Lisyoma lya Jeremia 4:17 - KITABU KITAKATIFU

¹⁷ Kwahenzelera konyoole ovokonyi, navuzwa si kwavonyoola mba. Kwalindirira kandi ni kohenzerera ihiiri iyaali inyala kuvula kukohonyia.

Lisyoma lya Jeremia 4:17 ပူးပေါင်းရင်းမြစ်များ

2 Avami 24:7

Mwami wa Egebeti harara na vandu vi liihi lilie sivatura mu Egebeti kandi mba, kigira mwami wa Babiloni kalunu yaali nu vunyali ku zinzako ziosi ziali zia Egebeti, kutura ku mugera gwa Efurate kuduuka ivaale wu lwako lwa Egebeti.

Isaya 20:5

Yavo avaari ni lisuuvira mu Ezopia, kandi avigingiraa kigira Egebeti, valava nuvuti kandi ni zisoni ligali.

Isaya 28:18

Hene yaho, lilagana lia mumali kolomba nilikuza lilatulizwa ho, na livugilirizana lia mulombi ni kivala cha vakuzu lilatulizwa ho. Lwikivi kiduukaa, mulaguutwa ligali.

Jeremia 2:18

Kalunu muganaganaa mulanyola ki lwa muzia Egebeti, kunwa amazi gu mugera gwa Naili? Muganaganaa mulanyola ki lwa muzia Asiria kunwa amazi gu mugera gwa Efurate?

Jeremia 2:36

Kigira ki muvoyavoya nimuganagana kuzia ku avanyasaye vi zihiiri zindi? Avandu va Egebeti valamuviika mu zisoni, kuli avandu va Asiria vamuvika mu zisoni.

Jeremia 2:37

Mulagirung'ana kutura ku avandu va Egebeti nimufumi makono mu zimoni zienyu kigira zisoni. Inzi Yahova, mali kusuura yavo avamusuuviraa muvo; kandi si valamukonya mba.”

Jeremia 8:20

Avandu valira ni vavoola, “Ing'inga yi ligesa eheri, umbasu gufeye, navuzwa sikwanyoola vokonyi mba!”

Lisyoma lya Jeremia 1:19

“Kwanira ku valina viitu kigira ovokonyi, navuzwa vaakugaada. Avasaalisi kandi avakulundu vakuzira mu zinzira zie lidaala linene, lwa vaali nivahenza chukulia vaduuki kuva mwoyo.

Lisyoma lya Jeremia 1:7

Mu madiku gu vusaliri vwavo uvululu, avandu va Jerusalemi vizulizaa vindu viosi vilahi via valange navio kutura mu madiku ga kale. Lwa vaagwa mu makono ga vasigu vaavo, si yaliho mundu waali anyala kuvakonya mba. Avasigu vaavo vaavasekeriza, mu liguutwa liavo.

Lisyoma lya Jeremia 5:6

Kuziiza kusava avandu va Egebeti na vandu va Siria, okonyora chukulia kidukiru ku kove mwoyo.

Ezekieli 29:16

Avandu va Isiraeli si naverede kumunyi kigira vokonyi mba. Lidivizwa lia vandu va Egebeti nalizulizi avandu va Isiraeli ndi, vaakora vudamanu kwereda ku vandu va va Egebeti. Maku avandu va Isiraeli navamanye ndi Inzi mbeeye Yahova Wuvunyali.”