Lisyoma lya Jeremia 2:3 - KITABU KITAKATIFU

³ Yatulizaho zinguru zia vandu va Isiraeli mu vutima vwivwe uvululu. Yaatuliza vokonyi vwivwe kuvo imbiri wa vasigu vaavo. Yasamba visukululwi va Yakobo nolomemo lwu muliru, nukudiviza ivindu viosi.

Lisyoma lya Jeremia 2:3 ပူးပေါင်းရင်းမြစ်များ

2 Kyetsinyinga 34:25

Kigira vamali koleka inzi kandi vamali kuhaana visiuviliru ku avanyasaye vandi, na ndio vamali kuvukiza uvutima vwange ku miyinzi ja vamali kokora. Uvutima vwange vwakiziywi ku Jerusalemi, kandi sivulasiminywa mba.

Ayubu 16:15

Inzi siomaa ninziviki zinguvu zia magunia, nzikaye hano mu luguchi ninguutinywi.

Zaburi 132:17

Hene hano, ndakora mulala ku visukululwi va Daudi kuva mwami munene ligali; kandi ndalinda liamiiha liu mwami mutovole wange.

Zaburi 74:11

Kigira ki ivi usuyi kokokonya? Kigira ki utanyiira mukono gugwo kuvo.

Zaburi 75:10

Nyasaye alavunanyia zinguru ku vandu vachamu, navuzwa zinguru zia vandu valungi zilanenehizwa ligali.

Zaburi 75:5

Mutiganagana kuva avandu vu vunyali ligali, anoho komoloma makuva ni liegingira mba.”

Zaburi 79:5

O, Yahova, ivi ulakusinyikira kuduuka mihiga ni mihiga? Uvutima vuvwo vulazizagilira kwaduka kuli muliru?

Zaburi 89:24

Ndamuyaanza kandi ndava musuuvirifu kuye, mihiga ni mihiga ndamukora kuva muguuti kazozo.

Zaburi 89:46

O, Yahova, ulivisa umwene kuduuka ing'inga ki? Uvutima vuvwo vulaaka kuli muliru kuduuka ing'inga ki?

Isaya 1:31

Kuli uluvuva luhambizwa muliru neesese, nindio kandi vasaza vi zinguru valadivizwa muvikolwa viavo vidamanu, na sihalava numulala unyala kugaya lidivizwa zana yilio mba.

Isaya 42:25

Kunangwa Yahova yakokola ni kuhulira uvulitu vwu vutima vwivwe kandi nikusalirizwa mu vulwani. Uvutima vwa Yahova vwasamba avandu va Isiraeli kuli muliru. Navuzwa sikwamanya kindu chekoleka mba; kandi sikwayiga kindu kali hakuzu mba.

Jeremia 21:14

Navuzwa inzi ndamuha amageri kigira agamumali kokora. Ndasaamba zinyumba zienyu ziuvwami kandi muliru gulasamba vuli kindu keveeye himbi. Inzi Yahova, mali kovora.”

Jeremia 4:4

Avandu vi Ivuyuda na Isiraeli mulindi lilagana lienyu ninzi Yahova winyu, kandi mwihaane munyi aveene ku inzi. Niiva simulakolandio mba, vutima vwange vulaaka kuli muliru kigira ivindu vidamanu viamumali kokora. Vulaaka na siaveeyeho na mulala ulisiminya mba.”

Jeremia 48:25

Zinguru zia Moabu zimali kutulizwaho; zinguru ziavo zimali kudivizwa. Inzi Yahova mali kovora.”

Jeremia 7:20

Kulwayago, inzi Mwami Munene Yahova, ndaviika vutima vwange vululu ku Litembeli yili. Ndaviika kandi ku avandu harara ni zinyama, kali ni misaala harara ni vitagwa viu mumilimi. Vutima vwange vulava kuli muliru gutanyala kusiminywa nu mundu.

Lisyoma lya Jeremia 1:13

“Yatuma muliru kutura mwigulu, umuliru gwaaza nigusamba vigumba vietu. Yaatega mutego kigira kunyi kandi yaakwilanya inyima. Maku akoleki muligenya kandi muvodedekere.

Lisyoma lya Jeremia 4:11

Yahova umali kololekiza vutima vwivwe uvululu. Uhambizi muliru mu Ziyoni ugwasaamba mise jie lidaala.

Ezekieli 13:13

Kalunu yaga nigo gu Yahova Wuvunyali avoora, “Mu vutima vwange, ndatuma imbuza yi kiihi kandi, imbura enene ya magina kudiviza lidigi.

Ezekieli 7:14

Kisiriva kikubaa ma vuli mundu yetegeka. Navuzwa siaveeye ho kali mulala uzizaa mu liihi, kigira vutima vwa Nyasaye vulava ku vuli mundu woosi keleng'ani.

Nahum 1:6

Lwaveeye nu vutima, nivwaha unyala kohononoka? Nivwaha unyala kwikuzira ku vutima vwivwe vululu? Aviikaa vutima vwivwe ku vandu kuli lomemo lwu muliru, kandi yatanyia zinyanda imbiri weve.

Malaki 4:1

Yahova Wuvunyali avoora, “Lidiku lizaa lia vandu veloli kandi vadamanu valisambwa kuli vulimu vwumu. Ku lidiku yilio, valakadodoke kandi kindu si kilakatigale kuvo mba.

Luka 1:69

Okoheeye muhonyi wi zinguru kutura mukisukululwi cha Daudi mutumikiri weve.

Luka 3:17

Aveeye kuli mundu oveeye nu lwuvivu lwe kesesero mukono gwigwe kandi. Alalaviza loze lwilwe ligali kandi ateere uvuswage mu kedeera, navuzwa mukuuzi alagusaamba numuliru ugutasimaa.”

Kwidzulitsa 32:22

Vutima vwange vuladuuka kuvo kuli muliru kandi vulasaamba vindu viosi ku lirova. Vuladuuka isi wikivala vakuzu nu kuhakiza misingi ji vigulu.