Lisyoma lya Jeremia 4:20 - KITABU KITAKATIFU

²⁰ Avasigu viitu vagumira uwaali kuli kisinukiru chi livamwoyo lietu, umwami wa Yahova yaali natovoye, kandi wakwali kwamusuvira alakukinga kutura ku avasigu viitu.

Lisyoma lya Jeremia 4:20 ပူးပေါင်းရင်းမြစ်များ

Litanga 2:7

Kunangwa Yahova Nyasaye yalomba umundu kutura ku luguchi lwa marova. Yahuuza muye umwika gwaakola umundu oyo kuva ni liiva mwoyo.

Litanga 44:30

Yuda yaazizagilira kovora, “Kalunu niiva amwavo wiitu si alazia ni kunyi lwa kwirana ku baba wiitu, kandi niiva baba wiitu wu vulamu vwivwe voveeye harara livamwoyo liu muyaayi uyu,

2 Samweli 1:14

Daudi yamuteeva, “Ivi uluviliyi ndi ukwita umwami mutovole wa Yahova?”

2 Samweli 1:21

“Imbura anoho iliime vitakuba ku vigulu via Giliboa mba, Milimi javio jive vugira viamo kazozo kigira zinguva zia avaluviriri ziigoni yo hasi mu zisoni, inguva ya Saolo si ivakiywi na maguta kandi mba.

2 Samweli 18:3

Vaamutivulira, “Utazia mu vulwani nikunyi mba. Sikilava kindu ku musigu niiva kunyi kulagirung'ana nukwiruka mba, anoho kali niiva inusu ku kunyi nikukuza, sivalaganagana kunyi kuva kindu kuvo mba. Navuzwa ivi oveeye mulahi kukunyi kuvita avasaza elefu ndala; kunangwa nivulahi ligali kuvita niiva ivi utigala mu lidaala linene, na ukutumiri ovokonyi.”

2 Samweli 19:21

Maku Abishai muyaayi wa Zeruya yavoola, “Kuduuka Shimei yiitwi kigira yalaama uyu wa Yahova yavaka maguta kuva mwami.”

2 Kyetsinyinga 35:25

Muporofeti Jeremia yalomba ulwimbu lwu lwikuulu ku mwami Josia. Kali kuduuka kalunundi, gwagwa umwima ku avimbi vakali na vasaza mu Isiraeli ukwimba mu liekula liavo. Yakola Lwimbu yilu kuva lilaga mu Isiraeli, na lwang'odwa mu zinyimbu zieliekula.

Isaya 32:2

Vuli mulala kuvo alakave kuli chukwikinga kutura kumbuuza kandi havundu hu kwivisa kutura kumbula yikiihi. Valakave kuli migera ja mazi jiturukaa kutura mu changarangwi, kandi kuli chiriri chu lwanda lonene mu kivala kitaveeye ni liama.

Jeremia 39:5

Navuzwa Liihi lia Babiloni liavalondelera ma nivagumira Zedekia mu vireremo via Jeriko. Maku vaamuvugura nivamuhila ku mwami Nebukadineza, uwaali mu lidaala linene lia Ribula mu kivala cha Hamazi. Mwami Nebukadineza yaamukalagira.

Jeremia 52:8

Navuzwa iliihi lia avandu va Babiloni valonda mwami Zedekia, nivamugumilira mu kereremo ahimbi na Jeriko, na avasikari veve vosi viiruka nivamuleka.

Jeremia 52:9

Mwami Zedekia yahilwa ku mwami Nebukadineza, uwaali mu lidaala linene lia Ribula mukivala cha Hamazi, kandi wene yeyo mwami Nebukadineza yakalagira Zedekia.

Lisyoma lya Jeremia 2:9

Virivwa vie lidaala linene lia Ziyoni via sikira hasi mumarova, kandi miluguyu javio jaavunika mu vidonye. Umwami kandi avandu vwi inyumba yu vwami kalunu vaveeye hagati hi zihiiri mu kivala chi lihaminywa, wi lilaga litaveeye. Avaporofeti si vaveeye na malola kutura ku Yahova kandi mba.

Ezekieli 12:13

Navuzwa ndaavambura eneti yange kandi ndakamugimilimu. Maku ndakamuhili mu lidaala linene lia Babiloni, walikuzila vugira kulilola.

Ezekieli 17:18

Yaavunaga lilagano kandi liesuuha lilie liayaali nalombi. Yakola vindu yivi viosi, na kalunu si alahona mba.”

Ezekieli 31:17

Josi jilakazie harara nagwo mukivala chavakuzu kuva harara ni jamala kugwa. Vosi avamenyaa isi wi chiriri chagwo valasalanywa hagati hi zihiiri.

Danyeli 4:12

Matu gagwo gaali malahi na makuyu gagwo gaali manyingi muno kandi gaali chukulia ku vandu vosi, zinyama ziu muvurimu zia sosera muchiriri cha gwo, manyonyi gumbakaa zinyumba zia go muzinzago ziagwo kandi kindu choosi kiveeye mwoyo chaalia ku makuyu gagwo.

Hosea 13:10

Mwami winyu aveeye haliha aduuki kumuhonyia? Aviimiliri vinyu vosi vaveeye haliha vamukingi, avamwavoola, ‘Okohe mwami kandi okohe mwimiliri?’

Vakalagi 9:15

Ulutavati lwavoolera imisaala, ‘Niiva mwenya Inzi mwamihi, nyenya munyi muuzi kwigama muchiriri change. Nigataveeye ndio, umuliru gwaduki mu lutavati lwange kandi gusambe imidalangwa ja Lebanoni.’

1 Samweli 12:3

Mbeeye hano. Niiva ndamala kokora kindu kidamanu choosi, munzaale kalunu imbiri wa Yahova kandi imbiri wu mwami wamali kotovola. Ni eng'ombe ya vwaha kinga ni ibunda ya vwaha ya ndavugura kuzinguru? Nivwaha wa ndaga vindu vivie, anoho wa ndadambiza? Nivwaha wa ndavugura ku viambeti nduuki kuhaana likalaga litali lirungi? Niiva ndaakola kilala ku vindu yivi, ndirana kutunga cha ndaavugura.”

1 Samweli 12:5

Samweli yavavolera, “Yahova kandi mwami wamali kotovola vaveeye avaloli lidiku lia lero ndi munyi si munyooye nimbara mba.” Vativura nivavoola, “Yee, Yahova aveeye muloli wiitu.”

1 Samweli 16:6

Lwa vaduuka, Samweli yalora muyaayi wa Jese Eliabu niyevolera mwene, “Musaza usingiyi hano imbiri wa Yahova uyu niyie ligali wa amali kotovola.”

1 Samweli 24:10

Unyala kololera ndi ulwene yilu noveeye muluhangaywa, Yahova akuviiki mu zinguru ziange. Valala ku vandu vange vamboleeye ngwiti, navuzwa ngovererera kandi nimbora ndi sindakusaliriza munzira yoosi mba, kigira ivi niyie wa Yahova yatovola kuva mwami.

1 Samweli 24:6

Yavolera avasaza veve, “Yahova yanzigaliri mburi kokora vudamanu vwosi ku mwami wange, wa Yahova yatovola kuva mwami! Kuduuka mburi kumusaliriza munzira yoosi, kigira aveeye mwami waatovolwa na Yahova!”

1 Samweli 26:16

Ivi waali kugwa mu miyinzi jijo, Abineri! Nzisuha ku Yahova oveeye mwoyo ndi munyi mwosi muduukana mukuzi, kigira simusooye munene winyu mba, uwa Yahova yakola ave mwami. Litimu liu mwami liveeye hayi? Kimuga cha mazi chaali hamutwi hehe keveeye hayi?”

1 Samweli 26:9

Navuzwa Daudi yavoola, “Utamusaliriza mba! Yahova alahaana amageri ku wosi usaaliriza mwami mutovole weve.”