Lisyoma lya Jeremia 2:15 - KITABU KITAKATIFU

¹⁵ Avandu vosi avavitaa ahimbi ni lidaala linene vamuhenza nu kumukolera kehenyahenye. Vasung'usa mitwi jaavo no kosekaa amang'anye ga Jerusalemi ni vavoola, “Yili ni nilo lidaala linene ilialangwa uvudukiru vwu vulahi kandi uvusangari vwi lirova liosi?”

Lisyoma lya Jeremia 2:15 ပူးပေါင်းရင်းမြစ်များ

2 Avami 19:21

Yili nilio likuva lia Yahova amali komoloma kigira oyo: “Lidaala linene lia Jerusalemi likosekelizaa kandi likuchayaa, ivi Senakeribu.

2 Kyetsinyinga 7:21

“Litembeli yili liveeye kalunu nu luyali lonene muno, navuzwa lwene yilwo mundu woosi uvitira hene hano alava ni ligenya ligali, na alateeva, ‘Kigira ki Yahova naakora kindu yiki ku kivala yiki kandi ku Litembeli yili?’

Zaburi 109:25

Lwa vandu vandora, vasekeriza; Lwa vambeenzaa vasekeriza; vasung'usa mitwi jaavo mu lingolera kehenyahenye.

Zaburi 22:7

Vosi avaandolaa vaangolera kehenyahenye; Vaangunukiraa nukuusungusira mitwi.

Zaburi 48:2

Ziyoni, kiguru cha Nyasaye, keveeye kitambi kandi kilahi ligali, lidaala linene liu mwami munene, keletaa vusangali ku vandu vosi mu kivala.

Zaburi 48:3

Nyasaye alindaa zimbinga zizie; umali kwimanyia ndi aveeye mukingi wukusuuvirwa mugati mwizimbinga zie lidaala linene.

Zaburi 50:2

Nyasaye ang'ereng'anaa kutura ku kiguru cha Ziyoni, lidaala liveeye lilahi ligali kandi liduukiru!

Zaburi 64:8

Nyasaye alavadiviza kigira zinimi ziavo; vosi avavalola, valasung'usa mitwi jaavo.

Isaya 28:21

Yahova alakalwaane kuli yakola ha kiguru cha Perazimu kandi mu livona lia Gibeoni, kunangwa aduuki kokora icha yenya kokora - kali vikolwa vivie niviveeye viokogenyia. Alatwekiza miyinzi jijie jokogenyia.

Isaya 37:22

Yahova umali kovora, “Lidaala linene lia Jerusalemi likosekeleraa, ivi Senakeribu, kandi likolegerizaa. Jerusalemi lidaala linene likusung'usilaa mutwi gwalio.

Isaya 64:11

Litembeli lietu lilahi kandi Litakatifu, havundu ha vaguuga viitu vizominya ivi, limali kusambwa nu muliru, kandi havundu hoosi ha kwayaanza.

Jeremia 18:16

Vamali kokora kivala yiki kuva kindu chilitiihiza, linene ligali, kandi vakekoli kuva chokoleganywa kazozo. Vosi avavitaa valagenya ku agavalolaa; valasung'usa mitwi giavo muligenya.

Jeremia 19:8

Inzi ndakaleete lidiviza liukutihiza ku lidaala yili na vuli mundu ulivitira mu lio alakegose nokogenya.

Jeremia 25:18

Jerusalemi kandi na amadara manene goosi gi Ivuyuda, harara na avami kandi na aviimiliri vago, vanwi iwaini yiyi, kunangwa vaduuki kugwa changalangwi, chukutiihiza kandi chokogenyia, kunangwa avandu valatumikira amita gaavo kuva kuli kilaamo kuduuka lero.

Jeremia 25:9

‘Ndatuma na avandu vosi kutura Ivaale harara nu mutumikiri wange, mwami Nebukadineza wa Babiloni. Valaza kulwaana avandu vi Ivuyuda, harara ni zihiiri ziosi ziveeye ahimbi. Ndadiviza ihiiri yiyi harara ni zihiiri zindi zimenyi ahimbi nayo, na zilatigala hazwa, kilava kindu chokogenyia kandi chukutiihiza ligali mihiga ni mihiga. Inzi Yahova mali kovora.

Jeremia 26:6

Niiva mulazizagilira kuvula kutia, ndakora ku Litembeli yili aga ndakora ku Shilo, kandi izihiiri ziosi zielirova zilatumikira lieta lielidaala yili kuli kiramo.”

Jeremia 29:18

Inzi ndavalonderera ligali ni liihi, inzara enene ligali nu uvulwaye; kandi zihiiri ziosi zie lirova zilava nu vuti vunyingi ligali kolola yaga. Vuli havundu hoosi hambahila, avandu valava ni ligenya kandi nuvuti ku agaamali kokoleka kuvo. Avandu valavasekeriza nukuvakolera kehenyahenye, kandi kutumikira amita gaavo kuva kuli kilaamo.

Jeremia 48:27

Mwizulizaa kuli mwakolera avandu va Isiraeli kehenyahenye? Mwavakolera kuli vaali ni vagumiliywi harara nu muganda gwa aviivi.

Jeremia 51:37

Kivala yicho cha Babiloni kilagwa kitumi cha mang'anye, havundu hi zinyama ziu muvulimu zilakamenye. Kilakave kivala chu vuti; mundu sialakamenye mu mba, kandi vosi avalolaa kivala yiki, valakave nuvuti ligali.

Lisyoma lya Jeremia 1:21

“Huliriza kuli kokenya siaveeye ho nu mundu unyala kokoleminya mwoyo mba. Avasigu viitu vosi vaveeye nuvusangali kigira ivi waakoleetela kivi. Ivi waakuduukiza lidiku lia walaga kokora avasigu viitu vasaaliri kuli kunyi kusaalira.

Lisyoma lya Jeremia 1:8

Avandu va Jerusalemi vaakora uvwoni vwi livereriza ligali, na vagwiyi kuli kindu kifunyaa vugundu. Vosi avahaana uluyali kuvo vavalegerizaa kigira vamali kolola chahonyo chavo. Vakenya aveene kandi agirung'ana nukwivisa mu zisoni.

Lisyoma lya Jeremia 2:16

Avasigu vinyu vosi vamunyega; vamusekerizaa nokodedeyiza amiinu gaavo nivalira nivavoora, “Kumali kulidiviza! Aha, yili ni lidiku lia kwalindilira, kalunu liduuki kandi kuliloli!”

Lisyoma lya Jeremia 2:6

Yasambula havundu haavo hokomenya hatigala kuli mulimi, kandi yakola havundu haavo havatovola hukuvuganira kuva amang'anye. Yamali koheriza lidiku liavo lie lisavo kandi lisabato mu Ziyoni; yamali kuviika vutima vwivwe vululu ku avami kandi avasaalisi.

Ezekieli 16:13

Mwisiaha viuma vie ifeza nizahabu kandi mwivika vuli ing'inga zinguvu ziamangilinya gi katani kandi zindahi ligali. Mwalia mugadi gwalombwa kutura ku vusie vulahi ligali. Mwaakomba uvwuki namaguta gamuzeituni. Uvulahi vwinyu vwang'ereng'ana kandi nimuduuka kuliiva liu Mwami wikikali.

Ezekieli 16:14

Mwamanyikana mu vuli ihiiri kigira vulahi vwinyu vwuvuduukiru, kigira ndaamukora kuva avukuyaanzilira ligali.” Yaga nigo ga Yahova Wuvunyali avoora.

Ezekieli 23:32

Yahova Wuvunyali avoora, “Ulanyora mageri malala mere, kuli aga mwavo woovo yanyoora; gaveeye manene kandi amalulu. Vuli mundu alakusekeriza kandi alakokolera kehenyahenye; amageri yaga gaveeye maduukiru.

Ezekieli 25:6

“Yaga nigo aga Yahova Wuvunyali avoora: Mwakubaga makono kandi nimutumagira kigira vusangali. Munyi mwalegeliza kivala cha vandu va Isiraeli.

Ezekieli 5:15

“Munyi mulava mu manyego kandi mu likolerwa kehenyahenye, mu lieganihizwa kandi kindu chukutiihiza ku zihiiri ziveeye ahimbi na munyi lwa mbana amageri ku munyi mu vutima vwange kandi nu muligondoka.

Danyeli 9:16

O, Yahova, kolondekana ni vikolwa vivio viu vulungi, tuliza vutima vwuvwo ku lidaala lia Jerusalemi, kiguru kitakatifu. Jerusalemi harara na vandu vovo vaduuki mulichaywa hagati hayavo vosi avamali ku kukumberiza.

Mika 6:16

Yaga galakoleka kigira mumali kolonda likora liuvudamanu liu mwami Omuri nu mwana weve, mwami Ahabu. Mwazizagilira kolonda likora lilie na kulwayago ndamudiviza ligali, na vuli mundu alamulegeriza. Avandu havundu hoosi valamukolera kehenyahenye.”

Nahum 3:19

Avulaho mundu unyala kohonyia lisalirizwa lienyu, kandi zingwagu zienyu sizinyala kohona mba. Avandu vosi avahulira makuva kigira lidivizwa lienyu, vakubagaa makono gaavo ni vasangara. Siaveeyeho numundu wahononoka kutura mu vusaliri yivu vutaveeye ne keheri mba.

Zefania 2:15

Yaga nigo galiekoleka ku lidaala liu kwigingira kigira zinguru zialio, niliganagana ndi liveeye mu mirembe. Avandu vi lidaala yili vagagana ndi lidaala liavo liveeye linene ligali mu kivala. Lidaala yili lilakave havundu haveeye vuzwa, havundu hi zinyama ziu muvulimu zilakasosere! Vuli mundu woosi ulivitira ahimbi nalio alakegose nuvuti.

Matayo 27:39

Avandu vavita ahene yaho vaamunyega, nivasung'usa imitwi jaavo.

Marko 15:29

Avandu vavita ahene yaho vaamunyega, vasung'usa imitwi jaavo nivavoora, “Ehe! Ivi waali niwenya usambuli Litembeli kandi uliumbaka ku madiku gavaga!