Lisyoma lya Jeremia 2:22 - KITABU KITAKATIFU

²² Kuli ulaga ku lidiku lie lisavo, nindio umali kulagila kunyi avasigu ku zimbega ziosi. Si yaliho nu mundu kali mulala uwahononoka anoho uwahona mulidiku liilio liu vutima mba. Avasigu viitu vaadiviza avana va kwayaanza kandi ni kuvirukiza.

Lisyoma lya Jeremia 2:22 ပူးပေါင်းရင်းမြစ်များ

2 Kyetsinyinga 36:17

Kunangwa Yahova yaleeta mwami wa Babiloni kuvingilira. Mwami zana yita avayaayi vi Ivuyuda, kali yavo avaari mu Litembeli lia Yahova. Si yaali niliverera ku mundu woosi, muyaayi anoho musakulu, musaza kinga mukali, mulwaye anoho mulamu mba. Nyasaye yavahana vosi kuye.

Zaburi 31:13

Mbulira avasigu vanyingi nivamonyana; uvutihizi vungumbirizi zimbega ziosi. Valohiza kunzita mu vwivisu.

Isaya 28:19

Kilamuduya vuli ing'inga, vuli mugamba. Kuduuka mwikuziri kucho mbasu nuvudiku. Vuli likuva lihia kutura ku Nyasaye lilakaleete uvutihizi vonene!

Jeremia 11:11

Kunangwa, kalunu, inzi Yahova, mbiganihizaa ndi, ndaleta lidiviza kuvo, kandi si valahononoka mba. Lwa vanira ku inzi kigira ovokonyi, si ndavahulira mba.

Jeremia 14:19

Yahova, ivi umali kusuura Ivuyuda ligali? Umali kudunyira avandu va Ziyoni? Kigira ki ivi umali kusaliriza kunyi vudamanu ligali na si kunyala kohona mba? Kwahenzelera mirembe, navuzwa kindu kilahi si chekoleka mba. Kwegomba kohonywa, navuzwa mu vogono vwene yivwo litihiza liaza.

Jeremia 20:3

Ku lidiku lialonda ku, inyima wu musaalisi Pashuri yaali ni yakamboholora kutura mu ijera, ndaamuvoolaa, “Yahova si yaakugulika lieta liilio Pashuri mba. Lieta liamali kukugulika ni ‘Litihiza Havundu hoosi.’

Jeremia 21:7

Navuzwa ivi, navatumikiri vovo, harara navandu vahononoka muvulwani, inzara, kandi nuvulwaye, munyi mwosi mulagumirwa nu mwami Nebukadineza kandi navasigu vinyu avenya kumwita. Nebukadineza yaza namwiiti. Sialileka mundu kali mulala kumunyi anoho kumumanyia zimbavasi anoho liverererwa mba. Inzi, Yahova mali kovora.”

Jeremia 44:7

“Kunangwa, Inzi Yahova Wuvunyali, Nyasaye wa avandu va Isiraeli, kalunu muteeva ndi, kigira ki mwekolelaa munyi aveene vindu vidamanu kuli yivi? Mwenya koleta lidiviza ku avasaza na avakali, avana vasoleri kandi avana avadoto, kunangwa mundu ku avandu vinyu avuli kutigala?

Jeremia 46:5

Yahova ateeva, “Navuzwa nikindiki chandolaa? Vagirung'ana nukwirana inyima mu uvutihizi. Avasikari vaavo vakubagwa; vizuyi uvuti, vanyagura vwangu kuli vanyara na sivikivukaa inyima mba.

Jeremia 6:25

Kutazia ichova mumilimi anoho kogende kuzinzira, kigira avasigu vaveeye nivivavi kandi litihiza liveeye muzimbega ziosi.”

Kwidzulitsa 28:18

“Mulalamwa mu lwivulu lwi zinda zienyu, liama lie kivala chiinyu, kandi limeedeka lie viayo vienyu vie zing'ombe kandi vimeme vie chayo cha magondi ginyu vilalaamwa.