Lisyoma lya Jeremia 5:17 - KITABU KITAKATIFU

¹⁷ Kigira yaga mioyo jiitu jiveeye midedekere; kigira ivindu yivi zimoni zietu zizengeye.

Lisyoma lya Jeremia 5:17 ပူးပေါင်းရင်းမြစ်များ

Ayubu 17:7

Zimoni ziange zimali kozengera kigira vovereri vwange; vivero viange viang'era kuli kisala.

Zaburi 31:9

O, Yahova, omberere, kigira mbeeye mu vudinyu zimoni ziange ziiluhi kuturana ni lilira linyingi; kandi nduhi ligali mu muviri kandi mumwoyo gwange.

Zaburi 38:8

Zinguru ziange zifeye kandi mali kuduvulanywa ligali. Mwoyo gwange goveeye mu vudinyu nzoyaa nuvuzunu vululu ligali.

Zaburi 6:7

Zimoni ziange ziiluhi kigira ovovereri; zizengeye kigira lidambizwa na vasigu vange.

Zaburi 69:3

Inzi nduhi kuturana ni lianira kigira ovokonyi. Mwigoti mwange mulumaa, zimoni ziange zizengeye kigira lilindilira vokonyi kutura ku Nyasaye.

Isaya 1:5

Kigira ki muzizagiliraa kwibaala? Mwenya muhevwe mageri kali kuvita. Avandu va Isiraeli mitwi jinyu josi jizuyi zing'oma, kandi mioyo jinyu niziganagani zienyu zilwaaye.

Isaya 38:14

Mwoyo gwange gwaali mudedekere, kandi ndasioma kuli likuulu. Zimoni ziange zialuha kigira kohenza mwigulu, O, Yahova, osoore kutura mu vudinyu yivu vwosi.

Jeremia 46:5

Yahova ateeva, “Navuzwa nikindiki chandolaa? Vagirung'ana nukwirana inyima mu uvutihizi. Avasikari vaavo vakubagwa; vizuyi uvuti, vanyagura vwangu kuli vanyara na sivikivukaa inyima mba.

Jeremia 8:18

Ovovereri vwange si vunyala kohonywa mba; mwoyo gwange gulwaye.

Lisyoma lya Jeremia 1:13

“Yatuma muliru kutura mwigulu, umuliru gwaaza nigusamba vigumba vietu. Yaatega mutego kigira kunyi kandi yaakwilanya inyima. Maku akoleki muligenya kandi muvodedekere.

Lisyoma lya Jeremia 1:22

“Uvakalagiri kigira likora liavo lidamanu; uhaane amageri kuvo kuli wahaana amageri ku kunyi kigira uvwoni vwitu. Kunyi kokenya haali kanyingi kandi mioyo jietu jiveeye midedekere.”

Lisyoma lya Jeremia 2:11

Zimoni zietu ziiluhi kigira lisioma, mioyo jiitu jizuuyi ovovereri; koveeye novovereri vunyingi kigira lidivizwa lia vandu viitu. Avana kandi zindanya vakuziraa kuzinzira zie lidaala linene.

Ezekieli 21:15

Yaga gakoraa avandu vange kogeeha vuluviliri kandi kwikigatira. Inzi ndihizaa avandu vi lidaala liavo ni kivavi kehemahemaa kuli loheni kandi chetegeki kwita.

Ezekieli 21:7

Lwa vakoteeva kigira ki okenyaa, uvavoolere ndi nikigira amakuva mageni gaazaa. Lwa nagaaze, navave nuvuti ligali, makono gaavo nagave madedekere, valavula kuva nu vuluviliri kandi amalu gaavo galadegera. Ing'inga imali kuduuka; eveeye hano.” Yahova Wuvunyali umali kovora.

Kyavalevi 26:36

“Ndakora yavo ku munyi avaveeye mu kivala chovogeni, vizuri vuti vonene ligali kali liyoga lie liitu lihuuzwa ni imbuza lilamukola mwiruki zimbiru. Mulanyagula kuli vakungwa mu vulwani; kandi mulagwa lwu musigu ataveeye himbi ni munyi.

Mika 6:13

Kunangwa mali kokora munyi hazwa kandi kuvadiviza kigira uvwoni vwinyu.

Kwidzulitsa 28:65

Hagati hi zihiiri yizio, simulanyora mirembe havundu hoosi anoho vweremelizi kali hakuzu mba. Simulava na hokosoosizira zinduvatiru zienyu mba. Yahova alamukola munyangana mu zing'anagani, kandi zimoni zienyu zilaluha kulindilira, kandi mulakuza mioyo.