Lisyoma lya Jeremia 2:12 - KITABU KITAKATIFU

¹² Vateva avamama vaavo ndi, “Viukulia ni iwaini viveeye haliha?” Vakuza kuli avandu vatozeywi muzinzira zie lidaala linene. Vakuza galaha ku magulu ga vamama vaavo.

Lisyoma lya Jeremia 2:12 ပူးပေါင်းရင်းမြစ်များ

Ayubu 30:16

“Kalunu mbeeye ahimbi kukuza, sihaveeyeho novosoosi kuturana nuvusaliri vwange mba.

Zaburi 42:4

Mwoyo gwange guzunangwa novovereri vonene ligali lwa nzizuliza kuli ndaziza nu muganda gwa vandu mu Litembeli lia Nyasaye ni mbimiliraa mu zimbaso lwa vagenda nivimba nukuhanzuka zinyimbu zie lizominywa ku Nyasaye.

Zaburi 62:8

O, munyi avandu vange, musuuviri mu Nyasaye zing'inga ziosi; mu muvoolere uvudinyu vwinyu vwosi Aveeye uvuhaliru vwitu vwi milembe.

Isaya 51:20

Avana vovo vagwiyi hasi, kigira vwongoyi vaagoni mu keheri cha vuli inzira, vaveeye kuli embongo igumiliywi mu mutego gwu muhiizi. Vanyangizwa nu vutima vwa Yahova. Kandi ni ligondoka lia Nyasaye.

Isaya 53:12

Kigira yaga, ndamuviika havundu hu luyali, alagavulana vilaanye harara na avizingulu. Kigira yihaana umwene kuduuka ku likuza, yavalizwa harara na voni; kali ndio, yaginga uvwoni vwa vandu vanyingi kandi nasaara ndi avoni vaduuki kusaamiifa.”

Jeremia 5:17

Valononyia vitagwa vienyu kandi viukulia vienyu; valiita avayaayi na avakaana vinyu. Valasinza mitugu jinyu kandi valononyia mizabibu ni mikuyu jinyu. Liihi liavo liladiviza amadara ginyu gizimbinga agamwasuuvira.

Lisyoma lya Jeremia 1:11

Avandu vosi vi lidaala linene vakenya lwa venya chukulia, chukulia, vakenyanga, vakiranyaa mavikiru gaavo kigira viukulia, kunangwa vaduuki kuva mwoyo. Avandu va Jerusalemi vavoola, “O, Yahova, henza ku kunyi, kigira kumali kolegerizwa.”

Lisyoma lya Jeremia 4:4

Avana vadoto vaveezaa nuvuluhu ligali, kali kuduuka zinimi ziavo zihanda muminwa jaavo. Avana vasoleri vasavaa viukulia, navuzwa si haveeye ho nu mundu unyala kuvaha mba.

Ezekieli 30:24

Maku ndakora makono gu mwami wa Babiloni kuva ni zinguru; kandi ndaviika kivavi change mu makono geege. Navuzwa ndavunanyia makono gu mwami wa Egebeti, kandi alakenya nukukuza imbiri wu musigu weve.