Lisyoma lya Jeremia 4:8 - KITABU KITAKATIFU

⁸ Kalunu vaveeye avamwamu kuvita umunyali, kandi si haveeyeho nu umundu unyala kuvamanyiriza muzinzira mba. Ligodo lie miviri jaavo liahanda ku vigumba viavo, kandi liayuma kuli lukuu.

Lisyoma lya Jeremia 4:8 ပူးပေါင်းရင်းမြစ်များ

Ayubu 19:20

Ligodo liange lihandi ku vigumba viu muvili gwange. Mali kohononoka mu kivi yiki inyima wokogotiza viosi.

Ayubu 2:12

Lwa vaali nivaveeye ahimbi kuduuka, valora Ayubu, navuzwa sivamumanyiriza mba. Navuzwa lwa vamumanyiriza, vatanga kukuba zikwiri ni valira, kandi vataandula zinguvu ziavo muvovereri, ni vaduuminya luguchi igulu ku mitwi jaavo.

Ayubu 30:30

Ligodo liu muviri gwange ligwiyi limwamu, kandi limali kulanduluka; muviri gwange gusambiywi nuluya.

Ayubu 33:21

Muviri gwigwe gumali kugwa hazwa kali sianyala kololeka mba, kandi vigumba vivie iviavulaa kololeka vihinduki.

Zaburi 102:11

Livamwoyo liange liveeye kuli chiriri cha hamugorova; nialaa vuzwa kuli vunyasi.

Zaburi 119:83

Mbeeye vuzwa vugira vokonyi kuli imuuya yekeseero yiwaini isiuviiywi, navuzwa ngikiri kwivilira amalago googo.

Zaburi 32:4

Yahova, ivi wahaana amageri ku inzi umbasu nu vudiku vwosi zinguru ziange ziafwa ligali, kuli mbasu mululu gukaminyaa amazi.

Zaburi 38:3

Muviri gwange gwosi guunzunaa kigira uvutima vuvwo. Kali vigumba viu muviri gwange viveeye mu vuzunu vonene; kigira uvwoni vwange.

Isaya 52:14

Avandu vanyingi valatimukwa engolo lwa vamulola kigira ligondo lilie liononywa; siyaali kandi ni ligondo liu mundu mba.

Lisyoma lya Jeremia 5:10

Inzara igiri konyooye vulwaye kuduuka ligodo lietu ligwiyi lihiu ligali kuli lihiga.

Joeli 2:6

Lwa ziesunda himbi, vuli mundu atizaa; mumoni mwosi mugirung'anaa mamubuhera.

Nahum 2:10

Lidaala lia Nineve limali kudivizwa, limali kolekwa kandi litigaye hazwa! Avandu vizuyi uvuti, amalu gaavo gadegeraa, kandi zinguru ziavo zifeye. Mumoni mwavo kusamuka.

Luka 10:11

‘Kali luguchi lwi lidaala lienyu luhandi kuvirenge vietu, kumweyera lutigale ku munyi aveene. Navuzwa mumanye yaga. Uvwami vwa Nyasaye vwisundi ahimbi ku munyi.’