Lisyoma lya Jeremia 4:4 - KITABU KITAKATIFU

⁴ Avana vadoto vaveezaa nuvuluhu ligali, kali kuduuka zinimi ziavo zihanda muminwa jaavo. Avana vasoleri vasavaa viukulia, navuzwa si haveeye ho nu mundu unyala kuvaha mba.

Lisyoma lya Jeremia 4:4 ပူးပေါင်းရင်းမြစ်များ

2 Avami 18:27

Navuzwa munene wi liihi Rabishake yavavolera, “Muganaganaa ni munyi nu mwami winyu veng'ine vu mwami wange yandumi kumuvolera vindu yivi viosi? Awa, molomaa kandi ku vandu viikaye ku lidigi, avamanya valie amavi gaavo nu kunwa aminyali gaavo, kuli munyi kandi na mukore.”

2 Avami 25:3

Ku lidiku lia tisa, mu mweli gwa kane, inzara yaali inyingi mu lidaala linene lia Jerusalemi, na sihali ho ni chukulia ku avandu mu kivala.

Zaburi 137:6

Niimba niimbura kwizuliza ivi; leka lulimi lwange luhande igulu wu munwa gwange mburi kwimba kandi, niimba niimbura kuganagana ku makuva googo kuli gaveeye uvusangari vwange vonene ligali kuvita.

Zaburi 22:15

Madundu gange gumi kuli kijonjo; lulimi lwange luhandi mu zisaya. Ivi, Nyasaye, ondeki mu luguchi kuli mukuzu.

Isaya 5:13

Kigira yaga mulahilwa ihale kuli avahambe. Aviimiliri vinyu valakuza kigira inzara, kandi avandu vandi avanyingi valakuza kigira uvuluhu.

Jeremia 14:3

Avandu vatugi vatuma avatumikiri vaavo kuzia kwenya amazi; vazinza kali mu madavalia, navuzwa si vanyoolanga amazi mba. Viranaa ni zindoho ziavo zinzere, nivakuzi mioyo jaavo kandi nivagoyani mu zisoni.

Lisyoma lya Jeremia 1:11

Avandu vosi vi lidaala linene vakenya lwa venya chukulia, chukulia, vakenyanga, vakiranyaa mavikiru gaavo kigira viukulia, kunangwa vaduuki kuva mwoyo. Avandu va Jerusalemi vavoola, “O, Yahova, henza ku kunyi, kigira kumali kolegerizwa.”

Luka 10:11

‘Kali luguchi lwi lidaala lienyu luhandi kuvirenge vietu, kumweyera lutigale ku munyi aveene. Navuzwa mumanye yaga. Uvwami vwa Nyasaye vwisundi ahimbi ku munyi.’

Kwidzulitsa 28:48

Kunangwa mulatumikira avasigu vinyu va Yahova azizaa kutuma kumulwaana. Mulava ni inzara, nu vuluhu kandi chahonyo, kandi vudaka vwi vindu viosi. Yahova alamudambiza nu vululu kuduuka lwa mudivizwa ligali.

Kwidzulitsa 32:24

Valakuza kigira inzara kandi luhuuza. Valakuza kigira zinguzu ziu kutihiza. Ndatuma zinyama zinduru ziu mumulitu kuvingilira kandi zinzoka ziu vusungu vululu kuvaluma.