Lisyoma lya Jeremia 3:32 - KITABU KITAKATIFU

³² Kali niiva aletaa ovovereri, alamanyia, uvuyanzi vwivwe kukuinyi voveeye vwi ligali kandi uvwizingulu ligali.

Lisyoma lya Jeremia 3:32 ပူးပေါင်းရင်းမြစ်များ

2 Avami 13:23

Navuzwa Yahova yaali mulahi kuvo kandi navavererera. Siyavaleka vadivizwi mba, navuzwa yavakonya kigira lisuuviriza lilie ku Aburahamu, Isaka na Yakobo. Akiri kwivilira avandu veve kali hakuzu.

Zaburi 103:11

Uvuyanzi vwa Yahova vutaveeye ne keheri ku yavo vosi avamutizaa voveeye vonene ligali, kuli ligulu liveeye igulu ligali kutura ku lirova.

Zaburi 30:5

Uvutima vwivwe voveeye vuzwa ku ing'inga ngekeeke. Navuzwa uvulahi vwivwe vuhindiraa mihiga ni mihiga. Amaliga ganyala kwidoroka mu vudiku, navuzwa uvusangari vuuzaa mugamba.

Zaburi 78:38

Navuzwa Nyasaye yavererela avandu veve ligali. Yavasamiha uvwoni vwavo kandi siyavadiviza mba. Zing'inga zinyingi yigalira uvutima vwivwe vuvuli kutura, kandi siyaleka uvululu vwivwe vwosi vuduuki kuvo mba.

Kutwula 2:23

Inyima wimihiga yijo josi, mwami wa Egebeti yakuza, navuzwa vandu va Isiraeli vaali nivakekenya ligali kigira uvusaaliri vwavo mu vutugwa, nivenya vokonyi. Lilira liavo liadukira Nyasaye;

Kutwula 3:7

Maku Yahova yavoola, “Ligali mali kolola uvusaaliri vwa vandu vange vaveeye navwo mu kivala cha Egebeti, kandi mali kuhulira lilira liavo liukwenya kosolwa kutura ku vadambizi vaavo.

Isaya 27:8

Yahova yahaana mageri ku avandu veve lwa yavahila mu livahaminywa. Yaavatulizaho mu imbuza yi kivi kutura Ivugwi.

Isaya 54:7

“Ndaakoleka ku ing'inga engekeeke; navuzwa ku uvuyanzi vonene ligali, ndakwilanyia hango kandi.

Jeremia 31:20

“Isiraeli, munyi muveeye kuli mwana wange wandayanza, mwana wandayanza ligali. Ing'inga lwa ndalanga lieta lienyu, Inzi muganaganyiaa nuvuyanzi. Mwoyo gwange goveeye ku munyi; ndava nizimbavasi.

Lisyoma lya Jeremia 3:22

Uvuyanzi vwa Yahova vutaveeye nekeheri, zimbavasi zizie siziveeye ni keheri mba;

Hosea 11:8

“Avandu va Isiraeli, inzi nyara ndi kumuleka? Inzi nyara ndi kusuura munyi? Inzi nyara kumudiviza kuli ndaadiviza Adamali, anoho inzi nyara kumukolera kuli ndaakolera Zeboiimu? Inzi si nyara kokora ndio mba! Vuyanzi vwange ku munyi voveeye vunyingi ligali.

Nahum 1:12

Yaga nigo ga Yahova avoora ku vandu va Isiraeli. “Kali niiva vandu va Siria vaveeye ni zinguru kandi avanyingi ligali, valakadivizwi kandi valakagote. Avandu vange, ndaamulomba ni musaliraa, navuzwa sindakola ndio kandi mba.

Luka 15:20

Kunangwa yasingira natanga logendo lwu kwirana ku baba weve. “Navuzwa lwa yaali nakikiri ihale, baba weve yamulola, kandi yamuvererera. Yanyagula, naamukumbelera kandi namuvusavusa.

Vakalagi 10:16

Valeka vanyasaye vaavo vageni, nivasigamira Yahova; naye yanyangana kigira lidambizwa lia vandu va Isiraeli.