Lisyoma lya Jeremia 1:9 - KITABU KITAKATIFU

⁹ Uvwoni vwa vandu yava vwaloleka havulavu, navuzwa si vahenda mwoyo ku kivi chavo mba. Liavo liali lidamanu ligali; si yaliho numundu waali anyala kuvaleminya mwoyo mba. Vanira Yahova avavererer mu vudinyu vwavo kigira avasigu vaavo vaali nivamali kuvaguuta!

Lisyoma lya Jeremia 1:9 ပူးပေါင်းရင်းမြစ်များ

2 Samweli 16:12

Hawundi Yahova alalola liverera liange ma yambe uvugasu kuvugura ovogono vwi kilaamo chiche.”

2 Avami 14:26

Yahova yalora uvusaliri vululu vwa Visiraeli; sihaali ho nu mundu wu kuvakonya kali hakuzu.

Nehemia 9:32

“O, Nyasaye, Nyasaye wiitu, Ivi oveeye munene ligali kuli ndi! Ivi oveeye wukutihiza kandi wizingulu! Muvusuuvirifu ulindaa lilagana liilio lia walaga. Kutura ing'inga lwa avami va Asiria vakudambiza, kali kuduuka kalunu ndi, kwasalirizwa hanene ligali! Avami viitu, aviimiliri viitu, avasaalisi na avaporofeti viitu, avaguuga viitu, na avandu viitu vosi vamala kusalirizwa ligali. Yizuliza kuli uvusaliri kumali kusalira.

Zaburi 119:153

O, Yahova, henza ku vusaliri vwange na ombonyie, kigira si nziviriraa amalago googo mba.

Zaburi 140:8

O, Yahova, utaha avachamu cha venya mba; utaleka lilohiza liavo liu muvwivisu lizizagiliri mba.

Zaburi 25:18

Henza ku lidambizwa kandi lisalirizwa liange, na usamihi vwoni vwange vwosi.

Zaburi 69:21

Lwa ndaali ni inzara, vaamba chukulia kilulu kuli isumu; kandi lwa ndaali nu vuluhu, vaamba chukunwa kilulu kuli isiki.

Kutwula 3:17

Mali kotovola ndi ndamuleeta kutura mu kivala cha Egebeti wavadambizirwa, nukuvahila mu kivala keveeye kitugi kandi kenoru, kivala cha vandu va Kanaani, Hiti, Hivi, Vajebusi, Amori, na Perizi.

Kutwula 3:7

Maku Yahova yavoola, “Ligali mali kolola uvusaaliri vwa vandu vange vaveeye navwo mu kivala cha Egebeti, kandi mali kuhulira lilira liavo liukwenya kosolwa kutura ku vadambizi vaavo.

Kutwula 4:31

Vasuuvira, kandi lwa vahulira ndi Yahova umali kuuza kuvo kandi ololi kuli vadambizwa kivi kenene, vinama hasi nivasigamira Yahova.

Kohelethu 4:1

Maku ndaalora vuchamu vwosi vwekoleka mu kivala yiki. Avandu vadaambizwa vaalira, nu mundu siyaaliho uwaali unyala kuvakonya mba. Siyaaliho nu mundu waali unyala kuvakonya, kigira avadamibzi vaavo vaali ni zinguru kuvavita.

Isaya 3:8

Jerusalemi imali kudivizwa! Na Ivuyuda imali kugwa vindu viosi via vavoola kandi via vakoolaa vivihiliriza Yahova; na vanyega Nyasaye; havulavu.

Isaya 37:17

Kalunu, O, Yahova, ukuhuliri na ohenze ku agekolekaa ku kunyi. Huliriza ku vindu viosi via Senakeribu avoora okonyega ivi, Nyasaye oveeye mwoyo.

Isaya 37:23

Uganaganaa nivwaha wa ivi onyegaa kandi kohenyahenyera? Ivi siuhaani luyali ku inzi, Nyasaye Mutakatifu wa Isiraeli mba.

Isaya 37:29

Mali konyoora makuva gu vutima vuvwo ku inzi kandi mbuliyi liegingira liilio ku inzi, ndavika endoani mu amuulu googo, kandi lijamu mu munwa mumwo na ndakwiranyira kunzira ya waazira ku.”

Isaya 37:4

Mwami wa Asiria utumi mwimiliri wa vatumikiri veve kuuza konyega Nyasaye oveeye mwoyo. Yahova Nyasaye woovo ahuliri manyego yaga ma ahaane mageri ku yavo avagamolomi. Kunangwa usaale ku Nyasaye kigira avandu viitu avatigara mwoyo.”

Isaya 40:2

mudinyirizi avandu va Jerusalemi. Muvavoolere ndi uvusaaliri vwavo vumali kohera na kalunu mali kuvasamiiha uvwoni vwavo vwosi, kandi mali kuhaana mageri gange kuvo kigira uvwoni vwavo vwosi.”

Isaya 47:7

Munyi avandu va Babiloni, mwaganagana mulamiiha mihiga ni mihiga, simwaganagana ku vindu yivi mu mioyo jinyu mba, kandi simwaganangana kuli keheri kiliduuka mba.

Isaya 51:19

Uvuvi yivu vwombi vukugwiliyi. Uvwoneku ni lidiviza, inzara ni liitwa nivwaha ukovelerera? Nivwaha okoleminya mwoyo?

Isaya 54:11

Yahova avoora, “O, Jerusalemi Ivi usalirizangwa, lidaala linene litinyalizaa, vugira mundu wukuleminya mwoyo, ndumbaka vuhia imise jijo na magina guvuguli ovonene.

Jeremia 13:27

Amali kumulora nimukoraa ivindu viu kuvihiliriza. Amali kumulora nimuzizaa ku avanyasaye vu muvigulu kandi anoho kuli ibarasi yenya kutuuma. Avandu va Jerusalemi kivi, keveeye ku munyi! Munyi mulava avadamanu kuduuka ing'inga ki?

Jeremia 16:7

Siaveeyeho kali mulala ulakarii chukulia anoho ulinywa iwaini harara naye anoho ulakamuleminyi mwoyo lwumuyanze weve akuza mba, si aveeyeho mulala ulaka muvererere mba, kali ku oyo umali kogotiza baba weve anoho mama weve.

Jeremia 2:34

Mumali kwita vandu vadaka avataveeye nimbala; si mwavanyoola ni vaveeye a viguliri kandi a vivi mba. “Navuzwa mu likora yaga goosi, muvooraa,

Jeremia 48:26

Yahova yavoola, “Munyi avandu va Moabu, mulakolwa kuva kuli avahambiku, kigira mumali kwibaala ku inzi. Mulagalagala mu maluki ginyu aveene, kandi avandu valamusekeriza.

Jeremia 5:31

Avaporofeti vavoola makuva guvugadi vuzwa; avasaalisi vamiiha kolondekana nilienya lia avaporofeti, na avandu vange si vagaya ivindu yivi mba. Navuzwa munyi, mulakola ki lwa vindu yivi viosi viduuka ku keheri?”

Jeremia 50:29

“Vooleri avasaza vukulasa vuta vingiliri avandu va Babiloni. Mutumi vuli mundu uwamanya kutumikira vuta ni mivano. Mukumbilizi lidaala linene kandi mutaleka mundu kali mulala yiruki mba. Muvanze kisaalia ku avandu valio ku goosi aga vamali kokora, kandi muvakolere kuli vaakolera avandi, kigira vaakolera inzi mu lierora, Mutakatifu wa Isiraeli.

Lisyoma lya Jeremia 1:17

Muporofeti avoora: “Avandu va Ziyoni vaanyiira makono gaavo valeminywe mwoyo, navuzwa si yaliho mundu waali anyala kuvaleminya mwoyo mba. Yahova amali kulaga ndi visukululwi via Yakobo vave avasigu vaavo. Jerusalemi imali kugwa kindu kifunyaa vugundu hagati haavo.”

Lisyoma lya Jeremia 1:21

“Huliriza kuli kokenya siaveeye ho nu mundu unyala kokoleminya mwoyo mba. Avasigu viitu vosi vaveeye nuvusangali kigira ivi waakoleetela kivi. Ivi waakuduukiza lidiku lia walaga kokora avasigu viitu vasaaliri kuli kunyi kusaalira.

Lisyoma lya Jeremia 2:13

O, munyi avandu va Jerusalemi, inzi nyara kovora ki ku munyi? Nyara kumufananyia na kindiki? O, munyi avandu va Ziyoni, inzi nyara kumuleng'anyia na kindiki kunangwa nduuki kumuleminya mwoyo? Lidivizwa lienyu liveeye linene ligali kuli inyanza nene. Nivwaha unyala kumuhonyia?

Lisyoma lya Jeremia 4:1

Muporofeti avoora: Izahabu indahi imali kwononywa, kandi imali kogotiza ling'ereng'ana liayo; magina guvuguli vonene gu mu Litembeli gamali kusalanywa mu zinzira.

Lisyoma lya Jeremia 5:1

Avandu va Jerusalemi vasaala: O, Yahova, wizulizi agaamali kokoleka ku kunyi. Ohenze okohenze ma olole zisoni zietu.

Hosea 2:14

Kunangwa, ndamuvugura nu kumuhila mwigendanyama, kandi ndamoloma kuye nu vuyanzi.

Zefania 2:10

Nindio avandu vi kivala cha Moabu na Amoni valakanyore amageri kigira lielola kandi kilage harara ni ligemihiza lia vakolera vandu va Yahova Wuvunyali.

Yohana 11:19

Avayuda vanyingi vaali nivaazi kolola Marita na Maria vavaleminye mwoyo ku likuza lia mbozo wavo.

Kwidzulitsa 26:7

Maku mwanira munyore ovokonyi kutura ku Yahova, Nyasaye wa avaguuga vinyu. Yahulira kandi nalora uvusaliri vwitu, uvudinyu kandi vovereri vwitu.

Kwidzulitsa 32:27

Navuzwa sindakaleke avasigu vaavo vigingiri, ndi vamali kuguuta avandu vange, lwa yaali ninzi Yahova mwene umali kuvasionolanyia.’

Kwidzulitsa 32:29

Valava novogeri, ngano vakamanyirizi yaga, vakamanyirizi keheri chavo kilava ndi!

1 Petro 4:17

Ing'inga yi likalaga imali kuduuka na avandu va Nyasaye valava vukutanga kukalagirwa. Niiva kunyi kulava avukutanga kukalagirwa, galiva ndi ku yavo avatasuuvira Ivangeri ya Nyasaye?

1 Samweli 1:11

Hana yalagana na Nyasaye navoora, “O, YAHOVA WANYALA VIOSI, henza ku inzi mutumikiri woovo! Lola vudinyu vwange na unzizulizi! Utanzivilira mba! Numba mwana muyaayi, inzi suuvirizaa ndi ndamuhaana ku ivi, Yahova, mu livamwoyo lilie liosi na sialivega liisu lilie.”