Lisyoma lya Jeremia 4:9 - KITABU KITAKATIFU

⁹ Yavo aviitirwa mu vulwani vaali vulahi ligali kuvita yavo avakuza kigira inzara; vaang'aha kandi nivakuza kigira si vaali ni viukulia kutura mu mulimi mba.

Lisyoma lya Jeremia 4:9 ပူးပေါင်းရင်းမြစ်များ

2 Avami 25:3

Ku lidiku lia tisa, mu mweli gwa kane, inzara yaali inyingi mu lidaala linene lia Jerusalemi, na sihali ho ni chukulia ku avandu mu kivala.

Kutwula 16:3

ni vavavolera, “Vwali vove vulahi Yahova alakwitira mu Egebeti. Uwene yeyo kwaali kwakikaaye hasi nukulia zinyama ni viukulia vindi vinyingi. Navuzwa munyi mukoleti mu changalangwi yiki kwosi kukuziri mu ninzara?”

Isaya 22:2

Avandu vi lidaala linene liosi vaveeye ni lihanzuka kandi liyoga liu vusangali vonene. Avasaza vinyu vakuzira mu vulwani yivu sivakuza nivalwana mba.

Jeremia 16:4

Vaza varware zinguzu ziukutihiza manavakuzi kandi siaveeyeho kali mulala waza asiome anoho kuvayavira mba. Miviri jaavo jaza jivungi kuli kitumi chemboreya kumarova. Valakitirwi muvulwani anoho navakuzi kigira inzara, kandi miviri jiavo jilakagwi chukulia chamanyonyi nizinyama ziumbulimu.

Ezekieli 24:23

Si mulakagende vugira virato anoho vugira zigudwa ku mitwi jienyu mba, anoho mutasioma anoho muliri mba. Navuzwa mulang'aha kigira uvwoni vwinyu, kandi mulakakenye aveene na vene.

Ezekieli 33:10

Yahova ya moloma na inzi. Yavoola, “Mwana wu Mundu, ovoolere nu kwilanira makuva ga avandu va Isiraeli vavoola: ‘Vwoni vwitu kandi uvudamanu vwitu vwa kumali kokora voveeye vuliduhu ku kunyi; Kunyi kung'aha. Kunyala ndi komenya?’

Ezekieli 4:16

Nyasaye yameda kombolera, “Ivi Mwana wu Mundu, ndatulizaho viukulia viu mugadi mu Jerusalemi. Avandu valava ninzara yi chukulia, kandi valava nichukulia kekekeeke kandi mazi makekeekego kunwa.

Ezekieli 7:15

Lilwaana liveeye mu zinzira, kandi vulwaye ninzara viveeye mu zinyumba. Mundu woosi oveeye mu mulimi alitirwa yo ni kivavi, na ku oyo oveeye mu lidaala linene inzara nu vulwaye vilamudiviza.

Kyavalevi 26:39

Avakeekeke ku munyi vatigara mwoyo, mu kivala cha avasigu vinyu valadedekera kigira uvwoni vwinyu vene kandi kigira uvwoni vwa vaguuga vinyu.

Kwidzulitsa 28:51

Valalia mitugu jinyu kandi viamo vienyu na munyi mulava ninzara kuduuka lwa mukuza. Sivalamulekela vuswage ku iwaini, maguta ga mizeituni, anoho magondi mba, kuduuka lwa mukuza.