutura Imadioli.

Isaya 44:2

Inze ni Yahova wamulomba; ndaamukonya kutura ing'inga ya mwivulwa. Utatia mba; Ivi oveeye mutumikiri wange, avandu vange vatovole ava inzi nyanza.

Isaya 44:8

Avandu vange, mutatia mba! Munyi mwamanya yaga kutura zing'inga zia kale kuduuka lero inzi ndaamara kuvuula goosi agazizaa kwekoleka, na munyi muveeye avaloli vange. Haveeye ho na nyasaye wundi lugano ku inzi? Haveeye ho na nyasaye wundi wizingulu wa inzi ngikiri kumuhulira kali hakuzu?”

Isaya 51:12

Yahova avoora ndi, “Inzi niyie ukuhezaa zinguru; kigira ki utizaa mundu akuza, kuli vunyasi?

Jeremia 39:17

Navuzwa Inzi Yahova, ndakohonyia, kandi siulavikwa mu zinguru zia vandu va utizaa mba.

Lisyoma lya Jeremia 3:24

Inzi mwene mboraa, Yahova aveeye kidieli change kunangwa ndaasuuvira muye.

Ezekieli 1:1

Ku lidiku lia katano ku mweli gwa kane mu muhiga gwa salasini, Inzi Zacheli musaalisi, mwana wa Buzi, ndaamenya harara na Vayuda vahaminywa ahimbi nu mugera gwa Kebari mu kivala cha Babiloni. Ligulu liakunuluka, na ndaalora malola ga Nyasaye.

Ezekieli 11:24

Mu amalola, roho wa Nyasaye yang'inga igulu kandi niyanziranyia inyima ku vandu vaali nuvuhambe mu Babiloni. Maku malola gatulizwaho,

Ezekieli 3:4

Maku Nyasaye yavoola, “Mwana wu Mwundu, zia ku vandu va Isiraeli kandi uvavoolere aga ngovolera.

Livalidza 12:6

Maku Yahova yavoola, “Muhuliri kalunu makuva gange! Lwu muporofeti aveeye hagati hinyu, inzi Yahova ndolekaa kuye mu malola, kandi moloma kuye mu maloto.

Livalidza 18:20

Yahova yavolera Haruni, “Siulanyora ku miandu ja wenyekaa uvuguli give jijo mba, kandi sikeveeye ho ne kedonye chu mulimi mu kivala cha Isiraeli cha onyoora mba. Inzi mbeeye Yahova, mbeeye viosi viawenyaa.”

Livalidza 24:4

uyu unyala kuhulira ga Nyasaye avoora, ni zimoni ziumika ndolaa mumalola, amalola kutura ku Nyasaye Wuvunyali.

Matayo 28:5

Engelosi yavolera avakali yavo, “Mutatia mba! Manyi ndi mwenya Yeso wavambwa.

Matayo 8:26

Yeso yavateva, “Kigira ki munyi muveeye ni lisuuvira likekeeke?” Kunangwa, yasingira naagondokera imbuza ni nyanza, ma gwaali umulengera umunene.

Luka 1:13

Navuzwa engelosi yamuvolera, “Utatia mba, Zakaria, kigira Nyasaye ahuliyi lisaala liilio. Mukali woovo Sabeti alakwivulira mwana muyaayi, na ulamugulika Yohana.

Luka 1:30

Engelosi yamuvolera, “Utatia mba, Maria, kigira Nyasaye akovereye zimbavasi.

Luka 12:32

“Mutatia, munyi ichayo change kekekeeke! Baba winyu uyanziziywi kumuha Uvwami yivwo.

Vikolwa 10:22

Navo vaamutivulira, “Munene wiitu Korinelio, mundu mulungi, uwatia Nyasaye, kandi oveeye ni lizominywa imbiri wa Vayuda vosi ukutumi. Yavolerwa nengelosi mutakatifu akulange uzie munyumba yeeye, aduuki kuhulira amakuva goosi aga oveeye nago.”

1 Vakorintho 3:22

Naava naveeye Paolo, anoho Apolo, anoho Petero, lirova, yili anoho livamwoyo kandi likuza, vindu viveeyeho kalunu anoho vilivaho, yivi viosi viveeye vienyu,

Kwidzulitsa 18:2

Vatava nimiandu ji milimi kuli zihiiri zindi mba. Kidieli chavo keveeye uvugasu vwu kuva avasaalisi va Yahova, kuli Yahova yavasuuviriza.

Kwidzulitsa 31:6

Muve avagulu kandi avaluviriri. Mutatia kandi mutadegerizwa navo mba, kigira Yahova Nyasaye winyu alazia harara nimunyi. Sialamuleka anoho kumusuura mba.”

Vahebraina 1:1

Mu zing'inga zia kale, Nyasaye yavolerana na vaguuga viitu haali kanyingi muliiva lugano lugano kuvitira mu vaporofeti.

Likunula 1:17

Lwa ndaamulola, ndaagwa havirenge vivie kuli mukuzu. Yavika mukono gwigwe mulungi ku inzi, navoora, “Utatia mba! Mbeeye wukutanga kandi wu kumaliriza.

Ruth 2:12

Yahova akohe amadanyi gaduukanaa ni miyinzi ja wakola. Nyasaye wa Isiraeli wa waza kwikinga mu zimbaha zizie.”

1 Samweli 15:10

Yahova yavolera Samweli,

1 Samweli 9:9

Ku maziambiri mu kivala cha Isiraeli niiva umundu yaazizaa koteeva Nyasaye kindu, yaavolanga, “Hamba kuzie ku muloli.” Kigira muporofeti wa Kalunu yalangangwa muloli.