Lisyoma lya Jeremia 2:17 - KITABU KITAKATIFU

¹⁷ Yahova amali kokora aga yatihiza, kuduukiza. Amali kudiviza vugira kokovererera kuli yaakwiganihiza zing'inga zia kale. Yaaha avasigu viitu liguuta kandi yavakoli kusangalira liigwa lietu.

Lisyoma lya Jeremia 2:17 ပူးပေါင်းရင်းမြစ်များ

1 Avami 9:7

Maku ndatuliza vandu vange Isiraeli mu kivala cha mali kuvaha. Kandi ndaleka Litembeli yili lia mali kutakasa kuli havundu ha sigamirwa. Vandu havundu hoosi valakolera Isiraeli kehenyahenye

Zaburi 35:24

O, Yahavo, Ivi oveeye mulungi, kunangwa unandizi ndi mbeeye vugira uvwoni; utaleka avasigu vange vasangaliri liguutwa liange mba.

Zaburi 35:26

Leka yavo avasangalira uvusaliri vwange, vaguutwi ligali kandi vadandanywi. Leka yavo avevoora vaveeye avalahi kuvita inzi vaduuki mu lilegwa.

Zaburi 38:16

Utaleka avasigu vange vasangaliri lidambizwa liange mba; utaleka vigingiri kigira ligwa hasi liange mba.

Zaburi 89:42

Umali kuhaana liguuta ku avasigu veve, kandi umali kuvakola vosi kuva nu vusangali.

Zaburi 89:43

Umali kuduhiza viugi vivie viu vulwani, kandi umali koleka aguutwi mu vulwani.

Isaya 14:29

Munyi avandu va Filisitia, mutasangala kigira imbimbu imukuya imali kuvunika mba. Lwa enzoka indala ikuzaa, kihirigoma kiiza mu vogono vwayo. Kihirigoma yiki, kilatera livuyu limanya lialuri enzoka yu kuburuka nu muliru.

Jeremia 18:11

Kunangwa kalunu, ovoolere avandu vi Ivuyuda na Jerusalemi ndi ndohizaa zing'anagani ziukuvingilila kandi nzetegekaa kuvaha amageri. Uvavoolere valeke komenya muvwoni - vagirung'anyie zinzira ziavo ni vindu viavakola.

Jeremia 4:28

Avandu valasioma; ligulu lilava kisundi. Yahova umali kovora kandi sialagirung'anyia zing'anagani zizie mba. Umali kolomba likalaga lilie kandi sialagirung'ana mba.

Jeremia 40:3

kunangwa kalunu umali kokora agayavoola naakole. Yaga goosi gaakolwa kigira avandu vovo vakora uvwoni ku Yahova kandi nivavula kumutia.

Lisyoma lya Jeremia 1:5

Avasigu vaavo vaguuta, vavaviiki mu zinguru ziavo. Yahova uvakoli kusalira kigira uvwoni vwavo vunyingi. Avana vaavo vamali kugumirwa nukuhirwa ihale muvuhambe.

Lisyoma lya Jeremia 2:8

Yahova amali kusaavira kusambula madigi gi lidaala lia Ziyoni. Yavika kimanyiru kolola ndi amadigi goosi gadiviziywi. Minaara harara na madigi, kalunu vitigaye mang'anye.

Lisyoma lya Jeremia 3:43

“Ivi umali kwikunika nu vutima kandi okolondeleye; umali kwiita vugira livererera.

Lisyoma lya Jeremia 4:11

Yahova umali kololekiza vutima vwivwe uvululu. Uhambizi muliru mu Ziyoni ugwasaamba mise jie lidaala.

Ezekieli 5:11

“Kulwayago, kuli inzi mbeeye Nyasaye oveeye mwoyo, Mwami Munene Yahova, kigira mumali kwonogonyia Litembeli liange ni vindu vidamanu kandi ni vindu viukuvihiliriza, ndatuliza liyaanzilira liange ku munyi. Si ndamuhonyia mba kandi si ndamuvererera zimbavasi mba.

Ezekieli 8:18

Kulwayago, ndahaana mageri kuvo mu vutima vwange. Sindavahonya anoho kuvamanyia zimbasi mba. Kali nivasaara ku inzi mu lihanzuka linene, navuzwa si ndavahuliriza mba.”

Ezekieli 9:10

Navuzwa si ndavavererera, anoho si ndavahonyia mba. Ndavaha mageri kuli vahaana mageri ku vandi.”

Danyeli 9:12

Wakola agawavoola ulakola ku kunyi kandi ku vamiihi viitu. Wahaana mageri amalulu ligali ku lidaala lia Jerusalemi kuvita madaala gandi goosi mu lirova,

Mika 2:3

Kunangwa Yahova avoora, “Saaviraa koleta kivi ku munyi, na simulakahononoke kucho mba. Muzizaa kunyooleka munyi vene mu vudinyu, maku simulagenda ni liegingira kandi mba kigira ilava ing'inga yi kivi.

Zefania 1:2

Yahova yavoola “Nziza kudiviza vuli kindu choosi ku lirova.

Zekaria 1:6

Kuvitira mu vaporofeti vatumikiri vange, ndahaana ku vaguuga vinyu malago kandi lieganihiza, navuzwa vagachaya ma nivasaalira kigira likora liavo. Maku, viganira kandi vambugilira ndi: Inzi Yahova Wovunyali, ndaali nimbani kuvo mageri kuli gavadukiraa kandi kuli ndaali nindovoye kokora.’ ”