Lisyoma lya Jeremia 3:25 - KITABU KITAKATIFU

²⁵ Yahova aveeye mulahi ku yavo vosi avaviika lisuuvirizwa liavo muye, ku oyo umwenyelerizaa.

Lisyoma lya Jeremia 3:25 ပူးပေါင်းရင်းမြစ်များ

Litanga 49:18

“Inzi nindiliraa ovohonyi vuvwo O, Yahova.

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

2 Kyetsinyinga 15:2

ma yazia kwagana nu mwami Asa. Yamuvolera, “Mbulirizaa, mwami Asa harara na vandu vosi vi Ivuyuda na Benjamini! Yahova aveeye harara na munyi lwa mukikiri harara naye. Niiva mulenya Yahova mulamunyoola, navuzwa niiva mulatula kuye, naye alamuleka.

2 Kyetsinyinga 19:3

Navuzwa kali nindio, gaveeye ho amalahi malala mu ivi. Watuliza ho ivifananyi viosi viu munyasaye wi kikali - Ashera, ma kandi umali kogeriza kolonda vulaliri vwa Nyasaye.”

2 Kyetsinyinga 30:19

“O, Yahova, Nyasaye wa vaguuga viitu, mu vulahi vuvwo yaanza usamihi yavo avasigamiraa ivi ni mioyo jaavo josi kali niiva si vaveeye avatakase kolondekana na malago ga hatakatifu.”

2 Kyetsinyinga 31:21

Kandi miyinzi josi ja yakola mu vutumiki mu Litembeli lia Nyasaye kolondekana ni lilaga kandi namalago, kwenya Nyasaye weve, yakola nu mwoyo mulala. Na ku goosi ga yakola, yagasizwa.

Ezara 8:22

Inzi ndakaveeye muzisoni okoteeva mwami akohe muganda gwavasikari vi liihi liuvulwani vakulindi kutura ku avasigu vosi ku ing'inga yologendo lwiitu; inzi ndaali nimuvoleeye ndi Nyasaye wiitu agasizaa vuli mundu usuviraa muye. Navuzwa ahaanaa mageri ku vosi avamwambakanaa.

Zaburi 105:3

Musangare ndi koveeye aveeve; Leka yavo avamusigamiraa vasangale.

Zaburi 119:2

Vaveeye nuvugasu yavo avalondaa malago geege, avamuhulira nimioyo jaavo josi.

Zaburi 22:26

Avadaka valalia nukwiguta kuli venya; yavo avenyelerizaa Yahova valamwizominya! Nyasaye avagasize mihiga ni mihiga.

Zaburi 25:8

Yahova yigizaa avoni zinzira zia gavadukiraa valonde, kigira aveeye mulungi kandi mulahi.

Zaburi 27:14

Usuuviri mu Yahova, ove ni lisuuvira na utakuza mwoyo mba usuuviri mu Yahova.

Zaburi 27:8

Lwa ivi wavoola, “Hamba usigamire,” Ndaativura, O, Yahova, “Ndaaza.”

Zaburi 37:34

Musuuviri Yahova kandi muhuliri amalago geege; na ndio alamuha luyali nu kumuha miandu ji kivala, navuzwa avandu vadamanu valatulizwa mu kivala cha avasuuvirifu.

Zaburi 37:7

Wikuziri kandi usuuviri Yahova, utahenda mwoyo kigira yavo avaveeye ni linyola mu zinzira ziavo mba, anoho yavo avanyoora kigira lilohiza lie zing'anagani ziavo zindamanu mba.

Zaburi 39:7

O, Yahova, navuzwa kalunu, lisuuvira liange liveeye ku ivi.

Zaburi 61:1

O, Nyasaye, hulira lilira liange. Huliriza ku lisaala liange;

Zaburi 61:5

O, Nyasaye, Ivi umali kuhulira liesuuha liange, kandi ivi umali kuhaana ku inzi miandu ja yavo avakutizaa.

Zaburi 69:32

Lwa vandu vadambizwa valora yaga, valava nu vusangali; kandi yavo avasigamiraa Nyasaye valadinyirizwa.

Zaburi 71:14

Navuzwa inzi ndasuuvira ivi kazozo; ndakwizominya ligali.

Isaya 25:9

Lwi lidiku yilio liduka, avandu vosi valakavoole, “Uyu niyie Nyasaye wiitu! Kumali kuviika lisuuvira lietu muye, kandi umali kokosola. Aveeye Yahova, kandi kwamala kuviika lisuuvira lietu muye, kandi kalunu koveeye nuvuyanzi kandi nuvusangali ligali kigira umali kukohonyia.”

Isaya 26:9

Ngwegomba nu mwoyo gwange gwosi uvudiku vwosi lwa ukalagiraa lirova harara na vandu valio, vosi valiiga uvulungi vuveeye ki.

Isaya 30:18

Navuzwa Yahova alindiliraa kumuvererera zimbavasi. Aveeye mwetegeke kumanyia zimbavasi ku mwinye kigira akolaa agaveeye malungi kazozo. Vaveeye nu vugasu yavo avasuuviraa mu Yahova.

Isaya 40:31

Navuzwa yavo avasuuviraa mu Yahova kigira vokonyi valanyora zinguru ziavo uvuhia. Valaburuka nizimbaha kuli kihungu; valanyagula na si valaluha mba, valagenda na sivalava vadedekere mba.

Isaya 55:6

Mugirung'ane muzie ku Yahova na musaale kuye, lwaveeye ahimbi.

Isaya 64:4

Sihaveeye ho nu mundu kali mulala uwalora anoho uwahulira Nyasaye kuli ivi mba, okolaa vikolwa kuli yivi ku yavo avasuuviraa muye.

Lisyoma lya Jeremia 3:26

Voveeye vulahi umundu kulindilira machiriri ovohonyi vwa Yahova.

Hosea 10:12

Inzi ndaavoora, ‘Mwenyelerizi kokora uvulungi munyi aveene, na mulanyola uvuyanzi vutaveeye nekeheri. Mutulizi vudamanu vwinyu, kigira ing'inga yiduuki yu kwenya Yahova, aduuki koleta ovohonyi ku munyi.’

Zefania 3:8

Yahova avoora, “Kulwayago mulindi kuduuka lwi lidiku liduka lwa singira kukalagira zihiiri.” Inzi mali kusaavira kuvungiza zihiiri kandi uvwamihi, kunangwa vaduuki kuhulira zinguru ziu vutima vwange vululu. Muliru gwu vutima vwange vululu guladiviza lirova liosi.

1 Vatesalonike 1:10

kandi kulindilira Mwana weve kutura mwigulu naye ni Yeso, wa yasimugukiza kutura mu vakuzu, ohonyia kunyi kutura mu vutima vwa Nyasaye vuzaa.

Yakobo 5:7

Kunangwa avaamitu vange, muve aviikuziri kuduuka liza liu Mwami. Heenzi kuli umulimi alindiliraa mu liekuzira, ivitagwa vivie viduuki kwama amakuyu amalahi. Alindiliraa nu vwikuziri imbura yu kutanga kandi yinyima.