Lisyoma lya Jeremia 2:19 - KITABU KITAKATIFU

¹⁹ Muvuki mwaniri ku Yahova vudiku vwosi kandi mugambazuri! Muviiki mioyo jinyu imbiri wa Yahova kuli amazi gaviikwa mu kiju. Mugiingi makono ginyu igulu na musaale ku Yahova kigira livamwoyo lia vana vinyu, avakuzaa kigira inzara mu zinzira zie lidaala linene.

Lisyoma lya Jeremia 2:19 ပူးပေါင်းရင်းမြစ်များ

Ayubu 3:24

Kigira lizuunwa liu vusaliri liange nilio chukulia change, na lilira lie likenya lizukiywi kuli amazi.

Zaburi 119:55

O, Yahova, nzizuliza ivi mu vudiku, kandi ng'anagana ku malago googo.

Zaburi 134:2

Mugiingi makono ginyu igulu mu lisaala mu Litembeli lilie, na mwizominye Yahova!

Zaburi 141:2

Vugilira lisaala liange kuli kimuli kifunyaa mwayu imbiri woovo, kandi umbugiliri lwang'ingaa amakono gange ku ivi kuli kisiuviriru cha ha mugolova.

Zaburi 142:2

Mbikaa lielilira liange liosi kuye, kandi muvooleraa vudinyu vwange vwosi.

Zaburi 142:3

Lwa inzi mbeeye ahimbi kukuza umwoyo, ivi umanya cha ndukanaa ngole. Avasigu vange vavisi mitego mu zinzira ziange ziangendaa mu.

Zaburi 28:2

Umbulirize lwa nzanira ku ivi ongonye, lwa ng'ingaa makono gange kohenziza ku Litembeli liilio litakatifu.

Zaburi 42:3

Ndiraa mbasu nuvudiku, amaliga gange gaveeye chukulia change cheng'ine. Avasigu vange vandeva zing'inga ziosi, “Nyasaye woovo aveeye haliha?”

Zaburi 42:4

Mwoyo gwange guzunangwa novovereri vonene ligali lwa nzizuliza kuli ndaziza nu muganda gwa vandu mu Litembeli lia Nyasaye ni mbimiliraa mu zimbaso lwa vagenda nivimba nukuhanzuka zinyimbu zie lizominywa ku Nyasaye.

Zaburi 42:8

Yahova umanyie uvuyanzi vwivwe vutaveeye nekeheri ku ing'inga ya mbasu; kunangwa nduuki kwimba lwimbu lwu kumwizominya ha vudiku. Lwimbu yilu love kuli lisaala ku Nyasaye ombezaa livamwoyo.

Zaburi 62:8

O, munyi avandu vange, musuuviri mu Nyasaye zing'inga ziosi; mu muvoolere uvudinyu vwinyu vwosi Aveeye uvuhaliru vwitu vwi milembe.

Zaburi 63:4

Ndakusandiza mu livamwoyo liange liosi, ndaginga makono gange igulu ku ivi mu lisaala.

Isaya 26:9

Ngwegomba nu mwoyo gwange gwosi uvudiku vwosi lwa ukalagiraa lirova harara na vandu valio, vosi valiiga uvulungi vuveeye ki.

Isaya 51:20

Avana vovo vagwiyi hasi, kigira vwongoyi vaagoni mu keheri cha vuli inzira, vaveeye kuli embongo igumiliywi mu mutego gwu muhiizi. Vanyangizwa nu vutima vwa Yahova. Kandi ni ligondoka lia Nyasaye.

Jeremia 14:18

Lwandulanga kuzia mumilimi, ndolaa miviri mikuzu ja avandu viitirwa mu vulwani; lwandulaa kuzia mu madaala, ndolaa avandu ni vakuza kigira inzara. Avaporofeti na avasaalisi vakora miyinzi jaavo, navuzwa sivamanyi chavakola mba.”

Jeremia 9:20

Inzi ndaavoora, “Avakali munyi, muhuliri Yahova, kandi muhulirize amakuva geege. Mwigizi vakana vinyu kuli vasioma, kandi avalina vinyu kuli vimba lwimbu lwi likuza.

Ezekieli 5:10

Kigira yaga, avababa valalia avana vaavo kandi avana valalia avababa vaavo. Ndahaana mageri ku munyi kandi ndasalanyia vosi avalitigala mwoyo.

Ezekieli 5:16

Ndatuliza yavo avahaana chukulia ku munyi na mulakuza kigira inzara. Mulahulira vuzunu vwi inzara kuli mivano juvuta miugi jilasiywi kumudiviza.

Mika 1:16

Avandu vi Ivuyuda, muvege amasu ginyu mulisioma kigira vana va mwayaanza. Mwelombe iviole aveene. Kuli indizu, kigira avana vinyu valavugulwa kutura ku munye nukuhirwa mu lihaminywa.

Nahum 3:10

Navuzwa vandu va Zebesi vaahirwa mu vuhambe. Avana vaavo vaakuywa nivakuzira muvuli zikona zie zinzira. Aviimiliri valio avasaza vavugulwa nivavoheywe minyororo ni vagavulanyirwa hagati ku vasigu vaavo.

Matayo 14:25

Nivuchezaa, ahimbi hagati hizisa tisa ni zisa likomi na ziviri zia mugambazuri, Yeso yazia ku aviigi veve, nagenda ku amazi.

Marko 1:35

Yeso yavuka mugambazuri chova nikikiri imwamu, natura munyumba. Yatura ichova wi lidaala nazia havundu ha avandu vaali nivataveeye nasalira ho.

Marko 13:35

Kulwayago munyi kandi mulindi kigira simumanyi lwu mwene winyumba alirana mba. Niiva alirana hamugorova, anoho mu vudiku hagati, anoho muzidaywa, anoho mugambazuri.

Luka 6:12

Lidiku lilala Yeso yazia mu kiguru kusaala, kandi yagona yo nasaalaa ku Nyasaye uvudiku vwosi.

Vakalagi 7:19

Gidioni harara ni kiduma cha vandu miamoja, yaduuka ku lwako lwa hokososa vudiku hagati nivukikili kuduuka vudiku hagati lwa va lindi vahia vaali nivakasamuula. Maku vandu va Isiraeli vaakuba ivisiriva, kandi nivatanyia izinyingu ziavaali nivagumiyi mumakono gaavo.

1 Samweli 1:15

Hana yamutivulira, “Awa; Simbambiki mba, mwami wange, sinweyange iwaini mba. Mbeeye nekehenda mwoyo kenene ligali. Ndakusaalaa, nimbika vudinyu vwu mwoyo gwange ku Yahova.

1 Samweli 7:6

Kunangwa vosi vavugana harara ha Mizipa vadaha amazi kandi nivagasundula ichova kuli kihanwa ku Yahova kandi ni vahonga lilia lidiku liosi. Vavoola; “Kumali kwonera Yahova.” Haali ha Mizipa ha Samweli yahuliriza lisolana lia vandu va Isiraeli nokoleta mirembe hagati haavo kandi kuvakalagira.