Lisyoma lya Jeremia 2:11 - KITABU KITAKATIFU

¹¹ Zimoni zietu ziiluhi kigira lisioma, mioyo jiitu jizuuyi ovovereri; koveeye novovereri vunyingi kigira lidivizwa lia vandu viitu. Avana kandi zindanya vakuziraa kuzinzira zie lidaala linene.

Lisyoma lya Jeremia 2:11 ပူးပေါင်းရင်းမြစ်များ

Ayubu 16:13

avalasi vu vuta veve vangumberizi; yandoza nu kusaliriza ligali vugira kombererera, yaatanya zimbigu ziange, na indulwi yange yasunduka ku lirova.

Ayubu 30:27

Mwoyo gwange gukubaganaa mu linyang'ana, na sigwituliraa mba; amadiku gi kivi gaduuki ku inzi.

Zaburi 119:82

Zimoni ziange ziiluhi kigira lihenzelera cha wandaga, lwa ndeva, “Ulangonya ng'inga ki?”

Zaburi 22:14

Zinguru ziange ziikami kuli amazi gasunduliywi ichova. Vigumba viange viosi viitiguki; mwoyo gwange guuyiinguki kuli ihura isalulukiziywi.

Zaburi 31:9

O, Yahova, omberere, kigira mbeeye mu vudinyu zimoni ziange ziiluhi kuturana ni lilira linyingi; kandi nduhi ligali mu muviri kandi mumwoyo gwange.

Zaburi 38:8

Zinguru ziange zifeye kandi mali kuduvulanywa ligali. Mwoyo gwange goveeye mu vudinyu nzoyaa nuvuzunu vululu ligali.

Zaburi 6:7

Zimoni ziange ziiluhi kigira ovovereri; zizengeye kigira lidambizwa na vasigu vange.

Zaburi 69:3

Inzi nduhi kuturana ni lianira kigira ovokonyi. Mwigoti mwange mulumaa, zimoni ziange zizengeye kigira lilindilira vokonyi kutura ku Nyasaye.

Isaya 22:4

Kalunu, mundeke siomere vululu, avandu vange vosi avamali kukuza. Mutagelizi koneminya mwoyo mba.

Isaya 38:14

Mwoyo gwange gwaali mudedekere, kandi ndasioma kuli likuulu. Zimoni ziange zialuha kigira kohenza mwigulu, O, Yahova, osoore kutura mu vudinyu yivu vwosi.

Isaya 51:20

Avana vovo vagwiyi hasi, kigira vwongoyi vaagoni mu keheri cha vuli inzira, vaveeye kuli embongo igumiliywi mu mutego gwu muhiizi. Vanyangizwa nu vutima vwa Yahova. Kandi ni ligondoka lia Nyasaye.

Jeremia 14:17

Yahova yandaga mbore amakuva yaga ku avandu yava: “Leka zimoni ziange zidorokaa amaliga mbasu nu vudiku, kandi mburi kolekera kusioma kali hakuzu, kigira avandu vange vamali kwatwa zing'oma nukusalirizwa ligali.

Jeremia 4:19

Uvuzunu! Sinyala kwikuzira kuvuzunu mba! Mwoyo gwange! Mwoyo gwange gukubaganaa vudinyu ligali! Sinyala kuchiring'ana mba; mbulira visiliva kandi liyoga lie liihi.

Jeremia 44:7

“Kunangwa, Inzi Yahova Wuvunyali, Nyasaye wa avandu va Isiraeli, kalunu muteeva ndi, kigira ki mwekolelaa munyi aveene vindu vidamanu kuli yivi? Mwenya koleta lidiviza ku avasaza na avakali, avana vasoleri kandi avana avadoto, kunangwa mundu ku avandu vinyu avuli kutigala?

Jeremia 8:19

Muhulirizi! Mbulira avandu vange nivalira mukivala choosi: “Yahova yatura mu Ziyoni? Mwami wa Ziyoni yatura yo kandi naye?” Yahova, mwami wavo yativura, “Kigira ki mwakora inzi kuva nu vutima ku lisigamira vifananyi viinyu! Kandi linamira avanyasaye vinyu avageni avataveeye kindu?”

Lisyoma lya Jeremia 1:11

Avandu vosi vi lidaala linene vakenya lwa venya chukulia, chukulia, vakenyanga, vakiranyaa mavikiru gaavo kigira viukulia, kunangwa vaduuki kuva mwoyo. Avandu va Jerusalemi vavoola, “O, Yahova, henza ku kunyi, kigira kumali kolegerizwa.”

Lisyoma lya Jeremia 1:16

“Yiki nicho kigira nikusioma kandi amaliga nigidoloka kutura mu zimoni zietu. Siaveeye ho nu mundu unyala kukuleminya mwoyo mba, kandi siaveeye ho nu mundu unyala kukudinyiriza mba. Avana viitu vatigaye hazwa, kigira vasigu viitu vamali kukuguuta.”

Lisyoma lya Jeremia 1:20

“Henza, O, Yahova, kigira koveeye mu kivi, kunyi koveeye muvudinyu; mioyo jietu jimali kukuza kigira kumali kugwa avibaali ku ivi ligali. Muzinzira zie lidaala linene avandu vitiywi ni vivavi; kali mu zinyumba, likuza liveeye mu.

Lisyoma lya Jeremia 5:17

Kigira yaga mioyo jiitu jiveeye midedekere; kigira ivindu yivi zimoni zietu zizengeye.

Luka 23:29

Kigira ing'inga yiza ya avandu valivoola, ‘Vaveeye nu vugasu avakali vagumba, kandi zinda ziavula kwivura avana, ni izimbeere ziavula kunyunyia.’

1 Samweli 30:4

Daudi na vandu veve vatanga kulira na sivalekela lilira mba kuduuka lwa vaali nivaluhi ligali.