Lisyoma lya Jeremia 5:19 - KITABU KITAKATIFU

¹⁹ Navuzwa ivi, O, Yahova, wamihaa mihiga ni mihiga; endeve yooyo yu vwami vwuvwo ihindiraa ku amakura na makura.

Lisyoma lya Jeremia 5:19 ပူးပေါင်းရင်းမြစ်များ

Zaburi 10:16

Yahova aveeye Mwami mihiga ni mihiga, yavo avasigamiraa avanyasaye vandi, valatulizwa mu kivala chiche.

Zaburi 102:12

Navuzwa ivi O, Yahova, oveeye mwami mihiga ni mihiga. Amakura goosi galizuliza liela liilio mihiga ni mihiga.

Zaburi 145:13

Liamiiha liilio lihindira mihiga ni mihiga, kandi ivi oveeye mwami mihiga ni mihiga. Yahova aveeye musuuvirifu ku lisuuviriza lilie, kandi aveeye wi livererera mu vikolwa vivie viosi.

Zaburi 146:10

Yahova aveeye mwami mihiga ni mihiga. O, avandu va Ziyoni, Nyasaye winyu alamiiha ku zing'inga ziosi. Mwizominye Yahova.

Zaburi 29:10

Yahova yamiha ku mazi gululiva, yamiha kuli mwami mihiga ni mihiga.

Zaburi 45:6

Uvwami vwa Nyasaye amali kuha ivi, vulahindira mihiga ni mihiga. Ivi wamihaa avandu vovo nilikalaga lirungi.

Zaburi 9:7

Navuzwa Yahova aveeye mwami mihiga ni mihiga, umali kusingiliza endeve yeeye yu vwami aduuki kuhaana likalaga liveeye lirungi ku vandu.

Zaburi 90:2

Imbiri wu waali nukikiri kolomba vigulu, anoho nukiri kolomba lirova na viosi viveeye mu, waali Nyasaye uhindiraa mihiga ni mihiga, kandi ulava Nyasaye mihiga ni mihiga.

Zaburi 93:2

O, Yahova, endeve yooyo yu vwami yaasingirizwa vudinyu kutura mu litanga; kandi ivi waali ho kutura kale kuduuka mihiga ni mihiga.

Danyeli 2:44

Nyasaye wu mwigulu alakasingilizi vwamihi vulivula kohera ing'inga ya vami yavo. Vwami yivu si vuliguutwa mba, navuzwa vulakadivizi vwamihi vundi vwosi, maku vulakave ho mihiga ni mihiga.

Danyeli 7:14

Yahevwa zinguru, luyali kandi vukumi vwo luyali, kunangwa vandu vi vivala viosi, zihiiri ziosi, kandi zinimi ziosi vamutumikiri. Zinguru zizie zilava ho mihiga ni mihiga, kandi vwamihi vwivwe si vulahera mba.

Danyeli 7:27

Zinguru no vonene vwu vwamihi ku lirova vulakahevwe ku vandu va Nyasaye Wuvunyali. Zinguru ziavo ziu vukumi si zilakahere mba kandi vamiihi vosi vi kivala valakavatumikiri nu kuvatia.”

Habakuk 1:12

Yahova, ivi oveeye Nyasaye kutura mu litanga. Oveeye Nyasaye wange mutakatifu kandi wi mihiga ni mihiga. Oveeye Yahova Nyasaye wange kandi mukingi wange; ivi umali kotovola vandu va Babiloni kandi uvaheeye zinguru vaduuki kuhaana mageri ku kunye.

Yohana 1:38

Yeso yikivuka nalora aviigi zana nivamulondaa. Yavateva, “Mwenya ki?” Navo vaamutivulira, “Rabi, ivi omenyi hayi?”

Kwidzulitsa 33:27

Nyasaye aveeza likingwa lienyu kazozo. Amakono geege gimihiga ni mihiga gaveeye vokonyi vwenyu. Yakunga avasigu vinyu lwa mwavingilira, kandi namuvolera muvadivizi vosi.

Vahebraina 13:8

Yeso Kristo aveeye mulala mwere, mugolova, kalunu kandi kuduuka mihiga ni mihiga.

Likunula 1:4

Inzi Yohana, ng'odera amakanisa saba agaveeye mu losoma lwa Asia: Zimbavasi kandi mirembe vive ku munyi, kutura ku Nyasaye oveeye ho, kandi uwaali ho, kandi uzaa; kandi kutura ku Roho saba avaveeye imbiri wendeve yeeye yuvukumi;

Likunula 1:8

Yahova Nyasaye Wuvunyali avoora “Inzi mbeeye Alufa kandi Omega, wukutanga kandi wukumaliriza oveeyo, waaliho kandi uzaa.”