Lisyoma lya Jeremia 3:37 - KITABU KITAKATIFU

³⁷ Nivwaha unyala kulaga ma chekoleke niiva Yahova sialagi?

Lisyoma lya Jeremia 3:37 ပူးပေါင်းရင်းမြစ်များ

2 Samweli 16:10

Mwami Daudi yavolera Abishai na amwavo weve Joabu, “Yaga sigaveeye agoogo mba. Niiva yaanaama kigira Yahova amuvooleeye, gaveeye ku vwaha okoteeva ni kigira ki akolaa ndio?”

1 Avami 22:34

Musikari wa Siria yalasa muvano gwu vuta vwamanya nivutumita mwami Ahabu hagati huvwungilu vwi isalamba yeeye. Yakuba lwanga navolera muhiri wi ligare lilie lie liihi, “Ndasiywi vudamanu ligali! Girung'ana na undulizi ichova wi liihi!”

2 Avami 6:33

Yaali nakikiri kumala livoora yaga lwu mwami yaduuka navoora, “Ni Yahova umali kokora vudinyu yivu vwosi vuuzi ku kunyi! Kigira ki ni ndiliri kuduuka lwa Yahova akola kindu kokokonya?”

Ayubu 10:13

Navuzwa kalunu manyirizi ligali ndi, ku ing'inga yiyi yoosi, walohiza mu vwivisu kusaliriza.

Ayubu 2:10

Ayubu yativulira mukali weve ndi, “Ivi omoloma kuli mulala ku vakali avasiru. Lwa Nyasaye ahaanaa vugasu ku kunyi, kuhaana lisandiza ni lizominya kuye, na chakaveeye ki kutange kwililira lwa aleetaa vudinyu ku kunyi?” Mu vudinyu nu vusaliri vwosi vwa Ayubu, siyavoola kindu kidamanu imbiri wa Nyasaye mba.

Kutwula 10:10

Mwami yavoola, “Inzi nzisuha ligali ku Yahova ndi sindaleka munyi muvuguli avakali na avana vinyu vazie mba! Galoleka havulavu ndi munyi muganaganaa kokora ikivihiri.

Tsing'ano 16:9

Unyala kuva ne lilohiza liilio, navuzwa Nyasaye yimiliraa vikolwa vivio.

Tsing'ano 19:21

Avandu vanyara kulohiza vindu viosi viavanyala, navuzwa lienya lia Yahova lizizaa kwekoleka.

Tsing'ano 21:30

Vogeri vwu mundu, vwideri kandi limanyiriza si viveeye novokonyi niiva Yahova yamusula mba.

Isaya 46:10

Kutura mulitanga, ndalolekizaa agaza gekoleke; kale ligali ndaavura agaali ganyala kwekoleka. Ndavoora ndi, lilohiza liange sililagwa mba, kandi ndakora vuli kindu choosi cha ndasaavira kokora.

Jeremia 23:32

Muhuliri aga inzi Yahova, mboraa! Ndunyiraa avaporofeti vavoola amalooto gizuraa ovovehi. Vavoola amalooto yaga nukuchaminya avandu vange novovehi vwavo kandi ni liegingira liavo. Inzi sindaavatuma anoho kuvalaga vazie mba, kandi sivaveeye avovokonyi ku avandu mba. Inzi Yahova mali kovora.”

Danyeli 4:35

Alolaa vandu vu mulirova kuva ikindu vuzwa, zingelosi mwigulu harara na vandu vaveeye kulilova, vaveeye hasi hu vwimiliri vwivwe. Siaveeyeho kali mulala unyala kuhing'ana nu vulaliri vwivwe mba, anoho unyala koteva mateeva kolondekana na gakoraa mba.

Varumi 9:15

Kigira yavolera Musa, “Ndakave nizimbavasi ki ku oyo wambeeye naye ni zimbavasi; kandi ndakavelerere oyo wa inzi mbelerera.”

Vafeso 1:11

Vindu viosi vekolekaa kolondekana ni lilohiza lia Nyasaye kandi likalaga lilie Nyasaye yakotovola kove avandu veve umwene kuvitira mu Kristo kigira uvulariri vwivwe, kolondekana na aga yaali ni yakalaga kutura mulitanga.