Lisyoma lya Jeremia 2:4 - KITABU KITAKATIFU

⁴ Yanyira uvuta vwivwe kukuinyi kuli avasigu: Yayita vandu viitu vosi avaari vusangali nu vuyanzi vwitu. Hano mu Jerusalemi kwahulira vutima vwivwe uvululu uvusambaa.

Lisyoma lya Jeremia 2:4 ပူးပေါင်းရင်းမြစ်များ

2 Kyetsinyinga 34:21

“Muzie koteeve Yahova kulwange nu ku lwa vandu vatigara mu Isiraeli ni Ivuyuda, kigira amigizu gi kitabu yiki. Uvutima vwa Yahova voveeye vonene ligali kigira avaguuga viitu sivahulira makuva ga Yahova kandi si vakora kolondekana na makuva goosi agang'odwa mu kitabu yiki mba.”

2 Kyetsinyinga 34:25

Kigira vamali koleka inzi kandi vamali kuhaana visiuviliru ku avanyasaye vandi, na ndio vamali kuvukiza uvutima vwange ku miyinzi ja vamali kokora. Uvutima vwange vwakiziywi ku Jerusalemi, kandi sivulasiminywa mba.

Ayubu 19:11

Nyasaye umali kuviika uvutima vwivwe ku inzi, kandi umbalizi kuva kuli musigu weve.

Ayubu 6:4

Nyasaye Wuvunyali umali kundumita ni mivano juvuta; kandi vuziva vwi mivano yijo vumali kusalana mu muviri gwange. Nyasaye umali kutihiza inzi.

Zaburi 37:14

Avandu vadamanu vatuliza vivavi viavo, kandi vuta vwavo kulasa nu kwita avandu vadaka na avadambi, kandi kusinza avandu vaveeye avalungi,

Zaburi 7:13

Avugulaa viugi vivie vielikuza nukwetegekiza mivano juvuta vwivwe ijiveeye kuli lomemo lwumuliru.

Isaya 42:25

Kunangwa Yahova yakokola ni kuhulira uvulitu vwu vutima vwivwe kandi nikusalirizwa mu vulwani. Uvutima vwa Yahova vwasamba avandu va Isiraeli kuli muliru. Navuzwa sikwamanya kindu chekoleka mba; kandi sikwayiga kindu kali hakuzu mba.

Isaya 63:10

Navuzwa vibaara nokovereriza Roho weve Mutakatifu; Kunangwa Nyasaye yaavikiruka nukugwa musigu wavo kandi nalwaana navo.

Isaya 63:6

Ndaaduvagira hasi avandu vi zihiiri mu vutima vwange. Ndavakora vahambiki mu vutima vwange vululu. Ndasundura masahi gi livamwoyo liavo hasi ku lirova.”

Jeremia 10:20

Amahema giitu gayononywa; migoye jiagumiraa mahema jimali kukalika. Avana viitu vosi vazia ihale; siaveeyeho kali mulala watigala kwumbaka amahema giitu mba; siaveeyeho kali mulala unyala kusunga zisuka ziago mba.”

Jeremia 21:12

O, Ivisukulurwi via Daudi, yaga nigo aga Yahova avoora: Mukore vulungi vuli lidiku ohonyie oyo umali kunuurwa kutura mu zinguru ziavadambizi, gase vutima vwange vulaloleka kandi vulaaka kuli muliru kigira uvudamanu vwamumali kokora. Namusambwe nasialavaho na mulala ulisiminya mba.

Jeremia 21:5

Inzi ndamulwana nizinguru ziange ziosi, kandi, nu vutima vwange vululu.

Jeremia 30:14

Avayaanze vinyu vosi vamali ku mwivilira; sivamuhendera mwoyo mba. Inzi mali kumwingilira kuli musigu; amageri ginyu gaveeye amalulu, kigira vwoni vwinyu voveeye vunyingi ligali; kandi uvuchamu vwinyu voveeye vonene ligali.

Jeremia 36:7

Namusia valasaala ku Yahova kandi valagirung'ana kutura kuzinzira ziavo zindamanu, kigira Yahova umali kutihiza avandu yava nu vutima vwivwe vonene ligali.”

Jeremia 4:4

Avandu vi Ivuyuda na Isiraeli mulindi lilagana lienyu ninzi Yahova winyu, kandi mwihaane munyi aveene ku inzi. Niiva simulakolandio mba, vutima vwange vulaaka kuli muliru kigira ivindu vidamanu viamumali kokora. Vulaaka na siaveeyeho na mulala ulisiminya mba.”

Jeremia 42:18

“Yahova, Nyasaye wa avandu va Isiraeli avoora, ‘Kuli uvutima vwange uvululu vwali ku avandu va Jerusalemi, nindio uvutima vwange uvululu vulakave ku munyi niiva mulazia komenya mukivala cha Egebeti. Mulava avandu vu kutihizwa, vokonyegwa kandi vikilaamo. Simulakalole kivala yiki kandi mba.’ ”

Jeremia 7:20

Kulwayago, inzi Mwami Munene Yahova, ndaviika vutima vwange vululu ku Litembeli yili. Ndaviika kandi ku avandu harara ni zinyama, kali ni misaala harara ni vitagwa viu mumilimi. Vutima vwange vulava kuli muliru gutanyala kusiminywa nu mundu.

Lisyoma lya Jeremia 1:13

“Yatuma muliru kutura mwigulu, umuliru gwaaza nigusamba vigumba vietu. Yaatega mutego kigira kunyi kandi yaakwilanya inyima. Maku akoleki muligenya kandi muvodedekere.

Lisyoma lya Jeremia 2:5

Yahova amali kudiviza Isiraeli kuli umusigu. Yadiviza kali zinyumba ziu uvwami vwavo kandi zimbinga zie lidaala linene ziatigala mang'anye. Yameda ku vandu vi Ivuyuda lisioma kandi liverera linyingi.

Lisyoma lya Jeremia 3:3

Nyasaye yambezaa mageri vuli ing'inga.

Lisyoma lya Jeremia 4:1

Muporofeti avoora: Izahabu indahi imali kwononywa, kandi imali kogotiza ling'ereng'ana liayo; magina guvuguli vonene gu mu Litembeli gamali kusalanywa mu zinzira.

Lisyoma lya Jeremia 4:11

Yahova umali kololekiza vutima vwivwe uvululu. Uhambizi muliru mu Ziyoni ugwasaamba mise jie lidaala.

Ezekieli 13:13

Kalunu yaga nigo gu Yahova Wuvunyali avoora, “Mu vutima vwange, ndatuma imbuza yi kiihi kandi, imbura enene ya magina kudiviza lidigi.

Ezekieli 20:34

Ndamumanyia vutima vwange kandi zinguru ziange lwa muvungiza harara nukumwiranyia kutura muvivala viosi uwa mwaali ni mwasalanyirwa.

Ezekieli 22:22

Ndavasalulukizira mu Jerusalemi kuli izahabu isalulukira mumuliru. Maku valamanya ndi inzi, Yahova, mali kuvaha mageri mu vutima vwange.”

Ezekieli 24:25

Yahova yavoola, “Mwana wu Mundu, kalunu ndatulizaho Litembeli lie zinguru iliali uvukumi kandi uvusangari vwavo, iliavayaanziliraa kuhenza ku kandi kuzia mulio. Ndatulizaho avana vaavo avayaayi na vakana.

Ezekieli 36:18

Kunangwa ndaviika vutima vwange vululu kuvo kigira avandu vavaali nivamali kwita kandi kigira vayononyia kivala ni vifananyi viavo.

Ezekieli 5:13

“Maku uvutima vwange uvululu vulava ku munye kuduuka lwa neminywa mwoyo. Lwayaga goosi gakolekaa, mulamanya ndi Inzi, Yahova, mali komoloma ku munyi kigira mbeeye nu vutima na munyi mulivula kuva avasuuvirifu.

Ezekieli 6:12

Yavo avaveeye ihale navalwale ligali ma navakuzi; yavo avaveeye ahimbi navakuziri muvulwani; yavo avalihononoka navakuzi kigira inzara. Valakahuliri uvuliduhu vwosi vwu vutima vwange.

Ezekieli 7:14

Kisiriva kikubaa ma vuli mundu yetegeka. Navuzwa siaveeye ho kali mulala uzizaa mu liihi, kigira vutima vwa Nyasaye vulava ku vuli mundu woosi keleng'ani.

Kyavalevi 26:17

Ndamugirung'ana kunangwa muguutwi kandi yavo vamudunyira valamwamiiha. Mulatihizwa ligali na muliruka lwa hataveeye ho nu umundu umukunga.

Nahum 1:2

Yahova Nyasaye siyikuzilaa ku vaahing'ana naye mba; ahaanaa mageri ku yavo avahing'anaa naye. Avanzaa kisaalia mu vutima vwivwe.

Nahum 1:6

Lwaveeye nu vutima, nivwaha unyala kohononoka? Nivwaha unyala kwikuzira ku vutima vwivwe vululu? Aviikaa vutima vwivwe ku vandu kuli lomemo lwu muliru, kandi yatanyia zinyanda imbiri weve.

Kwidzulitsa 32:22

Vutima vwange vuladuuka kuvo kuli muliru kandi vulasaamba vindu viosi ku lirova. Vuladuuka isi wikivala vakuzu nu kuhakiza misingi ji vigulu.

1 Samweli 28:16

Samweli yavoola, “Kigira unanga lwa Yahova amali kukoleka nukugwa musigu woovo?